Tata Wáhana Ayi kwena Bisi Kiseledi

Tata wetu wáheka Ayi mu koku mbala ya zodi, mu nzila ya mutambu yi mu kutina kwa luvunu, amana kyamvu kyandi bámukaka ha nti. Buna, mu kifulu kyayituka ha kati dya mvita, lukutakanu lwosu—ata banzenza—lwátelama ha mongu modi, bwosu mambu moosu ma mitsiku, lusambulu yi tsingu, mákala tangwa ha ngolu.

Tata wetu kisi zonza mu mavese 1–2, 18

Kapitulu 8.

Amana Tata wetu wuzimbudi kwena Yoswa: «Wuyukaku bweya amana wuyambaku kikesa. Bonga batu boosu ba mvita yi ngeyi amana wenda ku Ayi. Yikuheka mu moku maku kyamvu kya Ayi, batu bandi, mbanza yandi yi tsi yandi. Wahanga kwena Ayi yi kyamvu kyandi bwosu wáhanga kwena Yediko yi kyamvu kyandi. Kaasi bonga muluta yi bibulu kwenu. Leka mutambu ku nima ya mbanza.»

Amana Yoswa yi batu boosu ba mvita báyandika mu kukatuka ku Ayi. Wásola batu makumatatu ma mafunda ba kikesa ba ngolu amana wábahitika mu builu. Wábatuma: «Hingilenu mu mutambu ku nima ya mbanza, kaasi kwakula kuku. Benu boosu, kebenu. Meni yi batu bama boosu, tukakúbwesuka ku mbanza. Amana tangwa balúbuka mu kunwanisa betu bwosu buna butheti, tukatína ku thwala ya bawu. Bakalúlanda ku nima tii yi tukabakatula kwakula yi mbanza, mukuma bakazímbula: ‹Beti tina ku thwala ya betu bwosu buna butheti.› Buna tukabatína. Buna, telamenu mu mutambu amana lukwata mbanza, mukuma Tata wenu kakayiheka mu moku menu. Amana tangwa lukakwata mbanza, lulosa mbawu mu mbanza yina. Luhanga bwosu buna wáthuma Tata wetu. Tala, yílutuma.»

Amana Yoswa wábahitika, bénda ku kifulu kya mutambu amana bánanga ha kati kya Beteli yi Ayi, ku mazyokidi ma tangwa ma Ayi. Kaasi yandi wánanga mu builu meni ha kati kya batu. Amana Yoswa wátokama mu suka-suka, wákutakanisa batu, amana yi bambuta ba Kiseledi wábatwadisa ku Ayi. Batu boosu ba mvita bandi báyandika mu kukatuka, báhyoka tii yi bátula ha kifulu kyatalana yi mbanza, amana bázinga ku londi dya Ayi, hanga beti dyákala ha kati kya bawu yi Ayi. Wábonga kitesu kya batu mafunda matanu amana wáleka mutambu ha kati kya Beteli yi Ayi, ku mazyokidi ma tangwa ma mbanza. Buna, básya batu: kaa kyosu ku londi dya mbanza, yi batsinzidi ba ku nima ku mazyokidi ma tangwa. Amana mu builu meni, Yoswa wénda ha kati-kati dya beti. Amana tangwa kyamvu kya Ayi kámona bwabuna, batu ba mbanza bátokama mu suka-suka amana bálubuka thinu mu kukhundakana yi Kiseledi mu mvita, ha kifulu kina kyázengama kuna thwala ya Alaba, yandi yi batu bandi boosu. Kaasi kázayaku ni mutambu wakala hingila ku nima ya mbanza. ^a Amana Yoswa yi Kiseledi dyosu bádisisa bávutula ku nima amana bátina ku nganga. Batu boosu bana bákala mu mbanza básenda mu kubalanda. Bálanda Yoswa amana babákatula kwakula yi mbanza. Ka mutu ku wásala mu Ayi holo mu Beteli wuna kálubukaku mu kulanda Kiseledi. Básisa mbanza yakangula amana bálanda Kiseledi.

Amana Tata wetu wuzimbudi kwena Yoswa: «Yuna dikonga dina dyenina mu koku dyaku ku Ayi, mukuma yikayiheka mu moku maku.» Buna Yoswa wáyuna dikonga dina dyakala mu koku dyandi ku mbanza.

Mu mbala yina káthuta koku dyandi, batu ba mutambu bátelama tswasu mu kifulu kya bawu, bákota thinu mu mbanza, bákwata yawu amana tswasu básya mbawu mu mbanza. Amana batu ba Ayi bávutuka amana bámona mwisi wa mbanza wukala tungama ku zilu, kaasi nzila yakutina yákalaku, mukuma bana bátina ku nganga bávutukila bana bábalanda. Amana tangwa Yoswa yi Kiseledi dyosu bámona ni batu ba mutambu bákwata mbanza, amana ni mwisi wandi wukala tungama, bávutuka ku nima amana bábeta batu ba Ayi. Amana bana bakwawu bálubuka mu mbanza mu kukhundakana yi bawu, buna batu ba Ayi bákala ha kati kya Kiseledi mu ndambu zodi. Kiseledi wábabeta tii yi ka mutu ku wasala holo wahúluka. Kaasi kyamvu kya Ayi, bámukwata wa moya amana bámunata kwena Yoswa.

Amana tangwa Kiseledi kámanisa mu kuhonda batu boosu ba Ayi mu mphatu yi mu nganga, kuna bábalandila, amana boosu báfwila ku mbedi ya phoku tii yi ka mutu ku wasala, Kiseledi dyosu dyávutuka ku Ayi amana dyábeta yawu ku mbedi ya phoku. Boosu bana bábwa mu kilumbu kina, bayakala yi bakhetu, bákala mafunda kumi yi modi, batu boosu ba Ayi. Yoswa kázedisaku koku dyandi dina dyakala simba dikonga, tii yi kámanisa mu kubebisa batu boosu ba Ayi. Kaasi bibulu yi muluta wa mbanza yina kaka, Kiseledi dyábonga byawu, bwosu buna wátuma Tata wetu kwena Yoswa. Buna, Yoswa wáyokisa Ayi amana wáyikitula ntutu wa mabwa wa mvu yi mvu, kifulu kya kuzangana tii yi lelu. Wákudika kyamvu kya Ayi ha nti tii yi masikidika. Amana tangwa tangwa dyázimina, Yoswa wátuma ni batulula lutu lwandi ha nti amana balosa ku mwelu wa mbanza. Amana básya ntutu wa mbuta wa matadi hana yandi, wuna kwakuna tii yi lelu.

Bisi Kiseledi Bavutukisa Bulunda bwa Tata

Amana Yoswa wátunga mesa ma kimenga kwena Tata wetu, Nzambi wa Kiseledi, ha mongu wa Ebali. bwosu buna wátuma Moyize, musadi wa Tata wetu, kwena batu ba Kiseledi, bwosu buna básonika mu mukanda wa mitsiku mya Moyize: mesa ma kimenga ma matadi mana makazengwaku, mana makasimbwaku ku kisengu. Hana mawu, bátambika makabu ma kuyoka kwena Tata wetu amana bátambika makabu ma ngemba. Kwakuna, kuna thwala ya bisi Kiseledi, wásonika hana matadi kifwani kya mitsiku mya Moyize, mina kásonika Moyize. Kiseledi dyosu, munzenza yi mwisi tsi phila mosi, kumosi yi bambuta, batsinzidi yi bazusi ba mambu, bátelama mu ndambu zodi za mukunzu wa bulunda, kuna thwala ya banganga Nzambi ba balefi bana bákala nata mukunzu wa bulunda bwa Tata wetu. Kati-kati kyátala ku mongu wa Ngelizimi, kati-kati kyátala ku mongu wa Ebali, bwosu buna watekila kuzonza Moyize, musadi wa Tata wetu, mu kusakumuna batu ba Kiseledi. Amana wátanga ndinga zoosu za mitsiku, lusakumunu yi lusingu, bwosu kaka buna básonika mu mukanda wa mitsiku. Yoswa wátanga ndinga zoosu zina kátuma Moyize, konda kusisa ata yimosi, kuna thwala ya kimvuka kyosu kya Kiseledi: bakhetu, bana yi banzenza bana bákala zinga ha kati kya bawu.