ኤልያስ ምእንቲ ህይወቱ ይሃድም

ሓደ መፈራርሒ ኤልዛቤል ኤልያስ ናብ በረኻ ኽሃድም ገበሮ፥ ክመውትውን ለመነ። ሓደ መልኣኽ ክልተ ሻዕ መገቦ፥ ኣብ ኮሬብ ከዓ ንፋስን ምንቅጥቃጥ ምድርን ሓውን ኣቦና ዘይብሎም ሓለፉ። ሓደ ህዱእ ድምፂ ድማ ሰለስተ ሰባት ክቐብእ መለሶ።

ምዕራፍ 19።

ኣክኣብ ድማ ነቲ ኤልያስ ዝገበሮ ዅሉን ንዅሎም ነቢያት ብሰይፊ ኸም ዝቐተሎምን ንኤልዛቤል ነገራ። ኤልዛቤል ድማ ናብ ኤልያስ ልኡኽ ሰደደት፦ “ፅባሕ በዝ ጊዜ እዙይ ንህይወትካ ኸም ሓደ ኻብቶም ነቢያት እንተ ዘይገበርክዎ፥ ኣማልኽቲ ኸምኡ፥ ካብኡ ዝበዝሕ ድማ ይግበሩኒ።”

ኤልያስ ድማ ፈሪሑ ተሲኡ ምእንቲ ህይወቱ ጐየየ፥ ናብ ቤርሳቤህ ናይ ይሁዳ በፂሑ ኸዓ ንኣገልጋሊኡ ኣብኡ ሓደጎ። ንሱ ድማ መንገዲ ሓደ መዓልቲ ናብ በረኻ ኸይዱ፥ ኣብ ትሕቲ ሓደ ጦቕ ተቐሚጡ ክመውት ለመነ። ከምዙይ ድማ በለ፦ “ይኣክል፥ ኦ ኣቦይ፤ ህይወተይ ውሰድ፤ ኣነ ኻብ ኣቦታተይ ኣይሓሽኩን።”

ኣብ ትሕቲ እቲ ጦቕ ድማ ደቂሱ ደቀሰ፤ ሓደ መልኣኽ ከዓ ተንከፎ፥ “ተሲእካ ብላዕ” በሎ።

ንሱ ድማ ጠመተ፥ ኣብ ጥቓ ርእሱ ኸዓ ኣብ ልዕሊ ዝረሰነ እምኒ ዝተሰንከተ ቕጫን ዕትሮ ማይን ነበረ። በልዐን ሰተየን ድማ፥ መሊሱ ደቀሰ። መልኣኽ ኣቦና ድማ ካልኣይ ጊዜ ተመሊሱ ተንከፎ፥ “እቲ መንገዲ ንዓኻ ብዙሕ እዩሞ፥ ተሲእካ ብላዕ” በሎ።

ንሱ ድማ ተሲኡ በልዐን ሰተየን፥ በቲ ምግቢ እቲ ሓይሊ ረኺቡ ኸዓ ኣርብዓ መዓልትን ኣርብዓ ለይትን ተጓዒዙ ናብ ኮሬብ፥ እምባ ኣቦና በፅሐ።

ለስለስ ዝበለ ህዱእ ድምፂ ኣቦና

ኣብኡ ኸዓ ናብ ሓንቲ በዓቲ ኣትዩ ሓደረ። ሽዑ ቃል ኣቦና ናብኡ መፀ፦ “ኤልያስ፥ ኣብዙይ እንታይ ትገብር ኣለኻ?”

ንሱ ድማ ከምዙይ ኢሉ መለሰ፦ “ኣነ ንኣቦ ሰራዊት ሰማይ የመና ቐኒአ ኣለኹ። እስራኤል ንኪዳንካ ሓዲጎም፥ መሰውኢታትካ ኣፍሪሶም፥ ነቢያትካ ኸዓ ብሰይፊ ቐቲሎም። ኣነ በይነይ ተሪፈ፤ ሕዚ ኸዓ ንህይወተይ ኪወስድዋ ይደልዩ ኣለዉ።”

ኣቦና ድማ “ወፂእኻ ኣብቲ እምባ ኣብ ቅድመይ ደው በል፤ ኣነ ሕዚ ክሓልፍ እየ” በለ። ብርቱዕ ዓብዪ ንፋስ ድማ ነቶም እምባታት ቀዲዱ ኣብ ቅድሚ ኣቦና ነቶም ኣኻውሕ ሰባበሮም፥ ንሱ ግና ኣብቲ ንፋስ ኣይነበረን። ድሕሪ እቲ ንፋስ ድማ ምንቅጥቃጥ ምድሪ ኾነ፥ ንሱ ግና ኣብቲ ምንቅጥቃጥ ምድሪ ኣይነበረን።

ድሕሪ እቲ ምንቅጥቃጥ ምድሪ ድማ ሓዊ ኾነ፤ ኣብቲ ሓዊ ግና ኣቦና ኣይነበረን። ድሕሪ እቲ ሓዊ ድማ ህዱእ ለስለስ ዝበለ ድምፂ ተሰምዐ።

ኤልያስ ድማ እዙይ ምስ ሰምዐ፥ ገፁ ብባርኖሱ ጠቕሊሉ ወፂኡ ኣብ ኣፍ ደገ እታ በዓቲ ደው በለ። ድምፂ ኸዓ ናብኡ መፀ፦ “ኤልያስ፥ ኣብዙይ እንታይ ትገብር ኣለኻ?”

ንሱ ድማ ከምዙይ ኢሉ መለሰ፦ “ኣነ ንኣቦ ሰራዊት ሰማይ የመና ቐኒአ ኣለኹ። ደቂ እስራኤል ንኪዳንካ ሓዲጎም፥ መሰውኢታትካ ኣፍሪሶም፥ ነቢያትካ ኸዓ ብሰይፊ ቐቲሎም። ኣነ በይነይ ተሪፈ፤ ሕዚ ኸዓ ንህይወተይ ኪወስድዋ ይደልዩ ኣለዉ።”

ኣቦና ድማ “በቲ ዝመፃእካሉ መንገዲ ተመሊስካ ናብ በረኻ ደማስቆ ኺድ። ኣብኡ ኸዓ ንሃዛኤል ንጉስ ሶርያ ኪኸውን ቕብኣዮ።” በሎ። ንኢዩ ወዲ ኒምሺ ኸዓ ኣብ ልዕሊ እስራኤል ንጉስ ኪኸውን ቕብኣዮ፤ ንኤልሳዕ ወዲ ሳፋጥ ናይ ኣቤልምሖላ ድማ ኣብ ክንዳኻ ነቢይ ኪኸውን ቕብኣዮ። ካብ ሰይፊ ሃዛኤል ዘምልጥ ንኢዩ ኪቐትሎ እዩ፤ ካብ ሰይፊ ኢዩ ዘምልጥ ከዓ ንኤልሳዕ ኪቐትሎ እዩ። ኣብ እስራኤል ግና ሸውዓተ ሽሕ ከትርፍ እየ፥ ኵሉ እቲ ንበዓል ዘይሰገደ ብርኪ፥ ኵሉ እቲ ንእኡ ዘይሰዓመ ኣፍ።

ኣቦና ንኤልሳዕ ይፅውዖ

ኤልያስ ድማ ካብኡ ኸይዱ ንኤልሳዕ ወዲ ሳፋጥ ረኸቦ፤ ንሱ ኸዓ ብዓሰርተ ኽልተ ፅምዲ ኣሓ የሕርስ ነበረ፥ ባዕሉ ድማ ነታ መበል ዓሰርተ ኽልተ ይዝውር ነበረ። ኤልያስ ድማ ናብኡ ቐሪቡ ባርኖሱ ኣብ ልዕሊኡ ደርበየ። ኤልሳዕ ድማ ነተን ኣሓ ሓዲጉ ደድሕሪ ኤልያስ ጐይዩ፥ “ንኣቦይን ንኣደይን ክስዕሞም እሞ ኽስዕበካ እየ” በለ። ኤልያስ ከዓ “ተመለስ፤ እንታይ ገይረልካ?” ኢሉ መለሰ።

ኤልሳዕ ድማ ተመሊሱ ፅምዲ ኣሓኡ ወሲዱ ሓረዶም። ነቲ መሳርሒ ማሕረስ ኸዓ ንዕንጨይቲ ገይሩ ስጋኦም ኣብሲሉ ንህዝቢ ሃቦም፤ ንሳቶም ከዓ በልዑ። ድሕሪዙይ ድማ ንኤልያስ ሰዓቦ፥ ኣገልገሎውን።