Mi eng' bukuit

Isaiah 42 FHB Father's Heart Bible™

Kiistoi 15% eng' kiy ne iale korook →
Bukuit

Ogeer Poisyendennyu, Jeso

Ma guurei poisyendet ne kaalewen eng' ooreet anan kotuch morong'yot ne ki kibir, ak ma kobutyo agoi kotonon imanda. Yeityo kowaach Kwandanyo, ne ki silem koo, ko uu kwondo ne mi murerennyi. Eng' ng'wanindo, poisyendet ne koraat yu ko Israel — ne ma keer kiy, ne kagiluul, ne ma kisar.

Ng'alaali Kwandanyo eng' mustarisyek 1–4, 6–9, 14–22

Sura 42.

“Ogeer poisyendennyu, ne atiie, ne kaolewen, ne poiboitune saboondanyu. Kagonde Kabuusennyu eng' ineendet; kobunu imanda eng' pororyosyek. a a v1 Boorchi Matayo kole poisyendeni ne kagilel Kabuuset ko Jeso ineegei — ye kityen siruutyechu che agobo poisyetap saaset eng' Matayo 12:18-21. Poisyendet ne po tyenwogap poisyendet ang'wan che po Isaiah ko Jeso, Israel ne po iman. Ma guurei anan kowaach tweguuno, anan kogasis eng' ooreet. Ma tuch morong'yot ne ki kibir anan koibir kanamet ne lalei ming'in; eng' yanatet kobunu imanda. Ma nyaluli anan kobutyo agoi kotonon imanda eng' ng'wony; ak igeni ngeguusyek kaneetisyennyi.”

Mwaei Kwandanyo—ineendet ne ki toi kipsengwet ak kouitoi, ne ki chabai ng'wony ak tuguuk che punu eng' ineendet, ne koonu sabeet piik che mi parak, ak kabuuset icheek che pendi eng' ineendet:

“Anee Kwandang'ung'; eng' imanda kaguurin; anam eung'ung' ak ariibin; ayain arorutyet ne po piik, lapkeiyet ne po pororyosyek, si iyaat koonyek che koraat, si imoong' kimonjororinik eng' keriinget—icheek che tebyei eng' mesundeito eng' korgoreet.

“Anee Kwandang'ung'; nooto kainennyu; ma agoochi toroornatennyu chiito age, anan kalasunennyu kanamonik che kigeis. Ogeero, tuguuk che po tai kagosulda, ak amwae nguno tuguuk che leel; kotomo komong'u, amwaiwok agobo icheek.”

Otyen Tyeni ne Leel

Otyenji Kwandanyo tyeni ne leel, kalasunennyi eng' letap ng'wony—okweek che wendi nyanjet, ak tuguuk tugul che itinye ineendet, ngeguusyek ak piik che menyei. Ingowaach surget ak nganasosyekyik tweguwekwak, goriik che menyei Kedar; ingotyen eng' poiboiyet piik che menyei Sela, ingoguut eng' metoweegap tuloonook. Ingogoono toroornatet Kwandanyo, ak komwaite kalasunennyi eng' ngeguusyek. Mang'une Kwandanyo ko uu ne po lugeet; ko uu chiitap lugeet koing'eeti kagiilennyi; guurei, kuutei pogei, kosiir puunikyik.

Kaasiis eng' sait ne koi; kaatebi siis ak kaaeetkei. Nguno aguure ko uu kwony ne mi labotik; aseng'eng'e ak asyeny tuwai. Aguberi tuloonook ak koroosyek ak ateeny susweekwak tugul; awal ainoosyek koek ngeguusyek, ak ateeny poolik. Ak andochi che koraat eng' ortinwek che ma ng'eni; andochi icheek eng' ortinwek che tomo konai. Awal mesundeito ne mi taitap icheek koek lapkeiyet, ak komoswek che sing'ortot koek warenget. Chu ko tuguuk che awendi ayai, ak ma apagaakta icheek. Kiweeksei let ak kolilyini miising'—icheek che mang'u kanamonik che kigeis, che leenji image che ki sogee, “Okweek ko kamuktaikyok.”

Koonyek che Ma Geerei

Okweek che miing'at, ogas; ak okweek che koraat, ogeero, si obiit ogeer. Ng'oo ne koraat ngot ma otwogindennyu, anan ne miing'at ko uu sendimita ne ayooktoi? Ng'oo ne koraat ko uu ne tinye kaalyeet ak anee, ne koraat ko uu otwogindetap Kwandanyo? b b v19 Kigure Israel yeeni koek otwoogindet — piik che ki king'ure si koek paoryanigap Kwandanyo, ago koraat ak miing'at kobun ng'uronetnooto. Eng' tai eng' bogolyoni age (siruutik 1-9), Otwoogindet ko Jeso — Israel ne po iman ne isuldai kiit ne ma kimuuchi Israel koyai. Kigeer tuguuk che chaang', ago ma iriip; yaat itiiguk, ago ma igase.

Kiboiboi Kwandanyo, agobo imandanyi, si koloshen kaneetisyennyi ak koyai koek ne konyitot. Ago pichu ko piik che ki kiluul ak ki kiip, kagageng'em icheek tugul eng' keriingonik ak kagiuny eng' korgoreet. Kagoek icheek kiluulet ne ma komi ne saren, punjinet ne ma komi ne le, “Weekta!”

Ng'oo among okweek ne igase niito, ne ipchi iit ak kogas kiit ne nyoonu? Ng'oo ne ki konde Jakobo eunegap punjindet, ak Israel eunegap che luulei? Tos ma Kwandanyo, ineendet ne kiketengekji? Ma kichame kobendi eng' ortinwekyik, ak ma kisup kaneetisyennyi. Nooto ko kibchee eng' icheek kiptoretap angeennyi ak nereegegap lugeet. Ki beel eng' icheek koyoge tugul, ago ma kiguiyo; ki beel icheek, ago ma kiinde eng' muguleldo.