Gyaan ke Usor te Rakhibi
Ekjon baba nijor khirki pora saabi kene ki dikhise etu koi. Bujhi nathaka ekjon deka manuh sandhya homoi te ekta ghor phale jai, aru tai ke ekjon mahila lok pai, jun nijor plan bonai loise aru tai laga mota bahar te gaise koi kene jane. Tai mari dibo phale loi juwa goru nisena tai laga piche jai.
7 1Moi laga bacha, moi laga kotha khan rakhibi, aru moi laga hukum khan tumi laga bhitor te joma kori rakhibi.
2Moi laga hukum khan rakhibi aru jinda thakibi; moi laga sikhoni ke tumi laga suku laga putli nisena rokhia koribi. 3Eitu khan ke tumi laga anguli khan te bandhi rakhibi; eitu khan ke tumi laga mon laga pathor te likhibi.
4Gyaan ke kobi, “Tumi moi laga bhoini ase,” aru buddhi ke tumi laga sob pora morom sathi matibi, 5mana kora maiki pora, chikna kotha kowa nachina maiki pora tumi ke bachai rakhibo.
6Kilemane moi laga ghor laga khirki te, moi laga jali pora niche te saise, 7aru moi murkho khan majot te dikhise, deka khan majot te lakhyo korise, buddhi nathaka ekjon deka ke, 8tar kona usor te rasta pora jai thakise, tar ghor phale laga rasta loise, 9din dhundha hoi juwa homoi te, saja laga somoi te, rati laga andhar aru ghono andhera te.
10Aru ta te ekjon maiki tar ke lok koribole ahhise, beshya nisena kapor pindhi, tar mon te chalaki loi kene. 11Tai hala kora aru mana nakora ase; tar theng khan ghor te nathakibo. 12Kitia rasta te, kitia khula jaga khan te, tai sob kona te luki kene rukhi thake. 13Tai tar ke dhori loi kene chuma dise, aru sorom nathaka mukh pora tar ke koise:
14“Moi logot te shanti laga boli khan anibole thakise; aji moi nijor manot khan purah korise. a a v14 Shanti laga boli tu ekta bhoj nisena bhag kori khaise — tai laga motlob hoise tai logot te khana taiyar ase aru ghor te khushi kori bole ekta karon ase. 15Etu nimite moi tumi ke lok koribole bahar ahhise, mon di kene tumi ke bisarise, aru moi tumi ke pai loise. 16Moi nijor bisna te dhaki chador khan, Egypt pora aha rong-berong kapor khan pora bichai dise. 17Moi nijor bisna ke gandharos, agar, aru dalchini pora sugandh kori dise. 18Ahibi, phojur tak ami morom te bhori kene anondo koribo; ami morom te nijor ke harai dibo. 19Kilemane moi laga mota ghor te nai; tai dur laga safar te jai jaise. 20Tai logot te poisa laga ekta jhola loise aru bhorapura chand nohua tak ghor te wapas nahibo.”
21Tar sob mon mohi kora kotha khan pora tar ke ghurai dise; tar chikna oth khan pora tar ke tani loise. 22Ekdom achanak te tai tar piche jaise, kati bole loi juwa goru nisena, phand te giri juwa horin nisena, 23jitia tak ekta tir tar kolija te gusi najai; phand phale joldi uri juwa chiriya nisena, eitu tar jivon loi lobo koi kene tai najane.
24Etiya tetiya, moi laga bacha khan, moi laga kotha huni bi, aru moi ki koi ase, etu te mon dibi. 25Tumi laga mon ke tar rasta phale ghuribole nadibi; tar rasta khan te berai najabi. 26Kilemane tai bisi manuh khan ke girai dise; tai morai diya khan ekta dangor bhir ase. 27Tar ghor tu kobor phale laga rasta ase, juntu mrityu laga kamra khan te niche jai thake.