Che Punjinech Myeeindap Kwanda
Ki ache perber keny, che ma kase iit, ak che wechei agenge age; kiit ne kiwalak ko rireenetap Kwandanyo, uunet ne po sigeet ne leel ak Kabuuset ne Tiliil ne kiburuktoi, ma poisyonigap icheek, ne koyaak koek che punjinech tuguuk. Nooto: poisyonik che myach, ma po pooryeet agobo Ng'atuutyet, chiito ne ibei kabeberta kikaateun konyil aeng' yeityo kibagakta.
3 1Ibwaati icheek koming'injigei pounik ak kiptainik, kogas iit, ak kochopkei agobo poisyet age tugul ne myee, 2amakochaamate chii age tugul, komaste pooryeet, koriiree, ak koboorchi piik tugul kinde ne komugul. 3Ki uu nooto ak acheek kinye, ki ache perber, che ma kase iit, che kiberber, che kigiratotiin maguutik che teerchiin ak poiboiosyek, kemeny eng' mali ak ng'etkong', kiwechin, kewechei agenge age. 4Ago ye kaboorunot myeeindo ak chamyet ne po Kwandanyo, Yetindennyo, a a v4 Eng' yu “Yetindet” ko kuure Kwandanyo inyeendet — oldo ne punu yetunet, ne saruwech eng' Weeriinnyi ak eng' Kabuusennyi (istoinik 5-6). 5kagosarwech — ma agobo poisyonik che po imanda che ki keyai, ago eng' rireenetapkei, eng' uunet ne po sigeet ne leel ak leelanet ne po Kabuuset ne Tiliil, 6ne ki roong'chi acheek eng' akwaindo eng' Jeso Kristo Yetindennyo, 7si kobiit, kiityi imanda eng' myeeindonyi, keegu che punjinech tuguuk eng' mang'unet ne po saboondap koigeny. 8Ng'olyoot ni ko ne kiyani: amache iteechi komyee tuguuchu, si kobiit koriipkei che mang'u Kwandanyo koyachigei poisyonik che myee. Tuguuchu ko myee ak ko toretik piik tugul.
9Ago imaste ng'alaalutik che perber, ak taunetap kabisyenik, ak pireet, ak pooryeet agobo Ng'atuutyet, amu ko tuguuk che ma tie koonu kiy ak che kingelelik. 10Iteechi chiito ne ibei kabeberta eng' piik konyil agenge, ak konyil ne po aeng'; yeityo, imastoegei eng' ineendet, 11inai ile chiito ne uu nooto ko kawirirot ak ko po tengekto; kagirwookyigei inyeegei.
Ng'aleek che Let ak Kagatosyek
12Ye ayoogun Artema anan ko Tikiko, chop komyee inyoonjo Nikopoli, amu kang'at ale amenye olooto kebetusyegap kaititindo. 13Iyookto chok Sena ne po ng'atuutik ak Apolo, iriip si marar icheek kiy. 14Ingoneetegei piikyok agine koyachigei poisyonik che myee, koriip rerunaik che chokyi, si ma koek che ma rurtos.
15Igatin tugul che mi kobooto anee. Igat che chamech eng' kayaneet. Ingomi myeeindo kobooto okweek tugul.