Aleluya
Kutula kivuvu ya nge ve na bamfumu, bayina mabanza ya bawu ke fwa kintwadi na bawu na kilumbu yina bawu ke kufwa. Kima ya nkaka kele Tata ya beto, yina ba ke tanga na mambu yina yandi ke sala mpenza: ludedomo na bantu yina ba ke nyokolaka, mampa na bayina kele na nsatu, bankole na kimpwanza, banzenza, bansaana mpe mifwidi yina yandi ke keba.
146 1Aleluya! Kembila Tata ya beto, mwela ya munu.
2Mu ke kembila Tata ya beto ntangu mu kele moyo; mu ke yimbila samu na Tata ya beto ntangu nyonso mu ke pema.
3Kutula kivuvu ya nge ve na bamfumu, na muntu yina ke kufwaka, yina lenda kuula nge ve. 4Mpeve ya yandi ke katuka, yandi ke vutuka na ntoto; kaka na kilumbu yina, mabanza ya yandi ke fwa. 5Kyese na muntu yina kisadisi ya yandi kele Nzambi ya Yakobi, yina kele na kivuvu na Tata ya beto.
6Yandi kele Muyidiki ya zulu mpe ntoto, mubu mpe bima nyonso yina kele na kati na yawu; yandi ke keba kukwikama ya yandi seko. 7Yandi ke pesaka ludedomo na bantu yina ba ke nyokolaka; yandi ke pesaka mampa na bayina kele na nsatu. Tata ya beto ke bikaka bankole na kimpwanza. 8Tata ya beto ke zibulaka meso ya bampofo; Tata ya beto ke zangulaka bayina me kuluka; Tata ya beto ke zolaka bantu ya kudedama. 9Tata ya beto ke kebaka banzenza; yandi ke sadisaka nsaana mpe mufwidi, kasi yandi ke bebisaka nzila ya bantu ya yimbi.
10Tata ya beto ke yalaka seko—Tata ya nge, Siyone, na bambandu nyonso. Aleluya!