Titusli, Iwui Kachangkhat Nao
Crete kong-li ngaraila mi kasemkhavai kala tuingashit kamashung chuikhavai maramli Titus-li kachuikhavai.
1 1Ithumwui Avāwui rao kala Jishu Khristawui paokazata Paul, ithumwui Avāwui kapang kakhuibingwui shitkasang kala Vareli kaphaningli thānmi khamashungwui aworwui vang, 2katang makhavai kharingwui kachihānli, hi kharing chi makakapika ithumwui Avāna atambing masāranglakha ngashit sai, 3kala awui retkahai atam chili, ithumwui Huikhame Avāwui kaso athishurda ili misang kahai paokaphā eina, awui tui chi phongmihaira. 4Ithum ngarumsang shitkasangli iwui kachangkhat nao Titusli: ithumwui Avā kala ithumwui Huikhame Khrista Jishuwui eina lukhamashan kala chingri nathumli ngasomiranu.
Avāwui Charfa Chitheimi Khararnaobing
5Kuinama kahai chi kupmi khavai kala ina nali kasoi kahai athishurda keinung kachiva̱li khararnaobing kapangkhui khavai, ina nali Creteli thuihaira. 6Khararnao chi sui makakā, preiva̱ akhamāng kaje sāphalungra. Awui naongarābingla shitkasanga, kala ka̱lāshāt ringphā lah ngakaikashe otwui kaphen makhalei sāphalungra. 7Kaja churchwui kathā chiya, ithumwui Avāwui otram ngatha̱khame thāda, sui makakā sāphalungra. Ana khayāning makhaninga, malungvātkazar masāla, makhamaripa, masākashe, kala makhamashunga katongli kākharāma ot masāphalungmara. 8kha kha̱mimāli ngahānkatha, kaphā otwui leikashe, khalatta ngarinthei, khangatar, kathara kala khalatta khangarin mi sāphalungra. 9Tamchithei kahai athishurda khuisangkapaimānga pao chi ana ngaziplak eina singtitphalungra, thakha ana tamkachithei khamathā eina kasatsang sāshap kala yangkashebingli ngahānkā sāshapra.
10Kaja kachungkha ngakaikashe, hangphāphā kaji khamatuia kala kateibingli mashongachei ngasaka. Mataimeikapta ahui rimkashokabingwui ngachaili chikathā mi kachungkha lei. a a v10 'Ahui rimkashokabing' da hāng hi Jihudi eina kharā tamchitheibingli hānga, athumna Gentile shitkasangbing chi khamashunga huikhame sākhavai ahui rimshok khavai kajina da ngaziplak eina hānga. 11Athumli khāmphalungra, kaja athumna matamchithei khangai chi tamchitheida, maikashi katongwui vang, shimkhur katonga sāshimān ngasaka. 12Athum khalattawui marān akhana hānga: "Cretenaobing atam kachida kakapika, makhayā sāyur, chāngshe morkahakbingna." 13Hi shākhi hi khamashungana. Chiwui vang eina athumli khanangda kaharlu, thakha athum shitkasangli khamathā sāra, 14kala Jihudiwui khararchān kala khamashungli ngareithuibingwui kaso chi manganāsangla. 15Tharzā kahaibingli ot saikora tharkahaina; kha makhao kahai kala mashitkasangbingli, ot akhanidala matharzāmana. Athumwui ning kala mashun-makhui hanini makathar ngasāhaira. 16Athumna ithumwui Avā theihaira da hānga, kha athumwui otsak eina ali makhuisangmara. Athum ningkakachai, kahāng makhanganā, kala kaphā ot akhanidala sākhavai makhamathā mibingna.
