耶利米哀歌 2

2 ¹至高嘅父發怒, 竟然用密雲遮蓋錫安嘅女子! 佢將以色列嘅榮華由天扔落地;喺佢發怒嘅日子,佢冇記念佢嘅腳凳。 ^a a v1 佢嘅腳凳:即係耶路撒冷嘅聖殿,神喺地上同在嘅地方。 ²至高嘅父毫不留情咁吞滅咗 雅各所有嘅住處; 佢喺烈怒中拆毀猶大女子嘅堅固城堡。 佢將佢嘅國同佢嘅首領,羞辱到伏喺地上。 ³佢喺烈怒中砍斷以色列 一切嘅力量;佢收返自己嘅右手, 任由佢哋喺仇敵面前無遮無掩。 佢喺雅各中焚燒, 好似四圍吞滅一切嘅烈火。 ⁴佢好似仇敵咁拉開弓, 右手好似敵人咁擺好姿勢;佢殺咗 一切令人賞心悅目嘅人。喺錫安女子嘅帳棚裏面,佢好似火咁傾倒佢嘅烈怒。 ⁵至高嘅父變成好似仇敵咁; 佢吞滅咗以色列。 佢吞滅咗佢一切嘅宮殿, 毀壞咗佢嘅堅固城堡, 又喺猶大女子身上 加添悲哀同哀哭。 ⁶佢好似拆花園咁拆毀自己嘅棚,佢毀壞咗自己所定嘅聚會地方。我哋嘅父使錫安忘記 所定嘅節期同安息日, 喺佢烈怒之中 厭棄咗君王同祭司。 ⁷至高嘅父丟棄咗自己嘅祭壇, 憎厭咗自己嘅聖所; 佢將佢宮殿嘅牆交喺仇敵手裏。 佢哋喺我哋嘅父嘅殿裏面喧嚷,好似過節嘅日子咁。 ⁸我哋嘅父定意要毀壞錫安女子嘅城牆。佢拉開準繩;佢冇縮返手唔去拆毀。 佢使外郭同城牆一齊悲哀; 佢哋一齊衰敗。 ⁹佢嘅城門陷咗落地; 佢毀壞折斷咗佢嘅門閂。 佢嘅君王同首領流落喺列國中; 律法已經冇咗, 佢嘅先知 都得唔到我哋嘅父嘅異象。 ¹⁰錫安女子嘅長老 靜靜咁坐喺地上; 佢哋將塵土撒喺頭上, 又穿上麻衣。耶路撒冷嘅少女 都俯首到地。 ¹¹我雙眼喊到干晒; 我肚裏面翻騰;我嘅心傾倒喺地上,因為我子民嘅女子遭受毀滅, 眼見孩童同嬰兒喺城 裏面嘅街道上昏倒。 ¹²佢哋向自己嘅母親喊叫: 「邊度有餅同酒呀?」 佢哋好似受傷嘅人咁喺城 裏面嘅街道上昏倒, 喺母親嘅懷抱裏面,生命一點一滴流走。 ¹³耶路撒冷嘅女子啊, 我可以為你講啲乜嘢呢? 我攞乜嘢同你相比呢?錫安嘅童貞女子啊, 我攞乜嘢嚟比作 你,好去安慰你呢? 因為你嘅破裂大到好似大海咁; 邊個可以醫好你呢? ¹⁴你嘅先知 為你所見嘅係虛假同欺哄嘅 異象;佢哋冇揭露你嘅罪孽 去挽回你嘅境況,反而為你見到虛假同誤導人嘅默示。 ¹⁵所有經過 嘅人都向你拍手;佢哋嗤笑,搖頭 望住耶路撒冷嘅女子話: 「呢座就係從前被人稱為 全美、 全地所喜悅嘅城咩?」 ¹⁶你所有嘅仇敵 都向你張開 個口;佢哋嗤笑,咬牙切齒, 叫喊話:「我哋吞滅咗 佢喇!呢個就係我哋渴望嘅日子;我哋等到喇,我哋見到喇!」 ¹⁷我哋嘅父已經成就咗佢所定嘅;佢實現咗好耐之前所吩咐嘅話。佢毫不憐惜咁拆毀; 佢任由仇敵向 你幸災樂禍,又高舉你敵人嘅勢力。 ¹⁸眾人嘅心向至高嘅父呼求。錫安女子嘅城牆啊,願你嘅眼淚好似江河咁日夜流淌!唔好俾自己歇息,唔好俾你嘅眼睛停下嚟。 ¹⁹起嚟,喺夜間呼喊, 喺每一更 嘅開頭! 好似倒水咁喺至高嘅父面前傾倒你嘅心! 為你孩子嘅性命向佢舉起你嘅手, 佢哋喺每一個街角因 為飢餓而昏倒。 ²⁰我哋嘅父啊,求你觀看,細想: 你曾經咁樣對待過邊個呢? 婦女豈可食自己所生、 所抱過嘅仔女咩? 祭司同先知豈可喺至高嘅父嘅聖所裏面被殺咩? ²¹後生嘅同年老嘅都倒臥喺街道嘅地上; 我嘅少女同少年都喺刀下倒斃。 你喺發怒嘅日子殺咗佢哋, 毫不憐惜咁宰殺。 ²²你召集四圍嘅驚恐,好似召人赴節期嘅日子咁; 喺我哋嘅父發怒嘅日子, 冇一個能夠逃脫或者生還。 我嘅仇敵消滅咗 我所抱過、所養大嘅人。