Papa, di Hour Don Reach
17 1 After Jesus talk dis one finish, e look up go heaven, e say: “Papa, di hour don reach. Make you glorify your Pikin, so dat di Pikin fit glorify you,” a a v1 John 17 na di longest prayer wey dem write down wey Jesus pray to di Papa — e pray am di night before di cross, as e open im heart to di One wey e dey call Papa, Holy Papa, and righteous Papa. 2 sotay you don give am authority over all people, so dat e go give life wey no dey end to all di people wey you give am. 3 Na dis be life wey no dey end: say dem go know you, di only true Papa, and Jesus Christ wey you send. 4 I don glorify you for di earth, as I don finish di work wey you give me to do. 5 Papa, glorify me now wit yourself, wit di glory wey I get wit you before di world start to dey.
6 I don show your name to di people wey you give me from di world. Dem bin be your own; you give dem to me, and dem don keep your word. 7 Now dem don know say everytin wey you don give me na from you, 8 because I give dem di words wey you give me; dem collect dem, dem know true-true say I come from you, and dem believe say you send me. 9 I dey pray for dem, no be for di world, but for di people wey you give me, because dem be your own. 10 Everytin wey be my own na your own, and your own na my own, and I don get glory for inside dem. 11 I no dey for di world again, but dem dey for di world, and I dey come meet you. Holy Papa, keep dem for inside your name, di name wey you give me, so dat dem go be one just as we be one. 12 As I dey wit dem, I keep dem for inside your name wey you give me. I guard dem—no one loss except di pikin of destruction, so dat di Scripture go come to pass. b b v12 “Di pikin of destruction” na title for Judas Iscariot, di one wey betray Jesus. 13 Now I dey come meet you, and I dey talk dis tins for inside di world so dat dem go get my joy wey full up for inside dem. 14 I don give dem your word; di world hate dem, because dem no be of di world, just as I no be of di world. 15 I no dey ask you make you comot dem from di world, but make you guard dem from di evil one. 16 Dem no be of di world, just as I no be of di world. 17 Make dem holy wit truth; your word na truth. 18 As you send me enter di world, na so I don send dem enter di world. 19 Because of dem, I dey make mysef holy, so dat dem too go be holy for inside truth.
20 I no dey pray for dis ones alone, but also for di people wey go believe for me through dia word, 21 Papa, make dem all be one, just as you dey inside me and I dey inside you, so dat dem go dey inside us too, and di world go believe say you send me. 22 Di glory wey you don give me, I don give dem, so dat dem go be one just as we be one. 23 I dey inside dem and you dey inside me, so dat dem go be complete one, so dat di world go know say you send me and say you love dem just as you love me. 24 Papa, I want make di people wey you give me dey wit me for where I dey, make dem see my glory, wey you give me because you love me before dem make di world. 25 Righteous Papa—di world no know you, but I know you, and dis ones know say you send me. 26 I don make dem know your name, and I go continue to make dem know am, so dat di love wey you take love me go dey inside dem, and make I dey inside dem.
