Raita Damnu Jerusalem
Asaph om Kalum Laa.
Jerusalem ga raita damnu pi to rwe, thinu pum bing ga thinlem make basa nun ding sa lang pi to rwe, khatle innai lounai rwanna haga bi karowe. Kalumnu heiyana ani Pa khou koi dou ding khatle han kadou ding le khwan khatcha bina ngaiye; khatle baom chong ga mi bingza meithaan bi: ‘Bani Rikrwang inlang ambo?’ diga chaat bing ngaiye.
79 1ani Pa, chaat bingna Naom rakhum bi khut tam rwe; banina Naom bathiangnu in ding kasin to thang rwe; Jerusalem ding raita damnu pi to thang rwe.
2banina Naom swak rwan om thinu pum bing ding basaang la zwangnu basaa nun lang, Naom balumsa lang khopnu mi nun om zan ding talei ram khouring nun lang sa lang pi thang rwe. 3banina bani om thi ding tui danga Jerusalem bakaong riak bing bi bunta rwe, khatle bani ding rise kama lang mi khatchale make. 4ani innai lounai rwan khou kiamnu pot pi to rwe, ani kaong riak pina ongnu nunna ani ding kiamluga rin basiat thang rwe.
5ani Pa, tatham kaan basaan ong dingbo? Nang khwa seiga balung pwan ong dingbo? Naom antiamnu ga mei danga rou dingbo? 6Nang ding theiga mak nu chaat bing lu chung bi khatle Nameng ding kouga mak nu krwang talei bing lu chung bi Naom balung pwan ding buntawo. 7Balangbe banina Jacob ding sa braan dam rwe, khatle bahak om talei ding to braan dam rwe. 8ani pu pa rwan om noh bing ding ani lu chung bi ta thang mako; Naom kriang thang theinu phaangkriang ga barapka ani ding hung kadou ngo, balangbe ani ga tangga pi bangiam ta thang rwe.
9ani ding kan thangnu ani Pa, Nameng om lwat liannu lang ani ding paang thang ngo; ani ding ran swak thangluga ani om noh bing ding Nameng lang chungna thinlem thang ngo. 10chaat bingna, “Bani om Rikrwang ga tabi ambo?” diga pa-aam lang rinnubo? ani mik meithaan bi, Naom swak rwan om thi ta thang damnu lang bi Nangna takhum baanlune diga chaat bing lak pi thei thang ngo. 11qwan in mi om kakou ga Nameithaan bi hung ta ngo; Naom kut pwam liannu paan bina, thi lang pi koinu nun ding pi ring thang ngo.
12ani innai lounai rwan ding banina Nang ding kiamnu om takhum lang bani kabeng bi siari lai pi baan thang ngo, He Apa Nachong. 13Habei ga ani, Naom mi nun, Naom basaak riak om zao nunna Nang khou khwa seiga swanka thanglune; mikin bina mikin khou anina Naom swankanu ga rin indao thanglune.