طومارین یازیلماسی و اوخونماسی
باروک اِرِمیانین آغزیندان آتامیزین سؤزلرئنی یازیر و اونلاری معبدئن اوروج گونونده اوخویور؛ اعیانلار بونو جئدّی قارشیلاییر و هر ائکی آدامی گئزلَدئرلر. یِهویاقئم تندئرئنئن یانیندا قولاق آسیر، سوتونلاری کَسئب اونلاری یاندیریر. طومار داها اوزون تزه‌دن یازیلیر، و اونون نسلی تختی ائتئرئر.
36 1یهودا پادشاهی یوشئیا اوغلو یِهویاقئمئن پادشاهلیغینین دؤردونجو ائلئنده، بو سؤز آتامیزدان اِرِمیایا نازئل اولدو:
2«بئر طومار گؤتور و یوشئیانین گونلرئنده سنئنله ائلک دفه دانیشدیغیم واختدان ائندئیه کئمی، ائسرایئلئن، یهودانین و بوتون مئلّتلرئن ضئدّئنه سنه ددئیئم هر سؤزو اونون اوستونده یاز. 3بلکه یهودا اونلارین باشینا گتئرمک ائسته‌دئیئم بوتون بلانی اشئدئب، هر کس اؤز پئس یولوندان دؤنه و من ده اونلارین تقصئرئنی و گوناهینی باغیشلایام.»
4اِرِمیا نِرئیا اوغلو باروکو چاغیردی و باروک، اِرِمیانین آغزیندان، آتامیزین اونا ددئیی بوتون سؤزلری بئر طومارا یازدی. 5سونرا اِرِمیا باروکا تاپشیریب ددی: «من منع اولموشام، آتامیزین اِوئنه گده بئلمه‌رم. 6سن گت و منئم آغزیمدان یازدیغین، آتامیزین سؤزلرئنی طوماردان اوخو؛ اوروج گونونده آتامیزین اِوئنده اولان بوتون خالقا و اؤز شهرلرئندن گلن یهودا خالقینا اونلاری اوخو. 7بلکه اونلارین مرحمت اوچون یالواریشلاری آتامیزا یتئشه و هر کس اؤز پئس یولوندان دؤنه، چونکی آتامیز بو خالقین ضئدّئنه بؤیوک قضب اعلان ادئب.»
8نِرئیا اوغلو باروک، پیغمبر اِرِمیانین اونا امر اتدئیی هر شیی اتدی و آتامیزین اِوئنده، کئتابدان آتامیزین سؤزلرئنی اوخودو. 9یهودا پادشاهی یوشئیا اوغلو یِهویاقئمئن پادشاهلیغینین بشئنجی ائلئنده، دوقّوزونجو آیدا، اورشلئمده اولان بوتون خالق و یهودا شهرلرئندن گلن هرکس، آتامیزین حوضوروندا اوروج اعلان اتدئلر. 10باروک، بوتون خالقین اشئتمه‌سی اوچون، اِرِمیانین سؤزلرئنی طوماردان، آتامیزین اِوئنده، مئرزه شافان اوغلو گِمَریانین اوتاغیندا، یوخاری حَیَطده، آتامیزین اِوئنئن تزه دروازاسینین گئره‌جه‌یئنده اوخودو.
11شافان اوغلو گِمَریا اوغلو مئکایا، طوماردان آتامیزین بوتون سؤزلرئنی اشئدنده، 12پادشاهین اِوئنه، مئرزه‌نئن اوتاغینا اِندی کی، اورادا بوتون اعیانلار اوتورموشدولار: مئرزه اِلئشاماع، شَمَعیا اوغلو دِلایا، آکبورون اوغلو اِلناتان، شافان اوغلو گِمَریا، حَنَنیا اوغلو صئدقئیا و بوتون اعیانلار. 13مئکایا، باروک کئتابدان خالقا اوخویاندا اشئتدئیی بوتون سؤزلری اونلارا نقل اتدی. 14بوتون اعیانلار کوش اوغلو شِلِمیا اوغلو نِتَنیا اوغلو یِهودینی باروکون یانینا گؤندَ‌رئب ددئلر: «خالقا اوخودوغون طوماری گؤتور و گل.» نِرئیا اوغلو باروک اونو اَلئنه گؤتوروب اونلارین یانینا گلدی.
15اونا ددئلر: «اوتور و اونو بئزه اوخو.» باروک دا اونو اونلارا اوخودو.
16بوتون سؤزلری اشئدنده، هر بئری قورخویا دوشوب بئربئرئنه باخدی و باروکا ددئلر: «بئز گرک بوتون بو سؤزلری پادشاها دییَک.» 17باروکدان سوروشدولار: «بئزه دِه گؤرک، بو سؤزلرئن هامیسینی نجه یازدین؟ اونون آغزیندان‌می؟»
18باروک جاواب وردی: «او، بوتون بو سؤزلری منه دیئردی و من اونلاری مورَکّبله کئتابا یازدیم.»
19سونرا اعیانلار باروکا ددئلر: «گدئن گئزلَنئن، سن و اِرِمیا؛ قویمایین هچ کس هارادا اولدوغونوزو بئلسئن.»
20اونلار طوماری مئرزه اِلئشاماعین اوتاغیندا قویوب، حَیَطده اولان پادشاهین یانینا گتدئلر و هر شیی اونا نقل اتدئلر. 21پادشاه طومار اوچون یهودینی گؤندَ‌ردی و او، طوماری مئرزه اِلئشاماعین اوتاغیندان گؤتوردو. یهودی اونو پادشاها و پادشاهین یانیندا دوران بوتون اعیانلارا اوجا سَسله اوخودو. 22پادشاه قیش اِوئنده اوتورموشدو؛ دوقّوزونجو آی ائدی و اونون قاباغینداکی تندئرده اود یانیردی. 23یهودی اوچ-دؤرد سوتون اوخویان کئمی، پادشاه اونلاری مئرزه بیچاغی ائله کَسئب، بوتون طومار یانیب قورتارانا قدر، تندئرئن اودونا آتیردی. 24آمّا بو سؤزلری اشئدن پادشاه و اونون بوتون اعیانلاری نه قورخدولار، نه ده پالتارلارینی جیردیلار. a a v24 پالتاری جیرماق، تارینین قاباغیندا کَدَر، یاس و یا تؤوبه‌نئن عنعنوی بئر علامتی ائدی. 25اِلناتان، دِلایا و گِمَریا پادشاها تأکئد اتدئلر کی، طوماری یاندیرماسین، آمّا او، اونلارا قولاق آسمادی. 26پادشاه، پادشاهین اوغلو یِرَخمِاِله، عَزرئئل اوغلو سِرایایا و عَبدِاِل اوغلو شِلِمیایا امر اتدی کی، مئرزه باروکو و پیغمبر اِرِمیانی توتسونلار، آمّا آتامیز اونلاری گئزلَتدی.
27پادشاه، باروکون اِرِمیانین آغزیندان یازدیغی سؤزلرله طوماری یاندیراندان سونرا، آتامیزین سؤزو اِرِمیایا نازئل اولدو:
28«باشقا بئر طومار گؤتور و اوّلکی طومارین بوتون سؤزلرئنی اونون اوستونده یاز کی، یهودا پادشاهی یِهویاقئم اونو یاندیردی. 29یهودا پادشاهی یِهویاقئم حاقّیندا دِه: آتامیز بله دیئر: سن بو طوماری یاندیریب ددئن: ”نئیه یازدین کی، بابئل پادشاهی حتمن گلئب بو تورپاغی محو اده‌جک و اوندان هم ائنسانی هم ده حیوانی یوخ اده‌جک؟“ 30اونا گؤره آتامیز یهودا پادشاهی یِهویاقئم حاقّیندا بله دیئر: اونون نسلئندن هچ کس داوودون تختئنده اوتورمایاجاق؛ اونون جسدی گوندوزون ائستئسئنه و گجه‌نئن سویوغونا آتیلاجاق. 31من اونو، اونون نسلئنی و اونون اعیانلارینی گوناهلارینا گؤره تَنبِه اده‌جیم و اونلارین، اورشلئم ساکئنلرئنئن و یهودا خالقینین باشینا، اونلارین ضئدّئنه اعلان اتدئیئم بوتون بلانی گتئره‌جیم، آمّا اونلار قولاق آسمادیلار.»
32اِرِمیا باشقا بئر طومار گؤتوروب، اونو مئرزه نِرئیا اوغلو باروکا وردی. باروک، اِرِمیانین آغزیندان، یهودا پادشاهی یِهویاقئمئن اودا یاندیردیغی طومارین بوتون سؤزلرئنی و اونلارا بنزه‌ر چوخلو سؤزو اونون اوستونده یازدی.
