詩篇 144

144 ¹願我嘅父，我嘅磐石得稱頌， 佢訓練我雙手去打仗， 訓練我啲手指去爭戰， ²佢係我嘅盟約慈愛，我嘅堡壘， 我嘅高臺，我嘅拯救者， 我嘅盾牌，我喺佢裏面得着庇護， 佢使萬民服 喺我之下。

³我嘅父啊，人算得係乜嘢，你竟然咁重視佢？世人算得係乜嘢，你竟然咁掛住佢？ ⁴人就好似一口氣咁； 佢嘅年日就好似一個一閃即逝嘅影。

⁵我嘅父啊，求你使天下垂，親自降臨； 求你觸摸群山，佢哋就會冒煙。 ⁶求你閃出你嘅閃電，使佢哋四散； 求你射出你嘅箭，使佢哋潰亂。 ⁷求你從高天伸出你嘅手； 救拔我， 喺洶湧嘅大水中拯救我， 喺外邦人嘅手中拯救我， ⁸佢哋嘅口講謊話，佢哋嘅右手發假誓。

⁹我嘅父啊，我要向你唱一首新歌；用十弦嘅琴向你奏樂， ¹⁰你就係將勝利賜畀列王嘅那位， 你救你嘅僕人大衛脫離殘忍嘅刀劍。

¹¹求你救拔我， 喺外邦人嘅手中拯救我， 佢哋嘅口講謊話，佢哋嘅右手發假誓。

¹²咁樣，我哋嘅仔就好似樹苗， 喺幼年就長得高高大大， 我哋嘅女就好似為王宮 雕刻嘅殿角柱。 ¹³我哋嘅倉庫充滿， 供應各種各樣嘅出產； 我哋嘅羊群喺我哋嘅田野繁衍到千千， 繁衍到萬萬； ¹⁴我哋嘅牛懷住牛犢， 冇城 牆被攻破， ¹⁵擁有呢啲福氣嘅子民有福喇； 以我哋嘅父為自己嘅神嘅子民有福喇。