Tadi Dyama, Kiswaminu Kyama
Dya Tavidi.
Tavidi wisi yandika ni moku malongwa mu mvita amana vuka-vuka wisi takana ni mutu kenina kima kya phamba — mwela, kininga kina kisi luta. Wisi lomba Tata wandi kakulumuna mazilu amana kamphulula ku batu ba luvunu, buna wisi tanga ngemba yina kazola: khila zizadidi yi bana bana bisi kola mboti.
144 1Lukumu lwakala kwena Tata wama, tadi dyama, wuna wisi longa moku mama mu mvita, milembu myama mu kunwana, 2khenda yama yi kibaka kyama, kiswaminu kyama yi Muhuludi wama, kibalaka kyama muna kisi swaminina, wuna wisi lemvwakisa bikanda ku tsi yama.
3A Tata wama, biki kyenina mutu hanga wisi muhungula mesu, mwana wa mutu hanga wisi mubanzila? 4Mutu wenina hanga mwela; bilumbu byandi byenina hanga kininga kina kisi luta.
5A Tata wama, kulumuna mazilu maku amana tuluka; simba mongu, amana myatóta mwisi. 6Kenya mutsyenzya waku amana mwanga bawu; losa phunza zaku amana zimbisa bawu. 7Yuna koku dyaku tuka ku zilu; phulula meni amana tabula mu mamba ma ngolu, mu koku dya banzenza, 8bana munwa mya bawu misi zonza luvunu, amana koku dya bawu dya lubakala disi dya ndefi za luvunu.
9A Tata wama, yikúyimbila kwaku mukunga wa pha; ha lwinda lwa misinga kumi yikúsikila kwaku, 10kwena wuna wisi heka kinunga kwena bakyamvu, wuna wisi phulula Tavidi musadi wandi mu mbedi ya phoku ya mbi.
11Phulula meni amana tabula mu koku dya banzenza, bana munwa mya bawu misi zonza luvunu, amana koku dya bawu dya lubakala disi dya ndefi za luvunu.
12Buna bana betu ba bayakala bakála hanga miti mina mikola mu kingunza kya bawu, bana betu ba bakhetu hanga makunzi ma bitsweki mana másimama mu nzu ya kipfumu. 13Khila zetu zakála zazala, zisi hana mitindu myosu mya mbongu; bibulu byetu byavula mu mafunda, mu mafunda kumi-kumi mu bilanga byetu; 14bangombi betu banina yi mivumu, konda kutolula bibaka, konda kwenda mu kihika, amana konda kindanda kya kiwayi mu mabala-bala metu. 15Kyesi kwena batu bana benina yi mambu mana; kyesi kwena batu bana benina yi Tata wetu.
