സങ്കീർത്തനങ്ങൾ 146 FHB Father's Heart Bible™

146 ¹ഹല്ലേലൂയാ! എൻ മനമേ, നമ്മുടെ പിതാവിനെ സ്തുതിക്കുക.

²ജീവിച്ചിരിക്കുന്നിടത്തോളം ഞാൻ നമ്മുടെ പിതാവിനെ സ്തുതിക്കും; ശ്വാസമുള്ളിടത്തോളം ഞാൻ നമ്മുടെ പിതാവിന് കീർത്തനം പാടും.

³പ്രഭുക്കന്മാരിൽ നിങ്ങൾ ആശ്രയം വയ്ക്കരുത്, നിങ്ങളെ രക്ഷിക്കാൻ കഴിയാത്ത മർത്യനിൽ ആശ്രയിക്കരുത്. ⁴അവന്റെ ശ്വാസം നീങ്ങിപ്പോകുന്നു, അവൻ മണ്ണിലേക്കു മടങ്ങുന്നു; അന്നുതന്നെ അവന്റെ പദ്ധതികൾ നശിക്കുന്നു. ⁵യാക്കോബിന്റെ ദൈവം സഹായകനായുള്ളവൻ, നമ്മുടെ പിതാവിൽ പ്രത്യാശ വച്ചവൻ ഭാഗ്യവാൻ.

⁶ആകാശവും ഭൂമിയും സമുദ്രവും അവയിലുള്ള സകലവും സൃഷ്ടിച്ചവൻ അവിടുന്നാകുന്നു; അവിടുന്ന് എന്നേക്കും വിശ്വസ്തത പാലിക്കുന്നു. ⁷പീഡിതർക്ക് അവിടുന്ന് ന്യായം നടത്തിക്കൊടുക്കുന്നു; വിശക്കുന്നവർക്ക് അവിടുന്ന് ആഹാരം നല്കുന്നു. നമ്മുടെ പിതാവ് തടവുകാരെ സ്വതന്ത്രരാക്കുന്നു. ⁸നമ്മുടെ പിതാവ് അന്ധരുടെ കണ്ണുകൾ തുറക്കുന്നു; നമ്മുടെ പിതാവ് കുനിഞ്ഞുപോയവരെ ഉയർത്തുന്നു; നമ്മുടെ പിതാവ് നീതിമാന്മാരെ സ്നേഹിക്കുന്നു. ⁹നമ്മുടെ പിതാവ് പരദേശികളെ കാത്തുപരിപാലിക്കുന്നു; അനാഥരെയും വിധവമാരെയും അവിടുന്ന് താങ്ങിനിർത്തുന്നു, എന്നാൽ ദുഷ്ടരുടെ വഴി അവിടുന്ന് നശിപ്പിക്കുന്നു.

¹⁰നമ്മുടെ പിതാവ് എന്നേക്കും വാഴും—സീയോനേ, നിന്റെ പിതാവ് തലമുറതലമുറയായി വാഴും. ഹല്ലേലൂയാ!