Avāwui Pāngli
Khangarongbing kala thangkhameibing Varewui pāngli lei, kha kalāshāt akhamāng mi saikorali shokra; Hāshokmena hi chi zinghamli makaphā da hoi. Chiwui vang eina ithumwui Avāna mikahai arema zimiksholi kashakazā zalu, manglu, nawui preiva̱li leishilu, kala nana sāshapa tharan panglāk eina ot sālu. Atam kala channa mi saikorali shokra.
9 1Hi saikora machukyang khavai iwui ning horsanga: khangarongbing, thangkhameibing kala athumwui otsak hi Varewui pāngli lei. Leikashila yangkharinglala, khipākha matheimana; saikora hi athumwui mangāli lei. 2Mi kachiva̱li chiching chi shokra: khangarong kala makhayāli, kaphā mili, kathar kala makathara, pha̱kaphayā kasāmi kala makasāmili kalāshāt akhamāngna. Kaphā mili kashok thada, morei kaphungali chithai; khangashit kasāmi chi, khangashit sākhavai ngachee mi thai. 3Hi chi zinghamli sākahai saikorali makaphā chi hina: saikorali kalāshāt akhamāngna. Mikumowui ning makaphā eina pemtinghai, athum ringda leilakha kapā chi athumwui ningli pemtinghai; chiwui thili athum kathibingli vāra. 4Kachikathā ringda leiakha kachihān lei: kharinga fa chi kathi kazingkha̱li lāngda phāmei. 5Kaja kharingabing china athum thira da thei, kha kathibingna kakhayakla matheimana; athumli sāman khangatei maleiluimara, kaja athumwui ningphun malaihaida ngasaka. 6Athumwui leikashi, athumwui yangkakharing, kala athumwui yuikashi chi arui shimānhaira; zinghamli sākahai kakhayakla athum latluida mangarumluimara.
7Vālu, ringphā eina nawui kashakazā zalu, ning khamathān eina nawui drakhāra̱ manglu, kaja Varena nawui otsak chi arui khuisangkapaihaira. 8Nawui kashankachon atam kachida kachar leiranu, kala nawui akuili thao katang mavātmiranu. a a v8 Kachar kashankachon kala akuili thao neo hi, kharethang atamli ringphā kala khamathānwui matakhak kahaina. 9Zinghamli Varena nali mikahai mirinwui arema zimiksho saikorali, nawui arema zimiksho saikorali, na leishi nawui preiva̱li ngasoda mirin ringphākhuilu; kaja chi hi nawui mirinli kala zinghamli nawui ngalangkazārlila nawui yarna. 10Nawui pāngna sākhavai samkaphang saikora, nawui yāng eina chi sālu, kaja na vāki chikhurli ot lah khangarān lah awor lah thangkhamei akhala maleimana.
11Latluida ina zinghamli theiluiya: yongki kaji chi kathākabingwuina maningmana, kala rai chi kapangabingwui maningmana, kala kashakazā chi thangkhameibingwui maningmana, kala kashāng chi ning kazangabingwuina maningmana, kala ngahānkhangai chi kathembingwui maningmana; atam kala chan china athum saikorali shokra. 12Khipākha athumwui atam matheimana: khai makaphā khaihlanli manhai thai, vānaobing khalen kasangli manhai thai, mibingla makaphā atamli tuknarhai, chi kashuirak athumwui tungli tāzanga.
Malaihai Thangkhama Mipā
13Ina zinghamli thangkhameiwui hi ngayoyan chila theihaira, kala chi iwui vang khamataia jikahaina: 14Mi kateokhamāng leikahai keinung kateo akha: awunga kahaka akhana chili ngarara, chili kuinama, kala chili khamata raipan saphinhaowa. 15Chilungli kachāma thangkhama mi akha ngasāsai, awui thangkhameina keinung chi huikhamikahaina, chithālala kachāma mipā chili khipākha maphaningungmana. 16Ina hānga, "Thangkhamei chi yāngli lāngda phāmei," chithālala kachāma mipāwui thangkhamei chi mibingna yangkharinga, kala awui tui chi mashā ngasaka. 17Thangkhameibingwui va̱ri hāngkahai tui chi, mangkhama̱bingwui ngachaili khamungawui vaokhonli lāngda kashāla phāmei. 18Raiwui khutlaili lāngda thangkhamei phāmei, kha morei kaphunga akhana kaphā ot kachungkha shimān ngasaka.
