حمد اوخوماق نجه یاخشیدیر
آتامیز اولدوزلاری سایار و هر بئرئنی آدی ائله چاغیریر، همچئنئن اوره‌یی سینیقلارین یاراسینی ساریر؛ قاری و دولونو گؤندَ‌رَر، سونرا اونو اَرئدَن سؤزو. اونو سِوئندئرَن نه آتین گوجو، نه ده ائنسانین قووّتی‌دئر، آنجاق اونون محبّتئنه اومئد باغلایان آداملاردیر.
147 1هللویا! آتامیزا حمد نغمه‌لری اوخوماق نجه یاخشیدیر؛ اونا حمد اتمک نجه خوش و موناسئبدئر.
2آتامیز اورشلئمی بئنا ادر؛ ائسرایئلئن داغیدیلمیش خالقینی ییغار. 3او، اوره‌یی سینیقلارا شفا ورئر و اونلارین یارالارینی ساریر. 4او، اولدوزلاری سایار؛ هر بئرئنی آدی ائله چاغیرار. 5بئزئم حؤکمران آتامیز بؤیوکدور و قودرتی ائله قووّتلی‌دئر؛ اونون آنلاغی اؤلچویه سیغماز. 6آتامیز باشی‌آشاغی اولانلاری اوجالدیر؛ پئس آداملاری یره چیرپار.
7آتامیزا تشکّور ائله نغمه اوخویون؛ اونون اوچون چنگ ائله نغمه چالین. 8او، گؤیلری بولودلارلا اؤرتر؛ یِر اوزونه یاغیش گؤندَ‌رَر؛ تپه‌لرده اوت بئتئرَر. 9حیوانلارا یمه‌یئنی ورئر، قارغا بالالارینا دا، قیشقیردیقلاری زامان. 10اونون کِفی نه آتین قووّتئنده‌دئر، نه ده خوشو کئشئنئن بالدیرلاریندا. 11آتامیزین اوره‌یی اوندان قورخانلاردان خوشلانار، اونون محبّتئنه اومئد باغلایانلاردان.
12ای اورشلئم، آتامیزا حمد ات! ای صحیون، آتانا حمد ات! 13چونکی او، دروازالارینین چفته‌لرئنی مؤحکملَندئرَر؛ دووارلاریندا اؤولادلارینا برکت وِرَر. 14سرحدلرئنه امئن-آمانلیق گتئرَر؛ سنی لاپ یاخشی بوغدا ائله دویورور. 15او، امرئنی یِر اوزونه گؤندَ‌رَر؛ اونون سؤزو ایتی قاچار. 16قاری یون کئمی وِرَر؛ پولَکه‌نی کول کئمی سَپَر. 17دولوسونو چؤرک قیریقلاری کئمی توللایار؛ اونون سویوغونون قاباغیندا کئم دایانا بئلر؟ 18سؤزونو گؤندَ‌رئب بوزو اَرئدَر؛ یلئنی اَسدئرَر و سولار آخار. 19سؤزونو یعقوبا اعلان اِدَر، قانونلارینی و حؤکملرئنی ائسرایئله بیلدئرَر. 20بونو هچ بئر آیری مئلّت اوچون اتمه‌یئب؛ اونلار اونون حؤکملرئنی بئلمزلر. هللویا!
