Pāngmonshi 11

11 ¹Ithumwui Avāna Moses eina Aaronli hithāda hānga,

²"Israelnaobingli hānglu, Okathuili khalei sāyur saikorawui ngachaili nathumna shaikapai kharingyur chi hina. ³Sāyurwui ngachaili, asho khani khangapāka, kala sheilaga khaluikazā sā kachiva̱ nathumna shaipaisera.

⁴"Kha sheilala lah asho khani khangapākala kaji sābingwui ngachaili, nathumna mashaiki kajibing hina: ut, chi sheilaga khaluizālala asho makhangapākthu; chi nathumwui vang matharmana. ⁵Lungkaihok chi sheilaga khaluizālala asho makhangapāk; chi nathumwui vang matharmana. ⁶Theba, kaja chi sheilaga khaluizālala asho makhangapāk; chi nathumwui vang matharmana. ⁷Kala hok chi asho khani khangapāklala sheilaga makhaluizā; chi nathumwui vang matharmana. ⁸Chiwui asā mashaipaimana, kala chiwui kathingunli nathum masaza̱paimana; chi nathumwui vang matharmana.

⁹"Tara̱lungli khalei saikorawui ngachaili nathumna shaikapai chi hina: tara̱li, shamadruli, kala kongli khalei angachāng kakā kala ahor kakā saikora chi nathumna shaipaisera. ¹⁰Kha shamadruli kala kongli angachāng kala ahor makakā kachiva̱, tara̱li ngawokazata saikorawui ngachaili kala tara̱li khalei kharingyur saikorawui ngachaili khalei chi nathumwui vang ningkakachaina. ¹¹Chi nathumwui vang ningkakachaina leichingra; chiwui asā mashaipaimana, kala chiwui kathingunli ningkakachai thāda ningkachailu. ¹²Tara̱li angachāng kala ahor makakā kachiva̱ chi nathumwui vang ningkakachaina.

¹³"Vānaoyur hibing ningkachailu; chi mashaipaimana, kaja chi ningkakachaina: khalāng, khalāng sāshā, khalāng-veizor, ¹⁴khararkha̱, kala lāngpop ayur-ayā athishurda, ¹⁵hangkhā kala hangkhāyur saikora, ¹⁶ostrich, pawung ngayazā, shamadruvā, kala sā kashaiya yur ayur-ayā athishurda, ¹⁷pawung kateo, khaishumva̱, pawung kahakyur, ¹⁸ra̱har, utvana̱, kathingun kazā khalāng, ¹⁹varok, varokyur, kazeithora kala konghar. ^a a v19 Konghar hi hili romsai, kaja achālakhali 'vānao' da hāng chi angachāng kakā saikorawui vang leisai, ahah kakā vānao mortong maningmana.

²⁰"Angachāng kakā ngawokazata saikora, aphei mati eina kazata chi, nathumwui vang ningkakachaina. ²¹Kha angachāng kakā ngawokazata aphei mati eina kazata saikorawui alungli, ngaleitungli ngawok khavai aphei tungli aphei kakā chi nathumna shaipaisera. ²²Khaoh, khaohsom, haori philāva̱, kala khaohyur chi ayur-ayā athishurda nathumna shaipaisera. ²³Kha khangatei angachāng kakā ngawokazata aphei mati kakā saikora chi nathumwui vang ningkakachaina.

²⁴"Hibingna nathumli makathar ngasakra; chibingwui kathingunli sākaza̱ mi kachiva̱ ngazin eina tangda matharmara, ²⁵kala chibingwui kathingun kachiva̱ phungkazat mi china awui kashankachon ngasa̱ra kala ngazin eina tangda matharmara.

²⁶"Sā kachiva̱ asho ngapākla kha katonga makhangapāk, lah sheilaga makhaluizā, chi nathumwui vang matharmana; chili sākaza̱ mi chi matharmara. ²⁷Aphei mati kakā sāyur saikorawui alungli, apāng eina kazata chi nathumwui vang matharmana; kala chiwui kathingunli sākaza̱ mi chi ngazin eina tangda matharmara, ²⁸kala chiwui kathingun phungkazat mi china awui kashankachon ngasa̱ra kala ngazin eina tangda matharmara; chibing nathumwui vang matharmana.

²⁹"Ngaleitungli ngawokazata yurbingwui alungli, hibing chiya nathumwui vang matharmana: ngaleikhazu, khazu, kala chirang kahak ayur-ayā athishurda, ³⁰khaok-chirang, chirang kahakyur, phākho-chirang, chirang-nao, kala chamalā. ³¹Ngawokazata saikorawui alungli hibing chiya nathumwui vang matharmana; chibing kathi tharan sākaza̱ mi chi ngazin eina tangda matharmara. ³²Chibingwui kathingun akha kaparhaira ot kachiva̱, thingkhong nilala, kachon nilala, sāhui nilala, bora nilala, ot sākhui khutlai nilala, chi matharmara. Chi tara̱li sangda ngazin eina tangda matharmara; chiwui thili tharhaora. ³³Chibingwui akha ngaleiham akhawui alungli paiakha, chiwui alungli khalei ot kachiva̱ matharmara; kala ham chi sakhaira. ³⁴Chikathā tara̱ kaparhaira kashakazā saikora matharmara; kala chikathā hamli khalei mangkazā saikora matharmara. ³⁵Chiwui kathingunwui akha kachikathā otli paiakha, chi ot chi matharmara; meiphung nilala, mei-apam nilala sakhaihaora. Chibing matharmana, kala nathumwui vang matharmana. ³⁶Chithālala, tara̱ zang kahai ura̱ok nilala, khorchop nilala tharra; kha chiwui kathingunli sakaza̱ mi chi matharmara. ³⁷Chiwui kathingunwui akha lingkazā athāli paiakha, chi tharra. ³⁸Kha athāli tara̱ heihailaga chiwui kathingunwui akha chitungli paiakha, chi nathumwui vang matharmana.

³⁹"Nathumna shaipai sāyur akha thihaiakha, chiwui kathingunli sakaza̱ mi chi ngazin eina tangda ngarangra. ⁴⁰Chiwui kathingun kazā mi china awui kashankachon ngasa̱ra kala ngazin eina tangda ngarangra; chiwui kathingun phungkazat mi china awui kashankachon ngasa̱ra kala ngazin eina tangda ngarangra.

⁴¹"Ngaleitungli ngawokazata yur kachiva̱ ningkakachai otna; chi mashaipaimana. ⁴²Ngaleitungli ngawokazata yur saikorawui alungli, awukli ngawokazata nilala, phei mati eina zata nilala, phei kachungkha kai nilala, chi mashaipaimana; kaja chi ningkakachai otna. ⁴³Ngawokazata yur kachiva̱ eina nathum khalatta ningkakachai masāluimana, kala chibing eina nathum khalatta masākhamānglu, chibing eina makathar ngasakluimara. ⁴⁴Kaja I nathumwui Avāna: nathum khalatta tharchigatlu, kathara ngasālu, kaja I katharana. Ngaleitungli ngarikazata ngawokazata yur kachiva̱ eina nathum khalatta masākhamānglu. ⁴⁵I nathumwui Avā, nathumwui Vare sā khavai Egyptwui eina ngatangkhuikhame china; kathara ngasālu, kaja I katharana."

⁴⁶Hi sāyur, vānaoyur, tara̱li ngawokazata kharing yur kachiva̱, kala ngaleitungli ngawokazata yur kachiva̱wui ainna, ⁴⁷kathar eina makatharwui khangatei, kala shaipai sāyur eina mashaikapai sāyurwui khangatei theikhavaina.