Boueibü Onou Jongsak shuong
Haoen khünei jih chenei ngoubü, ngüha alebü hoba cheei che to mangsenbü shuong kikei; lausikei chanep yeitibü kho seneibü Boueibü onou, haanbü bukbü sakbü hoba Soushou jinkubü ong, haoen lolobü kümbü aying, aishanga haoen jongsak yeikei. Khoei: maibü kümsilei kümashi, ngühkhüm shanga ngümyobü atejung, hoba oyongümyobü müt to hoei damtiko kijinei sattiashi.
3 1Matjembü shuong hoba yaangenbü shuong phanga natenko kila, ngüha ditla, hoba maibü kümsilei pendou shanga lamlean kila, haoen to damentiashi, 2aoyou la pintiaatibü ngüh atejungei, ngümyobü atejung, phokeiko kila, hoba müt pendou to khümbo eaaoako jungeiashi. 3Senkei khünei jih chenei ngoubü, ngüha alebü, khüpettibü, phang phangbü dühbü hoba olinbüei aaola lebü, maangkok hoba nyekto shatbü yoa kibü, mangsenbü, cheei che to mangsenbü shuong kikei. 4Lausikei seneibü Bou, seneibü Khümenboueibü maibü hoba sanou onou longkei chaloua, a a v4 Khünei “Khümenbou” dogobü kho seneibü Bou hao lolo to lauda — khümenbü khangshang, hao Shou danko hoba hao Soushouei sen khümenbou (nounyet 5-6). 5haoei sen khümenkei—senei kümbü saopobü kümsilei shanga aying, lausikei haoeibü onouei, haanbü bukbü sakbü hoba Soushou Saopobüei haanbü yeitibü danko, 6laobou haoei seneibü Khümenbou Jisu Khrista danko sen thüka yaangei koukei, 7haoeibü onouei mat maitian, sen thon akibü langkei maanglema jongsak yeilabü lele. 8Habü ngüh mailemlabü ki: seneibü Bou to mailembü shuong maibü kümsilei to aeibou khonsakla maangsangko kilabü lele, ngei no habü thinei shanga insiaubu kila lenda. Habü thinei maibü hoba müt pendou la thuibü ki.
9Lausikei ngoubü ngühsaknepbü, thensilen nyen lai, ngümyobü, hoba ngühkhüm shanga oyongümyobü atejung, aishanga habü thinei jim akibü hoba amlangbü ki. 10Janyinbü longtibü müt to chenei, hoba nyinei maangsangko lenshi; kho phainei hao yoa touje ai tekümma, 11kho tegübü müt lam jouan amaiko shabü kümbü ki dogo ngeashi; hao lolo hao to shedbü kuan apa.
Thonbü Ngüh hoba Salem
12Ngei ka to Artemas ayingsi Tikhika hautilaje, Nikopolis to kü jungto loula aeibou thusimin kishi, aishanga ngei khonei poang satenla dambei. 13Ngühkhüm ngebou Zena hoba Apollo panteiko haoeneibü lamto hautishi; haoen aieije ashalela maangsangashi. 14Seneibü mütshuongeikei maibü kümsilei to aeibou khonsakla, panteibü khambü shuong shemtila, hoba buhek ahekkubü akila lenjan.
15Kü yoa kibü pendouei ka la salem kuda. Mailema sen to sanoubü shuong la salem kushi. Onou kan pendou yoa kishima.
