Mi eng' bukuit
Bukuit

Kisirchini Tito, Laakwaanyu ne po Iman

Katigonutik che kigochi Tito agobo indetap poisyek ak kaneetisyetap imanda eng' emetap Krete.

Sura 1.

Paulo, otwogindetap Kwandanyo ak kayooktoindet ne po Jeso Kristo, agobo iyanet ne po piik che ki kilewen che po Kwandanyo ak naetap imanda ne ibendoi boiyotetap Kamuktaindet, eng' genet ne po saboondap koigeny, ne ki yom Kwandanyo, ne ma lembei, kotomo konam agesen, ak eng' saaitennyi ki king'ang'ji ng'olyoondennyi eng' ng'aleek che ki kigoochi anee kogonor eng' ng'atuutyetap Kwandanyo, Yetindennyo. Kisirchini Tito, laakwaanyu ne po iman eng' iyanet ne kibooten: Ingotep kobootok myeeindo ak kaalyeet ne punu Kwandanyo ak Kristo Jeso Yetindennyo.

Poisiek che Boorunei Charunetap Kwanda

Ki abagak inyee Krete agobo niito: si igetyi tuguuk che kiga kong'et ak inde poisyek eng' nganaseet age tugul, ko uu ye ki ang'at inyee. Nyolu poiyot koek ne ititaat, ne tinyei kwony agenge, ne tinyei lagok che iyani che ma kimwachi ng'aleegap sobet ne ya anan ngelelnateet. Amu nyolu riibindet, ko uu chiito ne tononjin kootap Kwandanyo, koek ne ititaat—ma menoteet, ma ne chaakte konereech, ma kibogityo, ma ne koroom, ma ne cheeng'ei mageet eng' ooreet ne ya, ago ne taachei toondet, ne chamei tuguuk che myach, ne niginei ineegei, ne po iman, ne tiliil, ak ne itigoongei. Nyolu konam kogimit ng'olyoot ne kiyani ko uu ye ki kineetin, si komuuch koigiil piik eng' kaneetisyet ne karaaran ak koterteer che ibeligei.

Amu chaang' che ngelelik, che ng'alaali ng'aleegap puch ak che walwanei piik—miising' ko piigap kamuratanet. a a v10 ‘Piigap kamuratanet’ ko boorunei konetik che punu kwenutap Yahudik, che ki leen kele nyolu koyatan piigap pororyosyek che iyani si koyetan eng' iman. Nyolu kesilem icheek, amu ng'emei kooriik komugul, koneeti tuguuk che ma nyolu, agobo kelunet ne po teweernateet. Ki le maotindet age ne po icheek, “Kretik ko kiplembechonik koigeny, tyong'ik che yaach, kipkeiya che choriren.” Ko po iman paornatetani. Nooto iger kong' icheek miising', si koek che karaaran eng' iyanet, ak koma epchi iit tingwaleegap Yahudik ak ng'atuutigap piik che eesyoi iman. Ko anyinyen tuguuk tugul eng' che anyinyen; ago eng' che kong'emak ak che ma iyani, ma anyiny kiy age tugul—kagoek mindilileennywa ak kabwaatennywa che ma anyinyen. Leen kole ngen Kwandanyo, ago eesyoi ineendet eng' atebosyekwak—che kiwechei, che ngelelik, che ma nyolu poisyet age tugul ne myee.