ହାଲ୍ଲିଲୂୟା

ଅଧିପତିମାନଙ୍କ ଉପରେ ଭରସା ରଖ ନାହିଁ, ଯେଉଁ ଦିନ ସେମାନେ ମରନ୍ତି ସେହି ଦିନ ସେମାନଙ୍କ ସଂକଳ୍ପ ମଧ୍ୟ ନଷ୍ଟ ହୁଏ। ଏହାର ବିକଳ୍ପ ହେଉଛନ୍ତି ଆମର ପିତା, ସେ ପ୍ରକୃତରେ ଯାହା କରନ୍ତି ତାହା ଦ୍ୱାରା ତାଲିକାଭୁକ୍ତ: ଉପଦ୍ରୁତମାନଙ୍କ ପାଇଁ ନ୍ୟାୟ, କ୍ଷୁଧିତମାନଙ୍କ ପାଇଁ ଅନ୍ନ, ବନ୍ଦୀମାନଙ୍କ ମୁକ୍ତି, ବିଦେଶୀ, ଅନାଥ ଓ ବିଧବାମାନଙ୍କ ପ୍ରତିପାଳନ।

ଅଧ୍ୟାୟ 146।

ହାଲ୍ଲିଲୂୟା! ହେ ମୋହର ପ୍ରାଣ, ଆମ୍ଭମାନଙ୍କ ପିତାଙ୍କ ପ୍ରଶଂସା କର।

ମୁଁ ବଞ୍ଚିଥିବା ପର୍ଯ୍ୟନ୍ତ ଆମ୍ଭମାନଙ୍କ ପିତାଙ୍କ ପ୍ରଶଂସା କରିବି; ମୋʼ ନିଶ୍ଵାସ ଥିବା ପର୍ଯ୍ୟନ୍ତ ଆମ୍ଭମାନଙ୍କ ପିତାଙ୍କ ଉଦ୍ଦେଶ୍ୟରେ ଗାନ କରିବି।

ଅଧିପତିମାନଙ୍କଠାରେ, ଯେ ତୁମ୍ଭକୁ ପରିତ୍ରାଣ କରିପାରେ ନାହିଁ, ଏପରି ମର୍ତ୍ତ୍ୟ ମନୁଷ୍ୟଠାରେ ଭରସା ରଖ ନାହିଁ। ତାହାର ପ୍ରାଣ ବାହାରିଯାଏ, ସେ ମୃତ୍ତିକାକୁ ଫେରିଯାଏ; ସେହି ଦିନ ତାହାର ସମସ୍ତ ସଂକଳ୍ପ ବିନଷ୍ଟ ହୁଏ। ଯାକୁବଙ୍କ ଈଶ୍ଵର ଯାହାର ସହାୟ, ଆମ୍ଭମାନଙ୍କ ପିତାଙ୍କଠାରେ ଯାହାର ଭରସା, ସେ ଧନ୍ୟ।

ସେ ସ୍ଵର୍ଗ ଓ ପୃଥିବୀର, ସମୁଦ୍ର ଓ ତନ୍ମଧ୍ୟସ୍ଥ ସକଳର ସୃଷ୍ଟିକର୍ତ୍ତା; ସେ ଅନନ୍ତକାଳ ବିଶ୍ଵସ୍ତତା ରକ୍ଷା କରନ୍ତି। ସେ ଉପଦ୍ରବଗ୍ରସ୍ତମାନଙ୍କ ପକ୍ଷରେ ନ୍ୟାୟ ସାଧନ କରନ୍ତି; ସେ କ୍ଷୁଧିତମାନଙ୍କୁ ଆହାର ଦିଅନ୍ତି। ଆମ୍ଭମାନଙ୍କ ପିତା ବନ୍ଦୀମାନଙ୍କୁ ମୁକ୍ତ କରନ୍ତି। ଆମ୍ଭମାନଙ୍କ ପିତା ଅନ୍ଧମାନଙ୍କ ଚକ୍ଷୁ ଫିଟାନ୍ତି; ଆମ୍ଭମାନଙ୍କ ପିତା ଅବନତମାନଙ୍କୁ ଉଠାନ୍ତି; ଆମ୍ଭମାନଙ୍କ ପିତା ଧାର୍ମିକମାନଙ୍କୁ ପ୍ରେମ କରନ୍ତି। ଆମ୍ଭମାନଙ୍କ ପିତା ବିଦେଶୀମାନଙ୍କୁ ରକ୍ଷା କରନ୍ତି; ସେ ପିତୃହୀନ ଓ ବିଧଵାକୁ ଧରି ରଖନ୍ତି, ମାତ୍ର ଦୁଷ୍ଟମାନଙ୍କ ପଥ ସେ ବିପର୍ଯ୍ୟସ୍ତ କରନ୍ତି।

ଆମ୍ଭମାନଙ୍କ ପିତା ଅନନ୍ତକାଳ ରାଜ୍ୟ କରିବେ—ହେ ସିୟୋନ, ତୁମ୍ଭର ପିତା ପୁରୁଷାନୁକ୍ରମେ ରାଜ୍ୟ କରିବେ। ହାଲ୍ଲିଲୂୟା!