詩篇 146

146 ¹ 哈利路亞! 我嘅心哪,你要讚美我哋嘅父。

² 我一生要讚美我哋嘅父;我仲有氣息嘅時候,就要向我哋嘅父歌唱。

³ 唔好倚靠王侯, 唔好倚靠唔能夠救你嘅世人。 ⁴ 佢一斷氣,就歸回塵土; 就喺嗰一日,佢嘅計劃就都消滅咗。 ⁵ 以雅各嘅父做幫助嘅,呢個人係有福嘅, 佢嘅盼望在乎我哋嘅父,

⁶ 佢係創造天地嘅, 亦係創造大海同海裏面一切嘅;佢永遠守信實。 ⁷ 佢為受欺壓嘅人伸冤; 佢賜食物俾飢餓嘅人。 我哋嘅父釋放被囚嘅人。 ⁸ 我哋嘅父開瞎眼嘅人嘅眼; 我哋嘅父扶起被壓彎腰嘅人; 我哋嘅父喜愛義人。 ⁹ 我哋嘅父保護寄居嘅外邦人; 佢扶持孤兒寡婦, 卻使惡人嘅道路彎曲敗壞。

¹⁰ 我哋嘅父要作王,直到永遠 ——錫安哪,你嘅父要作王,直到萬代。 哈利路亞!