መዝሙር 146

146 ¹ሃሌ ሉያ! ነፍሴ ሆይ፣ አባታችንን አመስግኚ።

²በሕይወት ዘመኔ ሁሉ አባታችንን አመሰግናለሁ፤ እስትንፋስ እስካለኝ ድረስ ለአባታችን እዘምራለሁ።

³ሊያድናችሁ በማይችል በሟች ሰው፣ በመሳፍንትም አትታመኑ። ⁴መንፈሱ ይወጣል፣ ወደ መሬትም ይመለሳል፤ በዚያው ዕለት ዕቅዶቹ ይጠፋሉ። ⁵ረዳቱ የያዕቆብ አምላክ የሆነለት፣ ተስፋውም በአባታችን ያለ ሰው ብፁዕ ነው።

⁶ሰማይንና ምድርን፣ ባሕርንም በውስጣቸው ያለውን ሁሉ የፈጠረ እርሱ ነው፤ ለዘላለምም ታማኝነቱን ይጠብቃል። ⁷ለተጨቈኑ ፍትሕን ያመጣል፤ ለተራቡም እንጀራ ይሰጣል። አባታችን እስረኞችን ነጻ ያወጣል። ⁸አባታችን የዕውራንን ዐይን ይከፍታል፤ አባታችን የተጐሳቈሉትን ከፍ ከፍ ያደርጋል፤ አባታችን ጻድቃንን ይወድዳል። ⁹አባታችን መጻተኞችን ይጠብቃል፤ ድኻ አደጉንና መበለቲቱን ይደግፋል፤ የክፉዎችን መንገድ ግን ያጠፋል።

¹⁰አባታችን ለዘላለም ይነግሣል፤ ጽዮን ሆይ፣ አባትሽ ለልጅ ልጅ ሁሉ ይነግሣል። ሃሌ ሉያ!