Boueibü Ikei Nehemia to Hautida
Choba la ih louan kubou Nehemiaeibü thenyek ngangko ong kibü kho Chobaei ditkei, hoba kü Boueibü ik maibü hao thüka kijinei, haoei haoeibü shangiednyu leilubü sangnyu dangngaila shanga, Choba to wa hoba haupbü lam shanga le shuong kula dogo lenkei. Hao aoe to alen phaia, chanyu lolo haoei Jerusalem leilubü kho ong setan paikei, kheijinei Sanballat si Tobia nyikujinei, haoei kümetbou shuong yoshaitikei.
2 1Nisan lita, Artaxerxes Choba po saoche boubüa, ih hao thedanga kikei; ngei kho louan Choba to kukei—shaangla ngo hao thedanga ladangkei maangpon ngangko ong akitei. a a v1 Nisan kho Hebrewbü po shaangbü lit kikei, kho shaangnyu jiha (March ka April tüka) sühkei. 2Chobaei ngo phekei, “No shatbü aying kiasikei, nyi thenyek aila ngangko ong ki? Ho maangpon ngangko ong kibü to limbo ai akilabü.” Kheijinei ngo aeibou hatko kiteikei.
3Ngei Choba to laukei, “Choba ponpen lang kitishi! Sangnyu, kü shangiednyu khünshang, leiluan ong ki hoba khübü bakou wana jikan apbü longa, kü thenyek aila ngangko ong akila?”
4Chobaei ngo to phekei, “Nyi ai sumang sühda?” Kheijinei ngei seneibü khuthükkabü Bou to welaukei, 5hoba Choba to laukei, “Choba thedanga maikei longa, hoba nyi khangenbou nyi thedanga onou hapbü longa, kü shangiednyu hee sangnyu to, kho dangngaila shanga, ngo Jihuda to hautishi.”
6Chobaei, Chobasao hao thedanga setan, ngo to phekei, “Nyi wakou lalokche kilabü, hoba nyi lalok sepeijung loulabü?” Ngo hautila haoei olinkei, kheijinei ngei hao to jih che kukei.
7Ngei tokei Choba to laukei, “Choba thedanga maikei longa, ngo Jihuda to lou sühko haoenei ngo dantila shanga, shumang danjung kaodakbü governor shuong jungto le shuong ngo la kushi. 8hoba Choba yam lombou Asa jungto le che, lembüchem thedanga kibü lapheishon bakou shanga, sangnyu kümthang shanga, hoba ngo kila chem shanga, phokhüm wa ngo la kula shanga.” Chobaei kü sumang sühbü shuong ngo la letikei, aishanga kü Boueibü maibü ik kü thüka kikei.
9Ngei shumang danjung kaodakbü governor shuong jungto haukei, hoba haoen to Choba le shuong kukei. Chobaei tokei kü yoa sepai leiyeibü shuong hoba kolia setbü shuong hautikei. 10Ladang Horbü Sanballat hoba Ammonbü lombou Toiei kho ditkei, müt cheei Israelbü mütshuong shanga maibü lamla loukei dogo, haosi aeibou maang mausakkei.
Nangnaka Leilubü Kümthang Danthetbü
11Hibü ngo Jerusalem to loukei, hoba khünei chalou sem kikei. 12Ngo nangnaka müt shisho yoa meimeikei. Kü Bouei Jerusalem shanga kümla kü maangpona jinkubü to ngei aoeikei to alekei. Ngo setbü meisiau to liman meisiau che ongkei kü yoa akitei. 13Nangnaka ngei Yomang Bakou danjung bangan, Jaakan Deikhün aeto, Shiang Bakou to haukei, hoba Jerusalem leilubü kümthang hoba khübü jikan apbü bakou chühthetkei. 14Ngei Deikhün Bakou hoba Choba Thimdei to danjung haukei, lausikei kü setbü meisiau danjung haula shang akitei. 15Nangnaka ngei yom to angkei, kümthang chühletan, sepeinyu Yomang Bakou danjung lotan, ngaikei. 16Leiyeibü shuongei ngo lanei haukei ayingsi ngo ai kümkei dogo angekei; ngei Jihudabü, ungshedbou shuong, yaangenbü shuong, leiyeibü shuong, ayingsi kümsilei kümla joubü shuong to toukei alekei. 17Kheijinei ngei laukei, “Kanei seneibü khonsak hapda: Jerusalem leiluan ong ki, khübü bakou jikan apa. Kaiya, sen touje himoua akila shanga, senei Jerusalem kümthang dangngaitikho.” 18Ngei haoen to kü Bou maibü ik ngo thüka kiteibü, hoba Chobaei kü la laubü ngüh lenkei. Haoenei laukei, “Sen meimeian lekho.” Kheijinei haoenei maibü kümsilei shanga haoeneibü ik hau kitikei.
19Ladang Horbü Sanballat, Ammonbü lombou Toi hoba Arabbü Geshemei ditkei, haoenei kün to aweasüngko nyikukei, hoba laukei, “Kanei ho ai kümda? Kanei Choba khulimbo meimeida lo?”
20Ngei haoen to jongaiko laukei, “Seneibü khuthükkabü Bouei kün la haüthüktilabü. Künei hao khangenbü shuong lela khanglabü, lausikei Jerusalema kan phejan, phet ayingsi onat aying.”
