Mi eng' bukuit

Kirwoogik 7 FHB Father's Heart Bible™

Kiistoi 15% eng' kiy ne iale korook →
Bukuit

Choorei Kwanda Murenik Pogol Somok

Amu si mata kotegsegei Israel koleen kagosorwa eunnyi, kotilchi Kwandanyo Gideon eliphuusyekyik koek murenik pogol somok, eng' iywenatet ak eng' ole oe piik peek. Kokas Gideon ng'otetap puunyoot, kokony, ak koboor eng' igondisyek ak kegenganik ye kobargei nganaseet eng' rotwegwak kergei.

Ng'alaali Kwandanyo eng' mustarisyek 2–5, 7, 9–11

Sura 7.

Ki ng'eet karon Jerubaal (Gideon) ak piik tugul che po ineendet, ak koteech eng' soteetap Harod; ki mi nganaseetap Midian eng' murot, eng' tulweetap Moreh eng' aoriindo.

Ki leenji Kwandanyo Gideon, “Kichaang' piik che itinye kosiir si agoochi icheek Midian, si mata kotegsegei Israel eng' anee, koleen, ‘Kagosorwa eunnyu.’ Imwachi anyun piik, koleen, ‘Chii age tugul ne iywei ak ne botandos, koweeksei ak komong' tulweetap Gilead.’” Ki weeksei piik eliphuusyek tiptem ak aeng'; ak kagong'et eliphuusyek taman.

Ki leenji Kwandanyo Gideon, “Kichaang' piik kogeny. Imutwech komong'u ole mi peek; asesyin icheek eng' olooto. Chii age tugul ne amwaun kole ingobendi kobooto inyee, kobendi; ak ne amwaun kole mata kobendi kobooto inyee, mata kobendi.” Ki imut piik komong'u ole mi peek, ak koleenji Kwandanyo Gideon, “Iibesye chii age tugul ne nalei peek eng' ng'elyeptanyi ko uu seset; iyai ko uu nooto chii age tugul ne gutunyi koe peek.”

Ki nalei murenik pogol somok peek eng' eunekwak; ak ki gutuny alak tugul koe peek.

Ki leenji Kwandanyo Gideon, “Eng' murenik pogol somok che nalei asarwok ak agoonin Midian eng' eung'ung'. Iyookte alak tugul koba koonnywa, chii tugul ole menye.”

Ki nam piik amitwogik ak igondisyek; ak kiyookte Gideon alak tugul che po Israel koba koonnywa, chii tugul koonnyi, ago kagong'et murenik pogol somok kobootonyi. Ki mi nganaseetap Midian eng' ng'wony eng' aoriindo.

Eng' kemout nooto koleenji Kwandanyo ineendet, “Ng'eet, imong'u nganaseet, amu kagagoonin eng' eung'ung'. Ago ngot iywei imong'u, imong'u nganaseet kobooto Pura otwogindeng'ung',

“Igas ne mwaei icheek, yeityo kigimit eunekwok, ak imong'u nganaseet.” Ki mong' ineendet kobooto otwogindennyi Pura agoi tabanwegap nganaseet ole mi murenik che tinyei kariik.

Ki ru Midianik, ak Amelegik, ak piigap kong'asiis tugul eng' aoriindo ko uu chereng'enyinik; ki ma ko iitoksei tambeesikwak ko uu ng'aniek che mi ngeguutap nyanjet. Kingo it Gideon, kita komwachi chiito age chorwennyi karwotitoet. Ki le, “Keero, kaarwootyi karwotitoet: ki rwelgei magatyat ne tainganat ne po baale agoi nganaseetap Midian, kobir emait kot kobut, ak kowelelgei kobut ng'wony kot koyaach.”

Ki wolu chorwennyi kole, “Ma kiy age ni, ago ko rotwetap Gideon weeriitap Joash, chiitap Israel. Kigonde Kamuktaindet Midian ak nganaseet tugul eng' eunnyi.”

Kingo kas Gideon karwotitoet ak weeksennyi, ko ing'uruuk, ak koweek nganaseetap Israel, ak kole, “Ong'eet, amu kagogoonok Kwandanyo nganaseetap Midian eng' eunekwok.” Ki pcheune murenik pogol somok kweanaik somok, ak ki igoochi chii tugul igoondit ak kigombet ne puch ak kegenget ne mi kigombet.

Ki leenji icheek, “Igeer anee ak oyai ko uu ye aei anee. Ye ait tabanwegap nganaseet, oyai ko uu ye aei anee.”

Ye aguut anee ak che mi kobootanyu tugul igondisyek, oguut agine okweek igondisyek eng' kong'etei nganaseet komugul, ak owaach, oleen, “Agobo Kwandanyo ak agobo Gideon!”

Ki it Gideon ak murenikyik pogol tabanwegap nganaseet, ye kagonam ribetap kwenut, ye kingo kagiwal asigarik. Ki kuut icheek igondisyek ak kotuei kigombok che ki mi eunekwak. Ki kuut kweanaik somok igondisyekwak ak kotuei kigombok, ak koip kegenganik eng' eunekwak che po kaataam, ak igondisyek eng' eunekwak che po tai si koguut, koleen koboldos, “Rotweet agobo Kwandanyo ak agobo Gideon!” Ki tonon chii tugul ole mi eng' kong'etei nganaseet, ak kolabat lugeet tugul, ak koboldos, ak komwee. Ye kagoguut igondisyek pogol somok, koinde Kwandanyo rotwetap chii tugul kobargei ak chorwennyi eng' nganaseet komugul. Ki mwee lugeet agoi Beth-shittah, ole wendi Zererah, agoi kiwotetap Abel-meolah ne neegitee Tabbath. Ki iyumgei piigap Israel che po Naphtali, ak Asher, ak Manasseh tugul, ak koon Midianik. Ki yookte Gideon kiboortoik eng' tuluosyekap Ephraim, koleen, “Omong'u obargei ak Midian—onam peek taitap icheek, agoi Beth-bara ak Jordan.” Ki iyumgei anyun murenik tugul che po Ephraim ak konam peek agoi Beth-bara ak Jordan. Ki nam pounigap Midian aeng', Oreb ak Zeeb. Ki bar Oreb eng' koitap Oreb, ak Zeeb eng' ole kitue sabibutap Zeeb. Yeityo koon Midian ak koip metowegap Oreb ak Zeeb ole mi Gideon komosin Jordan.