Kwena Titi, Mwana wama wa Kyedika
Milongi kwena Titi mu diambu dya kusola bambuta amana kulonga malongi ma masonga mu zawala dya Kheleti.
1 1Pholu, musadi wa Tata wetu yi muthumwa wa Yesu Kidisitu, kikuma kya lukwikilu lwa batu bana básolama ba Tata wetu yi kuzaya kyedika kuna kunata mu kinzambi, 2muna kivuvu kya luzingu lwa mvula yi mvula, luna Tata wetu, wukondi luvunu, kásila ku thwala makula moosu máyandika, 3amana muna tangwa dyandi yandi mosi wámonikisa ndinga yandi muna musamu wuna wápheka kwena meni muna muswa wa Tata wetu, Mphulusi wetu. 4Kwena Titi, mwana wama wa kyedika muna lukwikilu lwa kithwadi: khenda yi ngemba bituka kwena Tata wetu yi Kidisitu Yesu Mphulusi wetu.
Bambuta Bana Bisi Songila Khadidi ya Tata
5Yíkusisa ku Kheleti kikuma kyaki: mu kumanisa mana másala yi mu kusola bambuta mu mbanza yosu, bwosu yíkulongisidi. 6Mbuta kafweti kala konda kikalu, yakala wákwela mukhetu mosi, yi bana ba kasemi bana bafundwaku kikuma kya luzingu lwa mbi ho kikuma kya kolama. 7Mukuma mutwadisi, bwosu kalema wa Tata wetu, kafweti kala konda kikalu—kakalaku mukwa lulendu, kakalaku tswatsu mu kuyuka khabu, kakalaku kinwa-malafu, kakalaku mukwa kingolu-ngolu, kasosaku miluta mya luvunu, 8kaasi kayamba batu, mutu wuzodi mambu mamboti, wuzayi kudilunda mboti-mboti, musungama, watoma, yi wukudibatila mboti-mboti. 9Kafweti simbidila ngolu musamu wa kyedika bwosu kálongwa, hanga kalenda kuhana kikesa muna malongi ma kyedika amana kabálumuna bana bisi tendana ni dyawu.
10Mukuma batu balawu benina bakolami, bisi zonza mambu ma phamba yi bisi hukumuna batu bakwawu—ha ntete bawu bana ba kuyotisa. a a v10 «Bawu bana ba kuyotisa» disongidila balongi ba kibutuka kya Bayuta bana bákanikisa ni bakwikidi ba makanda mahika bafweti yotiswa hanga bahuluka kyedika. 11Bafweti tsukiswa, mukuma bisi fwasa mazu moosu, mu kulonga mana bafwaniku mu kulonga, kikuma kya miluta mya tsoni. 12Mbikudi mosi wa bawu kuna wázimbula: «Bakheleti benina bakwa bukamvi ntangwa yosu, bambisi bya mbi, madya-madya ma bumolu.» 13Kimbangi kyaki kyenina kya kyedika. Yihana, ubakaya mu khabu, hanga bakala ba kasemi muna lukwikilu, 14amana bayambula bingana-ngana bya Bayuta yi mitsiku mya batu bana bisi bwisa kyedika. 15Bima byosu benina bya kasemi kwena bana ba kasemi; kaasi kwena batu bana bazangani yi bana bakondi lukwikilu, kweku kima kya kasemi—mayedi ma bawu yi katsatsa ka bawu meni mábebiswa. 16Bisi zimbula ni bazayi Tata wetu, kaasi bisi munaza muna bisalu bya bawu—benina nzanzi, bakolami, bana bafwaniku mu kisalu kyosu kya bukheti.
