هللوياه
خپله هیله په شهزادګانو مه تړئ. د هغوی پلانونه په همغه ورځ له هغوی سره مري چې هغوی مري. بدیل یې زموږ پلار دی، او هغه د خپلو رښتینو کارونو له مخې یادېږي: د مظلومانو لپاره عدالت، د وږو لپاره ډوډۍ، د بندیانو آزادي، او د پردیو، یتیمانو او کونډو ساتنه.
146 1هللوياه! اے زما روحه، د زمونږ پلار ثناء بيان کړه.
2تر څو چې ژوندے يم، د زمونږ پلار ثناء به بيانوم؛ تر څو چې ساه لرم، د زمونږ پلار دپاره به سندرې وايم.
3په اميرانو باندې اعتماد مۀ کوئ، په داسې انسان باندې چې مرګے دے او تاسو نۀ شى خلاصولے. 4د هغۀ روح وځى، هغه بيرته خاورو ته ورګرځى؛ په هم هغه ورځ د هغۀ ټولې ارادې ختمې شى. 5نيکمرغه دے هغه څوک چې د يعقوب خُدائ پاک يې مددګار وى، او اُميد يې په زمونږ پلار باندې وى.
6هغه د آسمان او د زمکې پېدا کوونکے دے، د سمندر او د هغه ټولو شيانو چې په دوى کښې دى؛ هغه تل وفادارى ساتى. 7هغه په مظلومانو انصاف کوى؛ هغه وږو ته ډوډۍ ورکوى. زمونږ پلار بنديان آزادوى. 8زمونږ پلار د ړندو سترګې خلاصوى؛ زمونږ پلار هغه کسان پورته کوى چې کوزيدلى وى؛ زمونږ پلار د صادقانو سره مينه کوى. 9زمونږ پلار د پردو ساتنه کوى؛ هغه د يتيم او کونډې ملاتړ کوى، خو د بدکارانو لاره هغه برباده کوى.
10زمونږ پلار به تل بادشاهى کوى—ستا پلار، اے صيون، د نسل په نسل. هللوياه!
