هللویا
اَمئرلره اومئد باغلامایین، اونلارین نقشه‌لری اؤلدوکلری همن گون اؤزلری ائله هلاک اولار. بونون عوضئنه آتامیز وار، گؤردویو ائشلرله سایلیر: مظلوملارا عدالت، آجلارا چؤرک، محبوسلارین آزاد اولماسی، قرئبلرئن، یتئملرئن و دول آروادلارین قورونماسی.
146 1هللویا! ای جانیم، آتامیزا حمد ات.
2یاشادیغیم مودّتده آتامیزا حمد اده‌جه‌یم؛ نَفَسئم اولدوغو مودّتده آتامیزا نغمه اوخویاجاغام.
3اَمئرلره، سئزی قورتارا بئلمه‌یَن فانی ائنسانا توکّول اتمه‌یئن. 4اونون روحو چیخار، او، تورپاغا قاییدار؛ اله همئن گون اونون نقشه‌لری هلاک اولار. 5نه بَختَوَردئر او کس کی، یعقوبون تاریسی اونون کؤمکچئسی‌دئر، اومئدی ده آتامیزا باغلی‌دیر.
6گؤیو و یری یارادان اودور، دهنزی و اونلاردا اولان هر شیی ده؛ او، وفادارلیغینی ابده کئمی ساخلاییر. 7مظلوملارا عدالت ادر؛ آجلارا چؤرک ورر. آتامیز محبوسلاری آزاد ادر. 8آتامیز کور اولانلارین گؤزلرئنی آچار؛ آتامیز اَیئلَنلری قالدیریر؛ آتامیز صالحلری سِوَر. 9آتامیز قرئب اولانلاری قورویار؛ یتئمه و دول آروادا ال توتار، آمّا پئس آداملارین یولونو محو ادر.
10آتامیز ابده کئمی سلطنت اده‌جک — ای صحیون، سنئن آتان نسئلدن-نسئله سلطنت اده‌جک. هللویا!
