Thangmei Nganaida Singtitlu
Awui windowwui eina yangkahai avā akhana theikahai chi hānga. Theishingmakhui mayarnao ngala akhana zingkhaiwui atamli shim akhali vāda, chili ngarānkahai sha̱nao akhana ali shomā, awui nupa ngāsaklakha da theida. Ana mukkā sathatli thanvā thada ali zingkhui.
7 1Inaomayara, iwui tui chi mayonda pamlu, kala iwui ningkhami chi naningli thumhailu.
2Iwui ningkhami mayonda okthuilu; iwui tamkachithei chi namik lumzailak kahai thāda ngasaklu. 3Chi napāngmarengli neihailu; naning lungphekli kapisanghailu.
4Thangmeili hānglu, "Na iwui izarva̱na," kala theishingkakhui chi nawui ngahānkhangai ngasotnao da holu, 5kapākhayong sha̱naowui eina, makhangatunva̱wui chānhān khamathāwui eina nali phārimi khavaina.
6Kaja iwui shimwui charfali, iwui phākhokhurwui eina yangshoka, 7kala mangkhama̱bingwui alungli ina theihaira, yaronnaobingwui alungli ina phaninga, ning mazang yaronnao akha, 8awui achikun nganailakha chānreili akāna, awui shim vākhavai shongfali zatta, 9ngazinshong, kazing yinguki, ngayā tangkhamang kala tangmangting alungli zata.
10Kala yanglu, khayorva̱ thāda kachon ngavailaga, awui ningli mareimarā leida, sha̱nao akha ali samphang khavai rāsai. 11Ana khonzāra kala ngakaikashena; awui phei shimli mapamthumana. 12Ara chānreili, ara leihngapha̱lungli, ana achikun kachida ngaraida lei. 13Ana ali ngakhunlaga maya̱khui, kala makhayak azak eina ali hānga:
14"Iwuili ningyatchigat chigat khavai leisai; aja ina iwui khangashit sākahai chi mihaira. a a v14 Ningyatchigat chi phanit thāda ngayarphazā kahaina — ana shimli phazā khavai kashakazā ngasharihaira kala mathānkhavai apong lei da hāngkhamina. 15Chiwui vang eina ina nali samphang khavai shokta rāsai, nali phāshang phāda, kala ina nali phāhaira. 16Iwui petli Egyptwui machu aphor kahai kachon eina chonrān haihaira. 17Iwui petli myrrh, aloe kala sākom eina nganamkaphā ngasakhaira. 18Rālu, ngathor eina tangda ithum leikashi mangsangsa; leikashilungli ithum khalatta yāmshoksa. 19Kaja igahara shimli maleimana; ana katāva̱ shongzāli vaihaira. 20Ana lupākhao khuiphunga; kala kachāng eina tangda shimli maungrarmana."
21Awui ngaphat-ngayāt tui saikorana ali mutngasaka; awui nganaipat kahai morchaina ali nganaokhui ngasaka. 22Taithat khavai mukvā zata thāda, khalenli vāzangda chao thāda, kashuirak eina ana awui athi shurhaira, 23malā eina amathinli kāpsanglakha eina tangda; khalenli yongzangki vānao thāda, chi awui mirinwui aman khaleina kaji ana matheimana.
24Chieina ara, O naomayarabing, ili nganālu, kala iwui kahāng tui nganākhuikazaklu. 25Nawui ning awui apongvāk mapākthuihaialu; awui shongfali mayaozathaialu. 26Kaja ana khangazanbing kachungkha pitāngasakhaira; awui sāthat kahaibing chi mi kachungkha kapangpangana. 27Awui shim chi Kathewui ramli vāki shongfana, kathiwui kāli tāzanga.
