صور اوچون مرثئیه
صور اوچون شانلی بئر گمی کئمی بئر مرثئیه؛ شام آغاجی تاختالاری، سئدردن بئر دئرَک و مئصئر کتانیندان بئر یلکنله، هر یردن آدلاری چکئلَن تئجارت شرئکلری طرفئندن حِیئته آلینمیش و مالّا دولدورولموش. شرق یِلی اونو دهنزئن اورتاسیندا سیندیریر، و ساحئلده‌کی دهنزچی‌لر باشلارینا توز تؤکوب بو نغمه‌نی اوخویورلار.
27 1آتامیزین سؤزو منه نازئل اولدو:
2«ائندی سن، ای ائنسان اوغلو، صور اوچون مرثئیه اوخو، 3و دهنزئن گئرئشئنده یاشایان، چوخلو ساحئل‌لرده خالقلارا تئجارت ادن صورا دِه: پروردئگار آتا بله بویورور: ”ای صور، سن ددئن: «گؤزللئیئم کامئلدئر.»“ 4سنئن سرحدئن دهنزلرئن قوینوندادیر؛ اوستالارین سنئن گؤزللئیئنی کامئل اتدئلر. 5سِنئرئن شام آغاجلاریندان بوتون تاختالارینی دوزَلتدئلر؛ سنه بئر دئرک دوزَلتمک اوچون لوبناندان بئر سئدر گؤتوردولر. 6آوارلارینی باشانین پالیدلاریندان دوزَلتدئلر؛ گؤیرته‌نی قئبرئس ساحئل‌لرئنئن شام آغاجیندان دوزَ‌لدئب فئل دئشی ائله بَزَدئلر. 7یلکنئن مئصئردن گلن نفئس ناخیش تئکمه‌لی کتاندان ائدی، بو، سنه بایراق اولوردو؛ سایه‌بانین اِلئشا ساحئل‌لرئنئن لاجورد و ارغوانی پارچاسیندان ائدی. 8صئدون و اَروادین اهالئسی سنئن آوار چکنلرئن ائدئلر؛ ای صور، سنئن ماهئر آداملارین سنده سوکانچی‌لیق اِدَردئلر. 9گِبالین آغساقّاللاری و ماهئر آداملاری سنده ائدئلر، درزلرئنی توتدولار؛ دهنزئن بوتون گَمئلری و دهنزچی‌لری ماللارینی مبادئله اتمک اوچون یانینا گلدئلر. 10فارس، لود و فوط سنئن قوشونوندا، سنئن دؤیوشچولرئن ائدئلر. قالخان و دبئلقه‌لرئنی دئوارلارینا آسیب سنه عظمت وردئلر. 11اَروادین آداملاری و سنئن اؤز قوشونون هر طرفده دئوارلارینین اوستونده ائدئلر، و گَمّادلی‌لار سنئن بورجلرئنده ائدئلر. قالخانلاری هر طرفده دئوارلارینا آسدیلار؛ گؤزللئیئنی کامئل اتدئلر.
12تَرشئش سنئن هر جور بول وار-دؤولتئنه گؤره سنئنله تئجارت اتدی؛ ماللارینین عوضئنه گوموش، دمئر، قالایی و قورغوشون وردئلر.
13یاوان، توبال و مِشِک ائنسان جانلاری و بورونج قابلار ائله سنئنله تئجارت اتدئلر.
14بِیت‌توگَرمادان ماللارینین عوضئنه آتلار، دؤیوش آتلاری و قاطیرلار وردئلر.
15دِدانین آداملاری سنئنله تئجارت اتدئلر؛ چوخلو ساحئل‌لر سنئن بازارلارین ائدی، سنه فئل دئشلری و آبانوس آغاجی وردئلر.
16اَرام سنئن بول ماللارینا گؤره سنئنله تئجارت اتدی؛ ماللارینین عوضئنه فئروزه، ارغوانی پارچا، ناخیش تئکمه، نازئک کتان، مرجان و یاقوتلار وردی.
17یهودا و ائسرایئل سنئنله تئجارت اتدئلر: مئنّئتدن بوغدا، اون، بال، یاغ و بالزام وردئلر.
18دَمَشق سنئن چوخلو ماللارینا، هر جور بؤیوک وار-دؤولتئنه گؤره سنئنله تئجارت اتدی؛ خِلبون شرابی و صَخَر یونو وِرَردی. 19وِدان و اوزالدان گلن یاوان سنئن ماللارینین عوضئنه تئجارت اتدئلر؛ ماللارینین آراسیندا دؤیمه دمئر، چئن دارچینی و عطئرلی قامیش ائدی.
20دِدان مئنمک اوچون یهر اؤرتوکلری ائله سنئنله تئجارت اتدی.
21«عربئستان و قِدارین بوتون بیگلری سنئن موشتری‌لرئن ائدئلر؛ قوزو، قوچ و کچی ائله تئجارت اِدَردئلر.
22شِبا و راعمانین تاجئرلری سنئنله آل-وِر اِدَردئلر؛ ماللارینین عوضئنه بوتون عطرئیّاتدان اَن یاخشیسینی، هر جور قئیمتلی داش و قیزیل وردئلر.
23حاران، کَنّه و عدن، شِبانین تاجئرلری، آشور و کئلمَد سنئنله تئجارت اتدئلر. 24بونلار سنئن بازاریندا نفئس پالتارلار، لاجورد و ناخیش تئکمه‌لی پارچا، ایپلرله باغلانیب مؤحکملَنمئش رنگارنگ خالچالار ائله سنئنله تئجارت اتدئلر. 25تَرشئش گَمئلری سنئن ماللارینی کاروان کئمی داشی‌ییردیلار. بله‌جه سن دهنزلرئن قوینوندا دولموش و آغیر یوکلنمئشدئن. 26آوار چکنلرئن سنی بؤیوک سولارا چیخارتدیلار؛ شرق یِلی سنی دهنزلرئن قوینوندا سیندیردی. 27سنئن وار-دؤولَتئن، ماللارین، تئجارت مالین، دهنزچی‌لرئن و سوکانچی‌لارین، درز توتانلارین، مال آلیب-ساتانلارین، و سنده اولان بوتون دؤیوشچولرئن، گمئده‌کی بوتون جاماعاتلا بئرلئکده، سنئن سوقوط گونونده دهنزلرئن قوینونا باتاجاقلار. 28سوکانچی‌لارینین فریاد سسئندن چؤل سارسیلاجاق. 29آوار چکن هر کس، دهنزچی‌لر و دهنزئن بوتون سوکانچی‌لاری گمئلرئندن اِنه‌جک؛ قورودا دایاناجاقلار، 30سنئن اوچون سَسلرئنی اوجالدیب آجی-آجی آغلایاجاقلار. باشلارینا تورپاق تؤکوب کوله یووارلاناجاقلار؛ 31سنئن اوچون باشلارینی قیرخیب یاس پالتاری گِیینئرلر و جان آجیسی ائله، آجی یاس توتاراق سنئن اوچون آغلایاجاقلار. 32آغلاشمالاریندا سنئن اوچون مرثئیه اوخویوب یاس توتاجاقلار: «صور کئمی هچ واخت کئم وار ائدی، دهنزئن اورتاسیندا ساکئت ائدئلن کئمی؟» 33سنئن ماللارین دهنزدن چیخاندا، چوخلو خالقلاری دویدوردون؛ بول وار-دؤولَتئن و تئجارت مالین ائله یر اوزونون پادشاهلارینی دؤولتلندئردین. 34ائندی دهنزلرده سیندین، سولارین درئنلئکلرئنده؛ تئجارت مالین و بوتون گمی آداملارین سنئنله بئرلئکده غرق اولدو. 35بوتون ساحئل ساکئنلری سنئن حالینا دهشته دوشوبلر و پادشاهلاری دهشتدن تئتره‌یئرلر؛ اوزلری دیئشئلئب. 36خالقلار آراسینداکی تاجئرلر سنه فیت چالیرلار؛ سن دهشتلی بئر شی اولوبسان و ابده‌جک بئر داها اولمایاجاقسان.»
