Simbidila Nduka Bela-bela
Tata mosi wisi tala tuka ha nela yandi wisi zimbula mana kámona. Ngunza mosi wukondi ngangu wisi diata ku nzu yimosi muna masika, amana mukhetu wisa kuntundakana, wuna wayidika mabanza mandi amana kazaya ni bakala dyandi kwenina ku mbazi. Yandi wisi landa hanga ngombi yenda ku kuhonda.
7 1Mwana wama, lunda mambu mama, amana lumbika mitsiku myama mwena ngeyi.
2Lunda mitsiku myama amana zinga; lunda malongi mama hanga mboni ya disu dyaku. 3Kasa myawu hana milembu myaku; sonika myawu hana dibaya dya mbundu yaku.
4Zimbula kwena nduka: «Ngeyi wenina phangi wama,» amana tela ngangu nduku waku wa lungongu, 5hanga watina mukhetu wa munzenza, yi munzenza ni lengu ndinga zandi.
6Mukuma hana nela ya nzu yama yátala ku tsi muna mabaya mama, 7amana yámona hana kati dya bana ba khunda, yámona hana kati dya bangunza, ngunza mosi wukondi ngangu, 8wubati luta muna balabala bela-bela yi pfumba yandi, wubati bonga nzila yenda ku nzu yandi, 9muna masika, bwosu tangwa dibati kota, muna phipha yi mudima.
10Amana kutala, mukhetu mosi wisa mutundakana, wavwata hanga ndumba-leta, yi bukamvi muna mbundu yandi. 11Yandi wenina ngolu yi wákolama; malu mandi mazíngaku ku nzu. 12Muna tangwa dimosi muna balabala, muna tangwa dikwawu muna bifulu bya batu, wisi hingila mu pfumba zoosu. 13Wámukwata amana wámufyoba, amana ni luse lwa konda nsoni wumuzimbwadi:
14«Yákala yi bimenga bya ngemba bya kulambula; lelu yáfuta ndefi zama. a a v14 Kimenga kya ngemba kyákala kya kukabana hanga nyengu — wisi songila ni wenina yi madya makubama yi kikuma kya kumona kyesi ku nzu. 15Buna yálubuka mu kwisa kukutundakana, mu kusanda yi tsambu, amana yákuwana. 16Yáyala thangi yama ni mizaka, ni miledi mya mitindu yi mitindu mya ku Engipiti. 17Yásya ha thangi yama mila, aluwesi yi kinamoni. 18Kwisa, tunwenu lungongu yi tsambu tii yi kuna suka; tudiyukutisenu mu lungongu. 19Mukuma yakala wama keku ku nzu; wenda mu kitambu kya ndanda. 20Wábonga dikuta dya phalata hamu yi yandi, amana kavutukaku ku nzu tii ngondi yafuluka.»
21Ni ndinga zandi zoosu za kukwikisa, wumuhúkumuni; ni malebu mandi ma lengu, wumunati. 22Muna mbala mosi, wámulanda, hanga ngombi yenda mu kuhonda, hanga nsesi wisi kota mu mutambu, 23tii nsonga yátobula kibumu kyandi; hanga nuni yibati kota mu mutambu, kazayiku ni dina dyakamúfutisa luzingu lwandi.
24Yi hakana, bana bama, yukenu meni, amana simbidilenu mana yibati zimbwala. 25Mbundu yaku kayabaluku ku nzila zandi; kuhúkumukaku mu mikinda myandi. 26Mukuma wábabwisa batu ba lawu; bana kahondidi benina mulumba-lumba wa mbuta. 27Nzu yandi yenina nzila yenda ku kalunga, yisi kulumuka ku bisuku bya lufwa.
