Zaburi 146

146 ¹ Haleluya! Ee nafsi yangu, umsifu Baba yetu.

² Nitamsifu Baba yetu maadamu ninaishi; nitamwimbia Baba yetu maadamu ninao pumzi.

³ Msiwatumainie wakuu, wala mwanadamu asiyeweza kuwaokoa. ⁴ Roho yake hutoka, hurudi ardhini; siku ile ile mawazo yake hupotea. ⁵ Heri mtu ambaye msaidizi wake ni Baba wa Yakobo, ambaye tumaini lake ni kwa Baba yetu,

⁶ Yeye ndiye Muumba wa mbingu na nchi, bahari na vyote vilivyomo; hushika uaminifu milele. ⁷ Huwatendea haki walioonewa; huwapa chakula wenye njaa. Baba yetu huwaweka huru wafungwa. ⁸ Baba yetu huyafumbua macho ya vipofu; Baba yetu huwainua walioinama; Baba yetu huwapenda wenye haki. ⁹ Baba yetu huwalinda wageni; huwategemeza yatima na mjane, bali njia ya waovu huipindua.

¹⁰ Baba yetu atatawala milele — Baba yako, ee Sayuni, vizazi vyote. Haleluya!