آتانین الی نحمیانی گؤندَ‌رئر
بئر ساقئنئن قوصّه‌لی اوزو نظره چارپیر و آتاسینین یاخشی اَلی اونون اوستونده اولاراق، نحمیا پادشاهدان تئر و اجدادلارینین خاراباییا دؤنموش شهرئنی برپا اتمک اوچون امئن یول ائسته‌یئر. او، هچ کسه دِمَدن گجه تک‌باشینا آت اوستونده اورشلئمئن خارابالیقلارینی گَزئر، سونرا بَنّالاری توپلاییر، سَنبَلّاط و طوبئیا رئشخند ائله‌دئکجه.
2 1نیسان آییندا، اَرتاخشَستا پادشاهین ائیئرمئنجی ائلئنده، شراب اونون قاباغیندا ائدی. اونو گؤتوروب پادشاها وردئم. بوندان قاباق من اونون حوضوروندا هچ واخت قوصّه‌لی اولمامیشدیم. a a v1 نیسان عئبرانی ائلئنئن بئرئنجی آیی ائدی کی، ائلک باهارا (تخمیناً مارت-آپرئل آیلارینا) دوشوردو. 2پادشاه مندن سوروشدو: «ناخوش اولمادیغین حالدا، نئیه اوزون قوصّه‌لی‌دئر؟ بو آنجاق قوصّه‌لی بئر اورَک اولا بئلر.» او واخت من چوخ قورخدوم.
3پادشاها ددئم: «قوی پادشاه ابدی یاشاسین! نئیه اوزوم قوصّه‌لی اولماسین، او زامان کی، شهر، یعنی اجدادلاریمین دفن یری، خارابا قالیب و دروازالاری اوددا یانیب؟»
4پادشاه مندن سوروشدو: «نه طلب ادئرسن؟» او واخت گؤیلرده اولان آتامیزا دوعا اتدئم، 5و پادشاها ددئم: «اگر پادشاهین خوشونا گلسه و اگر قولوندان راضیسان، منی یهودایا، اجدادلاریمین دفن اولدوغو شهره گؤندَر کی، اونو برپا اِدئم.»
6پادشاه، مَلَکه ده یانیندا اَیلَشمئش حالدا، مندن سوروشدو: «سفرئن نه قدر چکه‌جک و نه واخت قاییداجاقسان؟» منی گؤندَرمک اونون خوشونا گلدی، اونا گؤره من اونا بئر واخت وردئم.
7من همچئنئن پادشاها ددئم: «اگر پادشاهین خوشونا گلسه، منه چایین او تایینداکی اؤلکه‌نئن والی‌لرئنه مکتوبلار ور کی، یهودایا یِتئشَنه کئمی منی کچمه‌یه قویسونلار. 8همچئنئن پادشاهین مِشه‌سئنئن کشئکچئسی آسافا بئر مکتوب ور کی، معبدئن یانینداکی قالانین دروازالاری، شهرئن دوواری و منئم ائچئنده یاشایاجاغیم اِو اوچون تئر دوزَلتمه‌یه منه آغاج ورسئن.» پادشاه منئم خاهئشلرئمی یرئنه یتئردی، چونکی آتامین خیئرخواه الی منئم اوستومده ائدی.
9چایین او تایینداکی اؤلکه‌نئن والی‌لرئنئن یانینا گتدئم و پادشاهین مکتوبلارینی اونلارا وردئم. پادشاه منئمله بئرلئکده قوشون باشچیلاری و آتلی‌لار دا گؤندَرمئشدی. 10خورونلو سَنبَلّاط و عَمّونلو اعیان طوبیا بونو اشئدنده، بئر نفرئن ائسرایئل خالقینین یاخشیلیغی اوچون گلدئیئندن اؤتری چوخ ناراحات اولدولار.
گجه اوزو ییخیلمیش دووارلاری گزمک
11بله‌جه اورشلئمه گلدئم و اورادا اوچ گون قالدیم. 12گجه بئر نچه نفرله بئرلئکده قالخدیم. آتامین اورشلئم اوچون اوره‌یئمه قویدوغو شیی هچ کسه دمه‌دئم. مئندئیئم حیواندان باشقا منئمله هچ بئر حیوان یوخ ائدی. 13گجه واختی دره دروازاسیندان چیخیب، چاقّال قویوسونا طرف، پِیئن دروازاسینا دوغرو گتدئم و اورشلئمئن ییخیلمیش دووارلارینی و یانمیش دروازالارینی گؤزدن کچئردئم. 14چشمه دروازاسینا و پادشاهین حوووضونون یانینا کچدئم، آمّا مئندئیئم حیوانین کچمه‌یه یری یوخ ائدی. 15گجه واختی دره بویونجا یوخاری چیخیب، دوواری گؤزدن کچئردئب، گری دؤنوب دره دروازاسیندان گئرئب قاییتدیم. 16باشچیلار منئم هارایا گتدئیئمی و نه اتدئیئمی بئلمئردئلر؛ چونکی حله یهودئلره، کاهئنلره، اعیانلارا، باشچیلارا و ائشی گؤره‌جک قالانلارا بئر شی دمه‌مئشدئم. 17سونرا ددئم: «سئز دوشدویوموز بلانی گؤرورسونوز: اورشلئم خارابا قالیب، دروازالاری یانیب. گلئن، اورشلئمئن دووارینی برپا اِدَک کی، داها بئزه روسوایچیلیق اولماسین.» 18آتامین خیئرخواه الئنئن منئم اوستومده اولدوغونو و پادشاهین نه ددئیئنی اونلارا دانیشدیم. اونلار ددئلر: «قالخیب بئنا اِدَک.» بله‌جه اونلار بو یاخشی ائش اوچون اللرئنی قووّتلَندئردئلر.
19خورونلو سَنبَلّاط، عَمّونلو اعیان طوبیا و عرب گِشِم بونو اشئدنده، بئزی مسخره‌یه قویوب حقارتله باخدیلار و ددئلر: «بو نه ائشدئر کی، گؤرورسونوز؟ مگر پادشاهین ضئدّئنه عوصیان ادئرسئنئز؟»
20من جاواب وردئم: «گؤیلرده اولان آتامیز بئزه اوغور وره‌جک. بئز اونون قوللاری دوروب برپا اده‌جَیئک، آمّا اورشلئمده سئزئن نه پایینیز، نه حاقّینیز، نه ده ادّئعانیز وار.»
