நியாயாதிபதிகள் 7

7 ¹எருபாகால் (கிதியோன்) என்பவனும் அவனோடிருந்த ஜனங்கள் யாவரும் அதிகாலையில் எழுந்து, ஆரோதின் ஊற்றண்டையிலே பாளயமிறங்கினார்கள்; மீதியானியரின் பாளயம் அவர்களுக்கு வடக்கே, பள்ளத்தாக்கிலுள்ள மோரே மேட்டண்டையில் இருந்தது.

²எங்கள் பிதா கிதியோனை நோக்கி: “உன்னோடிருக்கிற ஜனங்கள் மிகவும் அதிகம்; நான் மீதியானியரை அவர்கள் கையில் ஒப்புக்கொடுத்தால், ‘என் கை என்னை இரட்சித்தது’ என்று இஸ்ரவேலர் எனக்கு விரோதமாய்ப் பெருமைபாராட்டுவார்கள். ³ஆகையால் நீ ஜனங்களின் காதுகள் கேட்க: ‘பயந்து நடுங்குகிறவன் எவனும் திரும்பி, கீலேயாத் மலையைவிட்டுப் போய்விடக்கடவன்’ என்று கூறு” என்றார். அப்பொழுது ஜனங்களில் இருபத்தீராயிரம்பேர் திரும்பிப்போனார்கள்; பதினாயிரம்பேர் மீதியாயிருந்தார்கள்.

⁴எங்கள் பிதா கிதியோனை நோக்கி: “ஜனங்கள் இன்னும் அதிகம்; அவர்களைத் தண்ணீரண்டைக்குக் கூட்டிக்கொண்டுவா; அங்கே நான் உனக்காக அவர்களைப் பிரித்தெடுப்பேன்; ‘இவன் உன்னோடே போகட்டும்’ என்று நான் சொல்கிறவன் உன்னோடே போவான்; ‘இவன் உன்னோடே போகவேண்டாம்’ என்று நான் சொல்கிறவன் எவனும் போகமாட்டான்” என்றார். ⁵அவன் ஜனங்களைத் தண்ணீரண்டைக்குக் கூட்டிக்கொண்டுவந்தான்; அப்பொழுது எங்கள் பிதா கிதியோனை நோக்கி: “நாய் நக்குகிறதுபோல தன் நாவினால் தண்ணீரை நக்குகிறவன் எவனையும் தனியேயும், குடிக்கிறதற்கு முழங்கால் ஊன்றுகிறவன் எவனையும் தனியேயும் நிறுத்து” என்றார்.

⁶தங்கள் கையால் தண்ணீரை வாய்க்கு எடுத்து நக்கினவர்கள் முந்நூறுபேர்; மற்ற ஜனங்கள் யாவரும் தண்ணீர் குடிக்க முழங்கால் ஊன்றினார்கள்.

⁷அப்பொழுது எங்கள் பிதா கிதியோனை நோக்கி: “நக்கின அந்த முந்நூறுபேரைக்கொண்டு நான் உங்களை இரட்சித்து, மீதியானியரை உன் கையில் ஒப்புக்கொடுப்பேன்; மற்ற ஜனங்கள் யாவரும் அவரவர் தம் இடத்திற்குப் போகக்கடவர்கள்” என்றார்.

⁸ஜனங்கள் வழிக்கு ஆகாரத்தையும் எக்காளங்களையும் கையில் எடுத்துக்கொண்டார்கள்; கிதியோன் இஸ்ரவேலரில் மற்ற எல்லாரையும் அவரவர் கூடாரத்திற்கு அனுப்பிவிட்டு, அந்த முந்நூறுபேரை மாத்திரம் வைத்துக்கொண்டான். மீதியானியரின் பாளயம் அவனுக்குக் கீழே பள்ளத்தாக்கிலே இருந்தது.

⁹அன்று இராத்திரியிலே எங்கள் பிதா அவனை நோக்கி: “எழுந்திரு, பாளயத்தண்டைக்கு இறங்கிப்போ; அதை உன் கையில் ஒப்புக்கொடுத்தேன். ¹⁰இறங்கிப்போகப் பயப்படுவாயானால், நீயும் உன் வேலைக்காரனாகிய பூராவும் பாளயத்தண்டைக்கு இறங்கிப்போய்,

¹¹அவர்கள் பேசிக்கொள்வதைக் கேள்; பின்பு உன் கைகள் பலப்படும், நீ பாளயத்திற்குள் இறங்கிப்போவாய்” என்றார். அப்பொழுது அவனும் அவன் வேலைக்காரனாகிய பூராவும் பாளயத்திலுள்ள ஆயுததாரிகள் நிற்கும் எல்லைவரைக்கும் இறங்கிப்போனார்கள்.

¹²மீதியானியரும் அமலேக்கியரும் கிழக்கத்திய ஜனங்கள் யாவரும் வெட்டுக்கிளிகளைப்போலப் பள்ளத்தாக்கிலே கிடந்தார்கள்; அவர்களுடைய ஒட்டகங்களோ கடற்கரை மணலைப்போல எண்ணிறந்ததாயிருந்தது. ¹³கிதியோன் அங்கே வந்தபோது, ஒருவன் தன் தோழனுக்கு ஒரு சொப்பனத்தை விவரித்துச் சொல்லிக்கொண்டிருந்தான். அவன்: “இதோ, நான் ஒரு சொப்பனத்தைக் கண்டேன்; வாற்கோதுமை அப்பமான ஒரு உருண்டை மீதியானியரின் பாளயத்திற்குள் புரண்டுவந்து, கூடாரத்தில் மோதி, அதை விழத்தள்ளி, தலைகீழாகக் கவிழ்த்துப்போட்டது; அப்படியே கூடாரம் விழுந்துகிடந்தது” என்றான்.

¹⁴அதற்கு அவன் தோழன்: “இது இஸ்ரவேலனாகிய யோவாசின் குமாரன் கிதியோனுடைய பட்டயமேயல்லாமல் வேறல்ல; தேவன் மீதியானியரையும் இந்தப் பாளயம் முழுவதையும் அவன் கையில் ஒப்புக்கொடுத்தார்” என்று மறுமொழி சொன்னான்.

¹⁵கிதியோன் அந்தச் சொப்பனத்தையும் அதின் அர்த்தத்தையும் கேட்டபோது, தொழுதுகொண்டு, இஸ்ரவேலின் பாளயத்திற்குத் திரும்பிவந்து: “எழுந்திருங்கள், எங்கள் பிதா மீதியானியரின் பாளயத்தை உங்கள் கைகளில் ஒப்புக்கொடுத்தார்” என்றான். ¹⁶அவன் அந்த முந்நூறுபேரை மூன்று படைகளாகப் பிரித்து, ஒவ்வொருவன் கையிலும் ஒரு எக்காளத்தையும், வெறும் பானையையும், அந்தப் பானைக்குள் ஒரு தீவட்டியையும் கொடுத்து,

¹⁷அவர்களை நோக்கி: “என்னைப் பாருங்கள்; நான் செய்கிறபடியே செய்யுங்கள்; இதோ, நான் பாளயத்தின் எல்லையண்டைக்குப் போய், நான் செய்கிறபடியே செய்யுங்கள்.

¹⁸நானும் என்னோடிருக்கிற யாவரும் எக்காளம் ஊதும்போது, நீங்களும் பாளயத்தைச் சுற்றிலும் எக்காளங்களை ஊதி, ‘எங்கள் பிதாவுக்காகவும் கிதியோனுக்காகவும்!’ என்று கூப்பிடுங்கள்” என்றான்.

¹⁹நடுஜாமம் தொடங்கின வேளையிலே, காவலாட்கள் மாற்றப்பட்ட உடனே, கிதியோனும் அவனோடிருந்த நூறுபேரும் பாளயத்தின் எல்லையண்டைக்கு வந்து, எக்காளங்களை ஊதி, தங்கள் கைகளிலிருந்த பானைகளை உடைத்தார்கள். ²⁰அப்படியே மூன்று படைகளும் எக்காளங்களை ஊதி, பானைகளை உடைத்து, இடதுகைகளில் தீவட்டிகளையும், வலதுகைகளில் ஊதுகிறதற்கு எக்காளங்களையும் பிடித்து: “கர்த்தருக்கும், எங்கள் பிதாவுக்காகவும் கிதியோனுக்காகவும் ஒரு பட்டயம்!” என்று கூப்பிட்டார்கள். ²¹பாளயத்தைச் சுற்றிலும் அவரவர் தம் நிலையிலே நின்றார்கள்; அப்பொழுது சேனையனைத்தும் ஓடி, கூக்குரலிட்டுத் தப்பியோடிற்று. ²²அந்த முந்நூறு எக்காளங்கள் ஊதப்பட்டபோது, எங்கள் பிதா பாளயம் முழுவதிலும் ஒவ்வொருவன் பட்டயத்தை அவனவன் தோழனுக்கு விரோதமாகத் திருப்பினார். சேனை பெத்சித்தாமட்டும், சேரோத்தை நோக்கியும், தபாத்தண்டையிலுள்ள ஆபேல்மேகொலாவின் எல்லைமட்டும் ஓடிப்போயிற்று. ²³அப்பொழுது நப்தலியிலும், ஆசேரிலும், மனாசே அனைத்திலுமிருந்த இஸ்ரவேலர் கூப்பிடப்பட்டு, மீதியானியரைப் பின்தொடர்ந்தார்கள். ²⁴கிதியோன் எப்பிராயீமின் மலைநாடு எங்கும் ஸ்தானாபதிகளை அனுப்பி: “மீதியானியருக்கு விரோதமாய் இறங்கிவந்து, பெத்பாராமட்டும் யோர்தான்மட்டுமுள்ள தண்ணீர்த்துறைகளை அவர்களுக்கு முன்னதாகப் பிடித்துக்கொள்ளுங்கள்” என்று சொல்லச்செய்தான். அப்படியே எப்பிராயீமின் மனுஷர் யாவரும் கூடிவந்து, பெத்பாராமட்டும் யோர்தான்மட்டுமுள்ள தண்ணீர்த்துறைகளைப் பிடித்துக்கொண்டார்கள். ²⁵அவர்கள் மீதியானியரின் இரண்டு பிரபுக்களாகிய ஓரேபையும் சேபையும் பிடித்து, ஓரேபை ஓரேப் என்னும் கன்மலையிலும், சேபை சேப் என்னும் ஆலையிலும் கொன்று, மீதியானியரைப் பின்தொடர்ந்து, ஓரேப் சேப் என்பவர்களின் தலைகளை யோர்தானுக்கு அப்பாலிருந்த கிதியோனிடத்திற்குக் கொண்டுவந்தார்கள்.