Rwandennyu ak Ole Aung'egei
Po Daudi.
Taunei Daudi kobooto eunek che kineeti lugeet, ak kong'aany imailai kole kabuset chii — urwet ne siirei. Saaei Kwandanyi si koturuuks kipsengwet ak koit ng'wony, ak kosar ineendet eng' kutisyegap lembech, yeityo komwa kaalyeet ne machei: chogenik che ngung'et amitwogik ak lagok che eetu kooen.
144 1Beruurie Kwandanyu, rwandennyu, ne ineeti eunekyuk koyai lugeet, ak moriikyik koyai pooryeet, 2rireenennyu ak irimennyu, kebenennyu ak saruunindennyu, long'ennyu ne aung'egei, ne itei pororyosyek kotany anee.
3Kwandanyu, nee chii kot igeere ineendet, ak weeriitap chii kot ibwaata ineendet? 4Chii ko uu kabuuset; peetuusyekyik ko uu urwet ne siirei.
5Kwandanyu, turuuksyi kipsengweng'ung' ak iyany ng'wony; twa tuloosyek, si konaam iyeto. 6Gon kalyeleeng'ung' ak iyeesta icheek; mwokto kipchabonikuk ak iyeesta icheek. 7Chuul eung'ung' kobun parak; isaru anee ak isarwo eng' peek che eecheen, eng' eutap toek, 8che kutisyekwak ng'aalaalei lembech ak eunekwak ne tai koyasyo eng' lembech.
9Kwandanyu, atyenjini tyeni ne leel; eng' kibugandet ne tinyei suumeek taman atyenjini musi, 10ne igoochin laitorinik katerteeret, ne saru Daudi otwogindennyi eng' rotwetap chok ne koroom.
11Isaru anee ak isarwo eng' eutap toek, che kutisyekwak ng'aalaalei lembech ak eunekwak ne tai koyasyo eng' lembech.
12Si koek weeriikyok ko uu keetiik che eetu kooen eng' ming'inatennywa, ak tiibiikyok ko uu kong'ik che po luukwek che ki kigoiywai agobo kootap laitoryat. 13Konyi chogenikyok, che ip amitwogik tugul che terterchin; kotesak keechiirekyok eng' eliphuusyek, eng' tamanusyegap eliphuusyek eng' mbareenikyok; 14tuukyok che nyigiisen eng' lagok, ak ma kegilulyo irimosyek, ak ma kiwe luuleet, ak ma kutit ne po nyalilda eng' ortinwekyok. 15Beruurotin piik che tinyei tuguuchu; beruurotin piik che tinyei Kwandanyo koek Kamuktaindennywa.