Abba, Kagonyo Sait
Ki saaei Jeso kegeeroti eng' taikwak. Komwachi Kwandanyi kole kagees poisyet, ak kosoom kole koriipe murenichu eng' kainetap Kwandanyi ak koriipe eng' ne ya, ak kosaachi tugul che iyani let, si koek agenge.
17 1Ye kingo kagomwa ng'aleechu Jeso, kotabendo koonyek kipsengwet, ak koleenji: “Abba, kagonyo sait. Igonyit Weeriing'ung', si kogonyit Weeriit inyee, a a v1 John 17 ko saaet ne koi miising' ne kisir ne po Jeso ne isaei Kwanda — ne ki ng'alaal kemeut ne kotomo korgoreet, koing'oti muguleldanyi ineendet ne kiguure Abba, Abba ne Tiliil, ak Abba ne po imanda. 2amu ki igoono inyee kimnateet eng' piik tugul, si kogoochi saboondap koigeny chooto tugul che ki igoono. 3Nooto ko saboondap koigeny: si konai inyee, Abba ne po iman kityo, ak Jeso Kristo ne ki iyookto. 4Kaagonyit inyee eng' ng'wony, kagogees poisyet ne ki igoono si ayai. 5Abba, igonyit nguno kobooto inyee, kobooto toroornatet ne ki atinye kobooto inyee kotomo komi ng'wony.
6Kaang'aang'ji kaineng'ung' chooto che ki igoono eng' ng'wony. Ki po inyee icheek; ki igoono, ak kagoriip ng'olyoondeng'ung'. 7Nguno kagonai keele tuguuk tugul che ki igoono ko punu inyee, 8amu kagoochi icheek ng'aleek che ki igoono; kagotaach, ak konai iman keele apunu inyee, ak koyan keele ki iyookto inyee. 9Asachi icheek, ma asachi ng'wony, ago asachi chooto che ki igoono, amu po inyee icheek. 10Tuguuk tugul che nenyu ko che ng'ung', ak che ng'ung' ko chenyu, ak kagonyitwa eng' icheek. 11Mami ng'wony kogeny anee, ago mi ng'wony icheek, ak apwonji inyee. Abba ne Tiliil, iriip icheek eng' kaineng'ung', kainet ne ki igoono, si koegu agenge ko uu echeek. 12Ye ki ami kobooto icheek, ki ariip icheek eng' kaineng'ung' ne ki igoono. Ki ariip icheek—ma betot age kobatee weeriitap ng'emetiet, si kosulda siruutyet. b b v12 “Weeriitap ng'emetiet” ko kainet ne po Judas Iskariot, ineendet ne ki ng'wekto Jeso. 13Nguno apwonji inyee, ak amwae ng'aleechu eng' ng'wony si konyoor poiboiyennyu ne kagosulda eng' icheegei. 14Kaagoochi icheek ng'olyoondeng'ung'; kowech ng'wony icheek, amu ma po ng'wony icheek, ko uu ye ma po ng'wony anee. 15Masoomin si iiste icheek eng' ng'wony, ago si iriip icheek eng' ne ya. 16Ma po ng'wony icheek, ko uu ye ma po ng'wony anee. 17Itiliil icheek eng' imanit; ng'olyoondeng'ung' ko imanit. 18Ko uu ye ki iyookto eng' ng'wony, ko kaaiyookto icheek eng' ng'wony. 19Atilildosgei agobo icheek, si koegu che tiliil icheek eng' imanit.
20Ma asachi chuuto kityo, ago asachi agine chooto che tuun iyana eng' ng'olyoonnywa. 21Abba, ingoek tugul agenge, ko uu ye imi eng' anee ak amiten eng' inyee, si komi icheek agine eng' echeek, ak koyan ng'wony keele ki iyookto inyee. 22Toroornatet ne ki igoono, kaagoochi icheek, si koegu agenge ko uu echeek agenge. 23Amiten eng' icheek ak imi eng' anee, si koegu agenge kiwong'u, si konai ng'wony keele ki iyookto inyee ak ki ichame icheek ko uu ye ki ichame anee. 24Abba, amache chooto che ki igoono komi kobooto anee oli ami, si kogeer toroornatennyu, ne ki igoono amu ki ichame anee kotomo koyaak ng'wony. 25Abba ne po imanda—ma nai ng'wony inyee, ago anai anee inyee, ak konai chuuto keele ki iyookto inyee. 26Kaang'aang'ji icheek kaineng'ung', ak atestai ang'aang'ji, si komi eng' icheek chamyet ne ki ichamanjine anee, ak amiten anee eng' icheek.”