Mi eng' bukuit

Tyenwogigap Kalasunet 77 FHB Father's Heart Bible™

Kiistoi 15% eng' kiy ne iale korook →
Bukuit

Riirchini Asap eng' mesundeito

Agobo kiptainindetap musik; ko uu Jeduthun. Tyenyetap Asap.

Ma muuchi Asaph koru anan kong'alaal, ak koteebe kiit ne iyweisyei piik koteebe: Tos kagobata chamyetap Kwandanyo, tos kagobwaatati koek ne myee? Ma koi walak kiit age tugul kobatee kabuusennyi. Ibwaat miising' nyanjet, ole ki po iman ooreet ago ma ki taagu ole ki toi keelyek.

Sura 77.

Awaachei Kwandanyo; it kutinnyu agoi Kwandanyo, si kogasa. Eng' peetuutap nyalildanyu ki acheeng' Kwanda ne Toroor; eng' kemout ko ki chuulaat eunnyu ak koma nyaluli; ki eesyo saboondanyu kogaigai. Abwaat Kwandanyo, ak atigendosi; abwaatati, ak nyaluli kabuusennyu.

Ki inam konyekyuk koyaat; ki aiimgei ak koma amuuchi ang'alaal. Ki aruchini peetuusyek che po keny, kenyiisyek che kagosiir. Ki abwaat songolyennyu eng' kemout; ki abwaatati eng' muguleldanyu, ak kocheeng' kabuusennyu: “Tos wechei Kwanda ne Toroor koigeny, ak ma koboorchi myeeindonyi kogeny? Tos kagogees rireenennyi koigeny? Tos kagobata ng'olyoondennyi agoi ibinwek tugul? Tos kagoutye Kwandanyo korirenen? Tos kageerei rireenosyekyik eng' angeennyi?”

Ki amwa anyun ale, “Niito ko ariirchini: kenyiisyek che po euut ne tai ne po Ineendet Ne Toroor Miising'.” a a v10 Ariirchini kenyiisyek che kagosir che ki yaei euut ne kiim ne po Ineendet Ne Toroor Miising' eng' kimnateet agobo piikyik. Abwaatati poisyonigap Kwandanyo; ee, abwaatati kwang'utiguk che po keny. Abwaatati poisyeng'ung' tugul, ak aruchini poisyoniguk che kiim. Oreng'ung', ee Kwandanyo, ko tiliil. Mi ano kamuktaindet ne oo ko uu Kwandanyo? Inyee ko Kwandanyo ne yaei kwang'utik; ki inai kimnateeng'ung' among piik. Ki ityaach piiguk eng' eung'ung', lagogap Jakobo ak Joseph.

Ki keerin peek, ee Kwandanyo; ki keerin peek ak koywei; ee, ki potan rirosyek. Ki isaau poolik peek; ki kuut kipsengwet eng' tuleet; ki laparan kipchaboniguk eng' komoswek tugul. Ki wan cheetap tuleeng'ung' eng' kipchurchuryet; ki kwenyi kaalyeleeguk ng'wony; ki potan ng'wony ak kochei. Ki mi oreng'ung' eng' araraita, ak oreng'ung' eng' peek che eecheen; ago ma kigeer kakwautiguk. Ki iib piiguk ko uu kiroget eng' eutap Musa ak Aron.