Ruinganaili Jerusalem
Asaphwui laa akha.
Jerusalem ramchohaira, kathingunbing mahaikhangana vānaobingli kashakazā sāda mihaira, kala khongnainaobingna mathānda yanga. Seihana ithumwui Avāli morei pheokhami kala kathuk kakhui tui akha lungli kasoa, kala awui kahāng chi mi saikorana thei: miyurbingna 'Athumwui Vare kali leikhala?' da hāngmānga.
79 1O ithumwui Avā, miyurbingna nawui shimluikatli ngasunghaira; athumna nawui kathara shim makhao ngasaka; Jerusalemli ramchomihaira.
2Athumna nawui raobingwui kathingun chi khamasaili yongkazata vānaobingwui kashakazā sāmihaira, nawui katharabingwui asā okathuili khalei ramsābingli mihaira. 3Jerusalem kuimareida athumwui ashee tara̱ thāda heishokhaira, kala athumli achifa khavai mila maleimana. 4Ithum ithumwui khongnainaowui mana̱shi khavai ngasāhaira; ithumli kuimareida khaleibingna zeida mana̱shiya.
5O ithumwui Avā, karankharali? Na mashimān malungvāt sāchinghaorala? Nawui yuikashi mei thāda chuifara? 6Nawui malungkhavāt chi nali makathei miyurbingli kala nawui mingli makhangakao wungrambingli heishoklu. 7Kaja athumna Jacobli shaingakānhaira kala awui ram ramchomihaira. 8Ishāvā ngarāwui morei ithumtungli mashānkhuimilu; nawui lukhamashan pemting thākta ithumli rāsamphangmiranu, kaja ithum haklaka maishi ngasāhaira.
9Namingwui tekhamateiwui vang ithumli ngachonmilu, O ithumwui huikhame Avā; namingwui vang ithumli kanshokmilu kala ithumwui morei pheomilu. 10Miyurbingna khisāda "Athumwui Vare kali leikhala" da hāngkhala? Nawui raobingwui ashee tākahaiwui vang nana athut khuimi da, ithumwui miktāli miyurbingwui ngachaili theingasakranu. 11Phātopli narkahaiwui ringkhangā nawui mangāli rāsamphangranu; nawui pāngtheili hakkhamahā eina, thihaoki kaje athumli phārimilu.
12O Proho Avā, athumna nali mana̱shi kahaiwui vang ithumwui khongnainaobingli athumwui tangdali khum shini shida runmiranu. 13Chithāda ithum, nawui mibing, nawui pamkhavai yaobing china, katang makhavai nali ningkashi mira; thot-thot kachida nawui masot phongra.
