هئرود کئلئسایا هوجوم ادر
هئرود یعقوبو اؤلدورور و پطروسو زئندانا سالیر. آتامیزین بئر مَله‌یی گجه زنجئرلری قوپاریر و دروازالار اؤز-اؤزونه آچیلیر؛ پطروس گومان ادر کی، رؤیا گؤرور. دوعا توپلانتیسیندا بئر قوللوقچو قیزا دیئرلر کی، دَلی اولوب. بئر تاری کئمی تعریفلَنَن هئرود اؤلور.
12 1همن واختدا هئرود پادشاه، اونلارا ضرر یتئرمک قصدئنده، کئلئسایا عایید اولان بعضی آداملارا هوجوم اتدی. 2او، یوحنّانین قارداشی یعقوبو قیلینجلا اؤلدوردو. 3بونون یهودئلرئن خوشونا گلدئیئنی گؤرنده، هئرود مایاسیز چؤرک گونلرئنده پطروسو دا توتدو. 4او، اونو توتوب زئندانا سالدی و اونو گؤزله‌مک اوچون دؤرد عسگردن عئبارت دؤرد دسته‌یه تاپشیردی؛ چونکی پاسخادان سونرا اونو خالقین قاباغینا چیخارتماق ائسته‌یئردی.
5بله‌جه پطروس زئنداندا ساخلانیردی، آمّا کئلئسا اونون اوچون جان-دئلدن آتامیزا دوعا ادئردی. 6او گجه، هئرود اونو چیخارتماسیندان قاباق، پطروس ائکی زنجئرله باغلانمیش حالدا ائکی عسگرئن آراسیندا یاتمیشدی؛ قاپینین قاباغینداکی کشئکچئلر ده زئندانا کشئک چکئردئلر. 7بئردن آتامیزین بئر مَله‌یی اونون یانیندا دوردو و اوتاق ایشیقلا دولدو. مَلَک پطروسون بؤیرونه ووروب اونو اویاتدی و ددی: «تئز قالخ!» زنجئرلر اونون اَللرئندن دوشدو. 8مَلَک اونا ددی: «گِیئن و چاریقلارینی گِی.» پطروس اله ده اتدی. سونرا مَلَک ددی: «عباوی اَینئنه سال و دالیمجا گل.» 9بله‌جه پطروس باییرا چیخیب اونون دالینجا گتدی، آمّا مله‌یئن اتدئکلرئنئن حقئقی اولدوغونو بئلمئردی؛ ائله گومان ادئردی کی، بئر رؤیا گؤرور. 10بئرئنجی و ائکئنجی کشئک یرئندن کچئب، شهره آچیلان دمئر دروازایا چاتدیلار. دروازا اؤزو اؤزونه اونلارین اوزونه آچیلدی. اونلار باییرا چیخیب بئر کوچه گتدئلر، و بئردن مَلَک اوندان آیریلدی.
11اوندا پطروس اؤزونه گلئب ددی: «ائندی آرخایین بئلدئم کی، آتامیز اؤز مله‌یئنی گؤندَ‌رئب منی هئرودون الئندن و یهودی خالقینین گؤزله‌دئیی هر شیدن قورتاردی.» 12بونو باشا دوشَنده، مرقوس آدلانان یوحنّانین آناسی مریمئن اِوئنه گتدی؛ اورادا چوخلو آدام ییغیلیب دوعا ادئردئلر. 13پطروس اِشئک قاپیسینی دؤیَنده، رودا آدلی بئر کنئز قیز قاپینی آچماغا گلدی. 14پطروسون سسئنی تانییاندا، اله سِوئندی کی، قاپینی آچمادان ائچه‌رئیه قاچدی و خبر وردی کی، پطروس قاپینین آرخاسیندا دورور.
15اونلار اونا ددئلر: «عاغلینی ائتئرئبسن!» آمّا او تأکئد ادئردی کی، دوغرودور. اونلار دا ددئلر: «بو، اونون مَله‌یی‌دئر.» 16آمّا پطروس دؤیمکده داوام ادئردی، و قاپینی آچیب اونو گؤرنده مات قالدیلار. 17پطروس اَلی ائله اونلارا ساکئت اولماق ائشاره‌سی ورئب، آتامیزین اونو نجه زئنداندان چیخارتدیغینی اونلارا نقل اتدی. سونرا ددی: «بونو یعقوبا و قارداشلارا بئلدئرئن.» و باشقا بئر یره گتدی.
18سحر آچیلاندا، پطروسون باشینا نه گلدئیی باره‌ده عسگرلرئن آراسیندا آز اولمایان بئر قاریشیقلیق دوشدو. 19هئرود اونو آختاریب تاپمایاندان سونرا، کشئکچئلری سورغو-سوآل ادئب اونلارین اؤلدورولمه‌سئنی امر اتدی. سونرا یهودئیه‌دن قیصرئیّه‌یه اِنئب اورادا قالدی.
آتامیز هئرودو وورور
20هئرود صور و صئدون اهلئنه برک قضبلَنمئشدی. اونلار بئرلئکده اونون یانینا گلئب، پادشاهین اوتاق‌باشچیسی بِلاستوسو اؤز طرفلرئنه چکدئکدن سونرا، صولح ائسته‌دئلر؛ چونکی اونلارین اؤلکه‌سی ارزاق اوچون پادشاهین اؤلکه‌سئنه مؤحتاج ائدی. 21تعیئن اولونموش گونده، هئرود شاهلیق پالتاری گیئنئب تختده اوتوردو و اونلارا بئر نئطق سؤیله‌دی. 22جاماعات باغیریردی: «بو، بئر تارینین سَسی‌دئر، ائنسان سسی دیئل!» 23او آندا آتامیزین بئر مَله‌یی اونو ووردو، چونکی جلالی آتامیزا ورمه‌مئشدی؛ و قوردلار اونو یدی و او اؤلدو.
24آمّا آتامیزین کلامی بؤیویوب یاییلماقدا داوام ادئردی. 25بَرنابا و شاول اؤز وظئفه‌لرئنی باشا چاتدیراندان سونرا، مرقوس آدلانان یوحنّانی اؤزلری ائله گؤتوروب اورشلئمدن قاییتدیلار.
