Haleluya
Kedeko kemelü tahite, pü rüpü vota pü kelüko sünha khipü rütato. Ha Po süo kelakeyi, pü thi kesü mhathoko la po tayo: kümüzhe ketako khüpo thi, müri ketako tsükhri sü, thejümiko phrü sü, sozüsove miko, upo kemo nuko mu samepüko khü bayo.
146 1Haleluya! A khri, ha Po chuyite.
2I rhü keba the ha Po chuto; I rüpü keba the ha Po tsale thito.
3Kedeko kemelü tahite, neko küla thiyi kemo sata keto thümapü. 4Pü rüpü vota, pü cejülü retuta; sünha khipü pü kelüko rütato. 5Jacob Jihova pü kekhrüo keho thüma yhevetho, pü kümüri ha Po lü kebao.
6Pü tüyo mu cejü thiküsüo zo, jükezho mu sükolü chupü keta metü sheri; pü kechothe kemelü khi bayo. 7Pü kümüzhe ketako khüpo thisüto; müri ketako tsükhri süto. Ha Po thejümiko phrü süto. 8Ha Po umhü ketako mhüo zhesüto; ha Po kühü ketako rekrü süto; ha Po kemeziko khrüto. 9Ha Po sozüsove miko khü bayo; pü upo kemo nuko mu samepüko uphoyo, vele kürüzüko choko mejova süto.
10Ha Po kechothe kekhato—neko Po, Zion, tüpho mütü kekhato. Haleluya!
