خارابا قالمیش اورشلئم
آسافین مزمورو.
اورشلئم خارابا قالیب، میئتلر دفن اولونمامیش قوشلارا یِم اولوب، و قونشولار بوندان لذّت آلیر. دوعا آتامیزدان بئر نفسده هم باغیشلاما، هم ائنتئقام ائسته‌یئر، و اونون دلئلی عاشکاردیر: مئلّتلر سوروشورلار کی، اونلارین تاریسی هارادادیر.
79 1ای آتامیز، مئلّتلر سنئن ائرثئنه هجوم اتدئلر؛ سنئن موقدّس معبدئنی نجئس اتدئلر؛ اورشلئمی وئرانه‌یه دؤندَردئلر.
2اونلار سنئن قوللارینین میئتلرئنی گؤیده‌کی قوشلارا یِم اولاراق، سنئن وفالی‌لارینین اَتئنی یرده‌کی حیوانلارا وردئلر. 3اونلار قانلارینی سو کئمی اورشلئمئن دؤرد یانیندا تؤکدولر و اونلاری دفن ادن اولمادی. 4بئز قونشولاریمیز اوچون حقارت هدفی اولدوق، اطرافیمیزداکیلار بئزی مسخره ادئب اَله سالدیلار.
5نه واختا قدر، ای آتامیز؟ ابده قدر قضبلَنه‌جکسن؟ قِیرتئن اود کئمی یاناجاق؟ 6قضبئنی سنی تانیمایان مئلّتلرئن و آدینی چاغیرمایان پادشاهلیقلارین اوستونه تؤک. 7چونکی اونلار یعقوبو اودّولار و اونون یوردونو وئران اتدئلر. 8اجدادلاریمیزین گوناهلارینی بئزئم ضئدّئمئزه یادا سالما؛ قوی مرحمتلرئن تئزلئکله بئزئم پئشوازیمیزا گلسئن، چونکی چوخ آلچالمیشیق.
9بئزی خئلاص ادن آتامیز، آدینین جلالی اوچون بئزه کؤمک ات؛ بئزی قورتار و آدینین خاطئرئنه گوناهلاریمیزین اوستونو اؤرت. 10نئیه مئلّتلر دسئنلر: «اونلارین تاریسی هارادادیر؟» گؤزلرئمئزئن قاباغیندا، مئلّتلرئن آراسیندا بئلئنسئن کی، قوللارینین تؤکولن قانینین ائنتئقامینی آلیرسان. 11اسئرلرئن آهی سنئن حوضورونا گلسئن؛ قولونون عظمتی ائله، اؤلومه محکوم اولانلارین حیاتینی حئفظ ات.
12قونشولاریمیزین قوینلارینا، سنه اتدئکلری حقارتئن عوضئنی یدّی قات قایتار، ای پروردئگار آتا. 13او زامان بئز، سنئن خالقین، اوتلاغینین قویونلاری، ابده قدر سنه شوکور اده‌جیک؛ نسئلدن-نسله سنئن حمدئنی بیان اده‌جیک.
