சங்கீதம் 146

146 ¹ அல்லேலூயா! என் ஆத்துமாவே, எங்கள் பிதாவைத் துதி.

² நான் உயிரோடிருக்கும்வரையில் எங்கள் பிதாவைத் துதிப்பேன்; என் சுவாசம் உள்ளமட்டும் எங்கள் பிதாவைக் கீர்த்தனம்பண்ணுவேன்.

³ பிரபுக்களை நம்பிக்கை வையாதேயுங்கள், உங்களை இரட்சிக்கக்கூடாத மனுஷனை நம்பாதேயுங்கள். ⁴ அவனுடைய ஆவி பிரிந்துபோகிறது, அவன் மண்ணுக்குத் திரும்புகிறான்; அந்நாளிலேயே அவனுடைய யோசனைகள் அழிந்துபோகும். ⁵ யாக்கோபின் பிதாவைத் தன் துணையாகக் கொண்டவன் பாக்கியவான், எங்கள் பிதாவின்மேல் தன் நம்பிக்கையை வைத்திருக்கிறவனே.

⁶ வானத்தையும் பூமியையும் உண்டாக்கினவர் அவரே, சமுத்திரத்தையும் அவைகளிலுள்ள யாவையும் அவரே படைத்தார்; அவர் என்றென்றைக்கும் உண்மையைக் காக்கிறார். ⁷ ஒடுக்கப்பட்டவர்களுக்கு அவர் நியாயஞ்செய்கிறார்; பசியாயிருக்கிறவர்களுக்கு அவர் ஆகாரம் கொடுக்கிறார். எங்கள் பிதா சிறைப்பட்டவர்களை விடுதலையாக்குகிறார். ⁸ எங்கள் பிதா குருடருடைய கண்களைத் திறக்கிறார்; எங்கள் பிதா குனிந்தவர்களை நிமிர்த்துகிறார்; எங்கள் பிதா நீதிமான்களை நேசிக்கிறார். ⁹ எங்கள் பிதா அந்நியர்களைக் காப்பாற்றுகிறார்; திக்கற்ற பிள்ளையையும் விதவையையும் அவர் ஆதரிக்கிறார், ஆனால் துன்மார்க்கருடைய வழியையோ அவர் கவிழ்த்துப்போடுகிறார்.

¹⁰ எங்கள் பிதா என்றென்றைக்கும் ஆளுகை செய்வார் — சீயோனே, உன் பிதா தலைமுறை தலைமுறையாக ஆளுகை செய்வார். அல்லேலூயா!