Haokaphok 33

33 ¹Jacobna yangkakā eina Esauna mi shāmati ngasophungda rārāda kasā thei. Chieina ana naoshinaobing chi Leah, Rachel kala rao sha̱nao khaniwui ngachaili ngayarkhui. ²Ana rao sha̱nao khani kala athumwui naoshinaobing rida haimi, athumwui thili Leah kala awui naoshinaobing haimi, kala Rachel eina Joseph khanaowa haimi. ³Ana khalatta athumwui rida vāda, achinā samphangranglakha eina tangda ngaleili shinishida kui mashunzangda khoruma.

⁴Esauna ali samphang khavai yongvai, ngavamkhui, akahung pamli hungreikhuida, maya̱khui, kala anina chapa. ⁵Esauna yangkakā eina sha̱nao kala naoshinao thei tharan, ana ngahāna, "Nali ngasokazata hibing khipalongkhala?" Jacobna hānga, "Avāna narao ili lumashanmida khami kahai chibingna."

⁶Chieina rao sha̱nao khani athumwui naoshinaobing ngasoda vānganaida khoruma. ⁷Leahna awui naoshinaobing ngasoda vānganaida khoruma; chiwui thili Joseph eina Rachelna vānganaida khoruma.

⁸Esauna hānga, "Ina samkaphang kahai ngasophungda hi saikora khiwui vangkhala?" "Ameiwui mikyanli ngahānkhangai samphang khavaina," da Jacobna hānga.

⁹Kha Esauna hānga, "Ichinā, iwuili kachungkha lei; nawui khalei chi nakhalattawui vang singtitmalu."

¹⁰Jacobna hānga, "Chi mathāmilu, kapona; nawui mikyanli ngahānkhangai samphang kaihaiakha, iwui khami chi ipāng eina khuisangmilu, kaja ina nazak chi Avāwui mai theikhui thāda theihaira, kala nana ili khuisanghaira. ¹¹Nali khuirāda iwui sokhami chi khuimilu, kaja Avāna ili lumashanmida iwuili saikora lei." Chithāda ana khāmhaowa, kala ana chi khuiya.

¹²Chiwui thili Esauna hānga, "Ithumwui shongzāli zatusa, kala ina nathumli rida vāra."

¹³Kha Jacobna ali hānga, "Ameina naoshinaobing ning thengchenghaira da thei, kala na̱ shimanda yao eina sha̱kei iwui yangpama lei. Zimiksho akhali sakkha eina kharomvāakha, yao ashangva̱ saikora thiserra. ¹⁴Ameina awui rao rida kānthuranu; Seirli ameili samphangranglakha eina tangda ina iwui rida khalei sha̱kei zatmamānda kala naoshinaobing zatmamānda thāda teomamei zatvāra."

¹⁵Esauna hānga, "Iwui mibing kaikhana nali ngachakyāngmiga." Jacobna ngahānkai, "Khisāda chithāda sarakhala? Ameiwui mikyanli ngahānkhangai samphangmilu."

¹⁶Chieina Esauna chithang ngalāngda Seirwui shongzāli latunga. ¹⁷Kha Jacobna Succothli zatvāhaowa, akhalattawui vang shim akha sāda, kala awui sha̱keiwui vang rāmnao sāmi. Chiwui vang apam chiwui ming Succoth da phokmi.

¹⁸Jacobna Paddan-aramwui eina khaung tharān, Canaan ngaleili khalei Shechem keinungli chingri eina vāshunga, kala keinungwui mangāli rairum vasāpama. ¹⁹Ana awui kachonshim khaningkai ngalei akai chi Shechemwui avāva̱ Hamorwui naomayarabingwui eina lupāsā shākha mida lokakhui. ^a a v19 Qesitah chi khare atamli aman mi khavai lupā aming akhana; chi lupāsā shānmi kahaina khisāra, kha ara atamwui aman athishur kaji makhatheimana. ²⁰Chili ana hanphut akha sāda Israelwui Avā kaji El-Elohe-Israel hoi. ^b b v20 ithumwui Avāna Jacobli "Israel" jiwui aming sākahai mi kahaiwui thili, Jacobna hanphut hi sākhui—chithāda Avāna Jacob eina anaongarāli katang makhavai awui shimkhur sātha khavai kapangkhuina.