Kikanda kyafwanikiswa mu malongi ma bukheti
Titi wazimbulwa mana kafweti zimbula kwena kosu kabu: binunu bya bayala, binunu bya bakhetu bana bisi longa bandumba, bangunza, yi basadi, hanga malongi malembwa yatukwana ku. Khenda za Tata wetu zadimonikisa, zisi longa batu mu kuzinga mu busonga buthwena mu tangwa basunga kumonika kwa Kidisitu.
2 1Kaasi, ngeyi, zimbula mana mafwanana yi malongi ma bukheti. 2Binunu bya bayala bafweti kala batu ba kukala ha tambu, batu ba luzitu, batu ba kukanga mbundu, ba kasemi mu lukwikilu, mu lungongu, yi mu kikwamina. 3Binunu bya bakhetu mutindu mosi phi: batu ba luzitu lwa lawu mu khadidi, konda mbonzi, konda kukala bahika ba malafu madi, kaasi balongi ba mamboti, 4hanga balonga bandumba ba bakhetu mu kuzola bayakala ba bawu yi mu kuzola bana ba bawu, 5batu ba kukanga mbundu, batu ba kasemi, basadi muna nzu za bawu, batu ba mboti, balemvuka kwena bayakala ba bawu-bawu, hanga Ndinga ya Tata wetu ka yatukwana ku.
6Mutindu mosi phi, heka kikesa bangunza ndangu bakala batu ba kukanga mbundu. 7Muna mambu moosu, kala mbandu ya mihangu mya mboti, yi busonga yi luzitu muna malongi maku, 8ndinga za bukheti zakonda kikalu, hanga kosu mbeni kayuka tsoni, konda kima kyambi kya kuzimbula kikuma kya betu.
9Basadi bafweti lemvuka kwena bapfumu ba bawu-bawu muna mambu moosu, mu kuba sephidisa, konda kuba vutudila ndinga, a a v9 Mitsiku myami myazonzila batu ba kihika muna luyalu lwa Loma lwa bilumbu bya theti. 10konda kuyiba, kaasi mu kusongila lukwikilu lwa mboti lwosu, hanga, muna mambu moosu, bakitula kitoku malongi ma Tata wetu, Muhuludi wetu.
11Mukuma khenda za Tata wetu zádimonikisa, zisi nata luhulusu kwena batu boosu, 12zisi tulonga ni tusisa mambi yi nzoluka za tsi yayi, amana tuzinga luzingu lwa kukanga mbundu, lwa masonga, yi lwa kinzambi muna tsi yayi, 13yi kuhingila kivuvu kya mboti yi kudimonikisa kwa khembu kwa Nzambi wetu wa mbuta yi Muhuludi wetu, Yesu Kidisitu, b b v13 Hana Yesu yandi-meni bisi muteta «Nzambi wetu wa munene yi Muhuludi wetu» — dimosi dya ndinga za wengele za Lukanu lwa Pha, zisi songa ni Mwana kenina Nzambi wa kyedika. 14wuna wáditambika yandi-meni kikuma kya betu hanga katulubula mu mambi moosu, amana kadisemisila batu ba yandi-meni, bisi dihana mu mihangu mya mboti.
15Samuna mambu mama; heka kikesa amana kaya mu kiyeka kyosu. Ka mutu ku kalewula ngeyi.
