اَیّوبون تمئز اورَک آندی
ایّوب بئر آندلا بئتئرئر، حیاتینی بئر-بئر آچیر: شهوت یوخ، یالان یوخ، قولونو عدالتدن محروم اتمک یوخ، یتئم آج قالا-قالا تک‌باشینا یمک یوخ، قیزیلا بِل باغلاماق یوخ. اونو ائمضالاییر و ائتّئهامنامه‌نی طلب ادئر. سونرا سؤزلری سادجه کسئلئر.
31 1«گؤزلرئمله بئر عهد باغلادیم؛ اوندا نجه بئر باکئره قیزا باخا بئله‌رم؟ 2چونکی یوخاریدا اولان تاریدان نه پاییم اولار، اوجالاردا اولان قادئری‌موطلقدن نه ائرثئم؟ 3مگر حاقسیزلارا فلاکت دیئل، و پئسلئک ادنلره بلا دیئل؟ 4مگر او منئم یوللاریمی گؤرمور، و هر قدمئمی سایمیر؟
5«اگر یالانلا یاشامیشامسا، و آیاغیم حئیله‌یه طرف تله‌سئبسه، 6قوی منی دوز ترازیده چکسئن، و قوی تاری منئم دوغرولوغومو بئلسئن، 7اگر قدملرئم یولدان دؤنوبسه و اوره‌یئم گؤزلرئمئن دالینجا گدئبسه، و اَللرئمه بئر لکه یاپیشیبسا، 8اوندا قوی من اَکئم، باشقاسی یسئن و منئم اوچون بئتَن محصول کؤکوندن چیخاریلسین.
9«اگر اوره‌یئم بئر آروادا توولانیبسا و قونشومون قاپیسی آغزیندا پوسقویا دورموشامسا، 10اوندا قوی آروادیم باشقا بئر کئشئیه قوللوق اتسئن و باشقالاری اونونلا یاتسین. 11چونکی بو، آلچاق بئر جئنایت اولاردی، محکمه‌یه لایئق بئر گوناه؛ 12چونکی بو، هلاکته قدر یاندیریب-یاخان بئر اوددور و بوتون محصولومو یاندیریب کول اده‌ردی.
13«اگر قولوم و یا کنئزئم منئم ضئدّئمه شئکایت گتئرنده، اونلاری عدالتدن محروم اتمئشَمسه، 14اوندا تاری قالخان زامان نه اده‌جیم؟ او منی حسابا چکنده، اونا نه جاواب وره‌جیم؟ 15مگر منی بطنده یارادان، قولومو دا یاراتمادی؟ مگر همن کس بئزئم ائکئمئزی ده بطنده شکئللَندئرمه‌دی؟
16اگر کاسیبلاری احتئیاجلاریندان محروم اتمئشَمسه و یا دول آروادین گؤزلرئنی طاقتدن سالمیشامسا، 17و یا یتئم اوندان محروم قالدیغی حالدا، چؤره‌یئمی تک یِمئشَمسه، 18چونکی گنجلئیئمدن اونو بئر آتا کئمی بؤیوتدوم و آنامین بطنئندن دول آروادا یول گؤرستدئم، 19اگر پالتاری اولمادیغی اوچون هلاک اولان بئرئنی گؤرموشَمسه، و یا اؤرتویو اولمایان بئر مؤحتاجی، 20اگر اونون بوتون وجودو، قویونلاریمین یونو ائله اونو قیزدیردیغیم اوچون، منه خئیئر-دوعا اتمه‌یئبسه، 21اگر محکمه‌ده اؤز آرخامی گؤردویوم اوچون، یتئمه قارشی اَلئمی قالدیرمیشامسا، 22اوندا قوی چیینئم کوره‌یئندن چیخسین و قولوم اویناغیندان سینسین. 23چونکی تاریدان گلن فلاکت منئم اوچون بئر دهشت ائدی و اونون عظمتی قاباغیندا هچ بئر ایش اده بئلمزدئم.
24«اگر قیزیلی اؤز توکّولوم اتمئشَمسه و یا خالئص قیزیلا دمئشَمسه: ”سن منئم آرخامسان“، 25اگر وار-دؤولتئمئن چوخلوغونا و اَلئمئن بو قدر قازاندیغینا فخر اتمئشَمسه، 26اگر گونه، پارلایاندا، و یا شؤوکتله حرکت ادن آیا باخمیشامسا، 27اوره‌یئم گئزلئجه توولانیبسا، و اَلئم عئبادتله اونلارا اؤپوش گؤندَ‌رئبسه، 28بو دا محکمه‌یه لایئق بئر گوناه اولاردی، چونکی یوخاریدا اولان تارییا خئیانت اتمئش اولاردیم.
29«اگر مندن نئفرت ادنئن فلاکتئنه سِوئنمئشَمسه و یا اونا بلا چاتاندا شادلانمیشامسا. 30من هچ واخت آغزیمین گوناه اتمه‌سئنه ائجازه ورمه‌دئم کی، اونون جانینا لعنت اوخوسون، 31اگر اِوئمئن آداملاری هچ واخت دمه‌یئبلر: «اونون سوفره‌سئندن دویمایان کئمدئر؟»، 32هچ بئر قرئب کوچه‌ده گجه‌لمه‌دی، چونکی قاپیلاریمی موسافئره آچدیم. 33اگر گوناهلاریمی آیری آداملار کئمی اؤرتموشَم، تقصئرئمی اوره‌یئمده گئزله‌دئب، 34چونکی جاماعاتدان او قدر قورخدوم و طایفالارین حقارتی منی دهشته سالدی کی، ساکئت قالدیم و باییرا چیخمادیم.
35«آه، کاش کی، بئری منی اشئتسئن! بودور ایمضام — قوی قادئری‌موطلق منه جاواب ورسئن! قوی شئکایتچئم اؤز ائتّئهامنامه‌سئنی یازسین! 36یقئن کی، اونو چئیئنئمده داشییاردیم، اونو بئر تاج کئمی اؤزومه باغلاردیم. 37هر آددیمیمین حسابینی اونا وره‌ردئم، بئر سَروَر کئمی اونا یاخینلاشاردیم.
38«اگر تورپاغیم منئم ضئدّئمه فریاد ادئب و شیرئم‌لری بئرلئکده آغلاییب، 39اگر محصولونو حاق ورمه‌دن یمئشَم، یا صاحئبلرئنئن جانینی چیخارتمیشام، 40اوندا بوغدا یرئنه گَوَن بئتسئن، و آرپا یرئنه پئس اوت بئتسئن.» ایّوبون سؤزلری بورادا قورتاردی.
