Mi eng' bukuit
Bukuit

Koo ne Yoei Kaneetisyet ne Myee

Kileenji Titus ne imwachi tuiyet age tugul, piik che oo, kwonyiik che oo che neetei che mengech, murenik che mengech, ak otwogik, si ma kiwech kaneetisyet. Kagoboorunot myeeindap Kwandanyo, koneetei piik kosabe komyee nguno agoi kigeni koboorunetap Kristo.

Sura 2.

Ago inyee ko, ing'aal tuguuk che nyolu kaneetisyet ne myee. Nyolu piik che oo koek che mindilil, che konyitot, che ribotgei, che tononot eng' kayaneet, ak chamyet, ak muitoi eng' nyalilda. Kot ko uu nooto, nyolu piik che tiibiik che oo koek che konyit miising' eng' atebennywa, ma po chemererosyek, ma otei mageet ne chaang', ago che neetei tuguuk che myach, si koneet tiibiik che mengech kocham manong'otaikwak ak kocham lagokwak, koek che ribotgei, che tiliileen, che boisyei eng' kot, che myach, che ming'injigei manong'otaikwak che po ineegei, si ma kiwech ng'olyootap Kwandanyo.

Kot ko uu nooto, mwachi muren che mengech koribotgei. Eng' tuguuk tugul, iyaigei inyee kaboorunet ne po poisyonik che myach, eng' lititindo ak toroorindo eng' kaneetisyeng'ung', ak ng'aleek che karaaran che ma kimuuchi kiwech, si kolilaan puunyoondit age tugul, amu ma tinyei kiy ne ya ne mwaei agobo acheek.

Nyolu otwogik koming'injigei mastinwekwak che po ineegei eng' tuguuk tugul, koboiboen icheek, ma kiwolji ng'aleek, a a v9 Ng'atuutichu ko ki mwachi piik che ki mi eng' otwoknateet eng' pitetap Romaik eng' kenyiisyek che po tai. ma choorei, ago koboorun imanit tugul ne komyee, si kokararanji, eng' tuguuk tugul, kaneetisyetap Kwandanyo, Yetindennyu.

Amu kagomong'ji myeeindap Kwandanyo, koip yetunet piik tugul, ne ineetech kewech tengekto ak maguutik che po ng'wony, ak kesap eng' ribotgei, eng' imanda, ak eng' konyitetap Kamuktaindet eng' ibinda ne po nguno, kigeni kamang'unet ne beruuri ak mong'unet ne tagunoot ne po Kamuktaindet ne oo ak Yetindennyu, Jeso Kristo, b b v13 Yu ko kigure Jeso ineegei “Kamuktaindet ne oo ak Yetindennyo” — age eng' ng'aleek che tiliileen che po Testamentit ne Leel che boorunei kole Weeriit ko Kamuktaindet ne po iman. ne ki igoochigei agobo acheek si kotyach echeek eng' yaityet tugul ak kotiliilji koyeiywegei piik che po ineegei, che mache poisyonik che myach.

Imwa tuguuchu; igimit ak iger kong' eng' kimnateet tugul. Amegoono chii age tugul koeesyin.