Kigimut koba Babilon
Kiprutoinik che iman eng' laitornatet ne po pororyosyek, ak ng'ang'utik che po laitornatosyek che ng'eetei ak kobut eng' taitap laitornatet ne ma betei. Koboru kwenutap maat ne lalei ak keriingonigap ng'etuunyik, koboorunchigei Kwandanyo kole mi kobooto lagokyik.
1 1Eng' kenyiit ne po somok ne po laitornatetap Jehoiakim laitoryatap Judah, ki pwa Nebukadnesar laitoryatap Babilon Jerusalem ak koyiem. 2Ki kogoochi Kwanda ne Toroor Jehoiakim laitoryatap Judah eunnyi, kobooto tuguuk alak che po kootap Kwandanyo; ak koip koba Shinar, kootap kamuktainnyi, ak koip tuguuchooto ole kigonoree tuguugap kamuktainnyi. a a v2 Shinar ko kainet ne po keny ne po emetap Babilonia, emet ne negitee nganaseetap Babilon.
3Ki ng'at laitoryat Ashpenaz, kiptaiyatap kiboitiinikyik, komut piigap Israel alak, kobun kootap laitornatet ak piik che po teegisto. 4murenik che ma tinyei keechiiryet, che karaaran keeret, che ng'oomen eng' utaatyet tugul, che tinyei naet, che chokchin konai, che imuuchi kotonon eng' kootap laitoryat, ak koneetisto icheek siruutyet ak ng'alaalet che po Babilon. 5Ki chamji laitoryat icheek kebeberta ne po kotugul ne po amitwogikyik ak divainyi, si koneetisto kenyiisyek somok, yeityo koboisyee eng' tainnyi.
6Ki mi eng' icheek Daniel, Hananiah, Mishael ak Azariah, che po weeriigap Judah. 7Ki wal kiptaiyatap kiboitinik kainaikwak: koguure Daniel ak Belteshazzar; Hananiah ak Shadrach; Mishael ak Meshak; ak Azariah ak Abednego. b b v7 Kainaikwak che ki kisich, ki teegis age tugul Kwandap Israel; ago kainaik che leel che po Babilon, ko ki teegis kamuktaikap Babilon — ki tyemutyet ne po kowal kiy ne egu murenichooto.
8Ki batee Daniel kole ma koyachigei eng' amitwogigap laitoryat anan eng' divainyi, nooto si kosoom kiptaiyatap kiboitinik si ma koyachigei. c c v8 Amitwogigap laitoryat ko imuuchi kotinyei panyeek che ki kiteganaat eng' ng'atuutigap Yahudiik, anan amitwogik che ki kigoitochin kamuktaikap Babilon — aeng'u tugul ko yachin kiit nooto eng' Israelindet ne iman. 9Ki kogoochi Kwandanyo Daniel myeeindo ak rireenet eng' konyegap kiptaiyatap kiboitinik. 10Ki leenji kiptaiyatap kiboitinik Daniel, “Aiywei kiptaiyandennyu laitoryat, ne ki inde amitwogikwok ak eeiyennguk. Amu nee si koger togoochikwok che yaacheen kosiir weeriik che ko po kenyisyeguk? Oyai inyee si koip laitoryat metinnyu.”
11Yeityo koleenji Daniel chiito ne ki inde kiptaiyatap kiboitinik koriip Daniel, Hananiah, Mishael ak Azariah, 12“Otyem otwogiguk peetuusyek taman. Koonech suumeek keityo keam, ak peek keeiye. 13Yeityo irogunji itoondanyo ak itoondap murenik che amei amitwogigap laitoryat; iyachi otwogiguk ko uu ye igeere.” 14Ki cham anyun ineendet ng'olyoondoni, ak kotyem icheek peetuusyek taman. 15Kingo kagobata peetuusyek taman, ko ki karaaran itoondanywa ak ki kibainjin komyee kosiir murenik tugul che amei amitwogigap laitoryat. 16Ki ng'eti anyun chiito ne tononjin amitwogikwak che ki kichamji ak divai ne ki keei, ak kogoochi icheek suumeek kibat.
17Ki kogoochi Kwandanyo weerchooto ang'wan naet ak kaguiyet eng' siruutyet tugul ak utaatyet; ki nai Daniel ng'ang'utik tugul ak karwotitaosyek.
18Kingo kagobata peetuusyek che ki king'at laitoryat si koipchin icheek oriit, koip kiptaiyatap kiboitinik icheek eng' taitap Nebukadnesar. 19Ki ng'alaalji laitoryat icheek, ak ma mi age ne kergei ak Daniel, Hananiah, Mishael ak Azariah; nooto si koboisyechi laitoryat. 20Ye kiteebe laitoryat icheek agobo utaatyet ak kaguiyet, ko ki konyoor icheek ko karaaran oldo taman kosiir piik tugul che ng'oomen che ng'oorsei ak soyotik che mi laitornatennyi komugul. 21Ak ki tebi Daniel olooto agoi kenyiit ne tai ne po laitoryat Kiros.