Haleluya
Leiyeibü shuong to mailem teki, haoeneibü huon pendou khünyettham haoen yoa mauda. Khübü tetsija seneibü Bou ki, hao ai ong kümdaje kho shenda: shieikoeko kibü shuong to ngühmai kümda, mühbünoubü shuong la wentek kuda, thüngbü shuong litida, yenbou shuong, bou akibü si latnyu to thuida.
146 1Haleluya! O kü soushou, seneibü Bou haükushi.
2Ngo lang kijinei ngei seneibü Bou haükulabü; kü salang sünga ngei seneibü Bou la chia atkulabü.
3Leiyeibü shuong to mailem teki, ka khümenla athükbü hailabü müt to tegü. 4Haoeibü soushou satda, hao kao to sepeinyu ngaida; khünyettham haoeibü huon pendou mauda. 5Jakob Mühghaü haoeibü thuibou kibü müt olinbou, aoei seneibü Bou to maanglemda.
6Haoei müh si kao yaübou ki, yungnyu hoba khonei kibü pendou; haoei maanglembü ponpen thon akiko jungeida. 7Haoei shieikoeko kibü shuong to ngühmai kümda; haoei mühbünoubü shuong la wentek kuda. Seneibü Bouei thüngbü shuong litida. 8Seneibü Bouei nyekthubü shuongeibü nyek khittida; seneibü Bouei yantibü shuong to angtida; seneibü Bouei saopobü shuong to sanouda. 9Seneibü Bouei yenbou shuong pean chühda; haoei bou akibü si latnyu to thuida, lausikei amaibü shuongeibü lamnyu kho haoei mautida.
10Seneibü Bouei ponpen thon akiko songdaklabü; O Zion, kaibü Bou meten pendou to songdaklabü. Haleluya!
