2 ዜና መዋዕል 20

20 ¹ከዚህ በኋላ ሞዓባውያንና አሞናውያን ከአንዳንድ ሜዑናውያን ጋር ኢዮሣፍጥን ለመውጋት መጡ። ²መልእክተኞችም መጥተው ለኢዮሣፍጥ፣ “ከሙት ባሕር ማዶ ከኤዶም ታላቅ ሰራዊት ባንተ ላይ እየመጣ ነው፤ አሁንም በሐጸጾን ታማር ይገኛል” ብለው ነገሩት፤ ይኸውም ዓይንጋዲ ነው። ³ኢዮሣፍጥም ፈራ፤ አባታችንንም ለመፈለግ ቈረጠ፤ በይሁዳ ሁሉ ጾም አወጀ። ⁴ይሁዳም አባታችንን ለመፈለግ ተሰበሰበ፤ ከይሁዳ ከተሞች ሁሉ እርሱን ለመፈለግ መጡ።

⁵ኢዮሣፍጥም በአባታችን ቤት በአዲሱ አደባባይ ፊት በይሁዳና በኢየሩሳሌም ጉባኤ መካከል ቆመ፤ ⁶እንዲህም አለ፤ “አባታችን ሆይ፤ የአባቶቻችን አምላክ፥ በሰማይ ያለኸው አባታችን አንተ አይደለህምን? በአሕዛብ መንግሥታት ሁሉ ላይ የምትገዛ አንተ ነህ፤ ኀይልና ብርታት በእጅህ ነው፤ በአንተ ፊት ሊቆም የሚችል የለም። ⁷አባታችን ሆይ፤ ከሕዝብህ ከእስራኤል ፊት የዚህን ምድር ነዋሪዎች ያባረርህ፥ ለወዳጅህም ለአብርሃም ዘር ለዘላለም የሰጠኸው አንተ አይደለህምን? ⁸በውስጡም ኖረው ለስምህ በውስጡ መቅደስ ሠርተውልሃል፤ እንዲህም ብለዋል፤ ⁹ክፉ ነገር ቢመጣብን፥ የፍርድ ሰይፍ ቢሆን ወይም ቸነፈር ወይም ራብ፥ ስምህ በዚህ ቤት ስላለ በዚህ ቤት ፊትና በአንተ ፊት እንቆማለን፤ በመከራችንም ወደ አንተ እንጮኻለን፤ አንተም ትሰማለህ፥ ታድነናለህ። ¹⁰አሁንም እነሆ የአሞን፥ የሞዓብና የሳዔር ተራራ ሰዎች፥ እስራኤል ከግብፅ ምድር በወጣ ጊዜ እንዲወርራቸው አልፈቀድህም ነበር፤ እስራኤልም ከእነርሱ ፈቀቅ ብሎ አላጠፋቸውም። ¹¹እነሆ፥ እንድንወርሳት ከሰጠኸን ርስት ሊያባርሩን በመምጣት እንዴት ዋጋ እንደሚከፍሉን ተመልከት። ¹²አባታችን ሆይ፤ አትፈርድባቸውምን? በእኛ ላይ በመጣው በዚህ ታላቅ ሰራዊት ፊት ኀይል የለንም፤ ምን እንደምናደርግ አናውቅም፤ ዐይኖቻችን ግን ወደ አንተ ናቸው።”

¹³ይሁዳ ሁሉ ከሕፃናታቸው፥ ከሚስቶቻቸውና ከልጆቻቸው ጋር በአባታችን ፊት ቆመ።

¹⁴በጉባኤው መካከልም የአሳፍ ወገን በሆነው ሌዋዊ፥ በማታንያ ልጅ በይኢኤል ልጅ በበናያ ልጅ በዘካርያስ ልጅ በያዚኤል ላይ የአባታችን መንፈስ ወረደ።

¹⁵እንዲህም አለ፤ “የይሁዳ ሕዝብ ሁሉ፥ የኢየሩሳሌም ነዋሪዎችና ንጉሡ ኢዮሣፍጥ ሆይ፥ ስሙ፤ አባታችን እንዲህ ይላችኋል፤ በዚህ ታላቅ ሰራዊት ምክንያት አትፍሩ፥ አትደንግጡም፤ ጦርነቱ የአባታችን እንጂ የእናንተ አይደለምና። ¹⁶ነገ በእነርሱ ላይ ውረዱ፤ እነሆ፥ በጺጽ ዐቀበት እየወጡ ናቸው፤ በሸለቆው መጨረሻ፥ በይሩኤል ምድረ በዳ ፊት ለፊት ታገኟቸዋላችሁ። ¹⁷በዚህ ጦርነት መዋጋት አያስፈልጋችሁም፤ የይሁዳና የኢየሩሳሌም ሰዎች ሆይ፥ ተሰልፋችሁ ጸንታችሁ ቁሙ፤ አባታችንም እንዴት እንደሚያድናችሁ ተመልከቱ፤ አትፍሩ፥ አትደንግጡም፤ ነገ በእነርሱ ላይ ውጡ፤ አባታችን ከእናንተ ጋር ነውና።’”

¹⁸ኢዮሣፍጥም በግምባሩ ወደ ምድር ተደፋ፤ የይሁዳና የኢየሩሳሌም ሰዎች ሁሉም በአባታችን ፊት ተደፍተው ሰገዱ። ¹⁹ከዚያም ከቀዓታውያንና ከቆሬያውያን ወገን የሆኑ ሌዋውያን የእስራኤልን አምላክ አባታችንን በታላቅና ከፍ ባለ ድምፅ ለማመስገን ተነሡ።

²⁰በማለዳም ተነሥተው ወደ ቴቁ ምድረ በዳ ወጡ፤ በወጡም ጊዜ ኢዮሣፍጥ ቆሞ፣ “የይሁዳ ሕዝብና የኢየሩሳሌም ነዋሪዎች ሆይ፥ ስሙኝ፤ በአባታችሁ ታመኑ፥ ትጸናላችሁም፤ በነቢያቱም ታመኑ፥ ትከናወናላችሁም” አለ።

²¹ኢዮሣፍጥም ከሕዝቡ ጋር ከተማከረ በኋላ ለአባታችን የሚዘምሩ፥ የተቀደሰውን ክብሩን የሚያመሰግኑ ዘማርያንን ሾመ፤ ከሰራዊቱም ፊት እየሄዱ፣ “አባታችንን አመስግኑ፥ ምሕረቱ ለዘላለም ነውና” ይሉ ነበር። ²²መዘመርና ማመስገን በጀመሩ ጊዜ አባታችን ይሁዳን ይወጉ በነበሩት በአሞናውያን፥ በሞዓባውያንና በሳዔር ተራራ ሰዎች ላይ አድፍጠው የሚጠብቁ አስቀመጠ፤ ተመቱም። ²³የአሞንና የሞዓብ ሰዎች ሊያጠፏቸውና ሊደመስሷቸው በሳዔር ተራራ ሰዎች ላይ ተነሡ፤ የሳዔርንም ሰዎች ከጨረሱ በኋላ እርስ በርሳቸው ተፋጁ።

²⁴ይሁዳም ምድረ በዳውን ወደሚያዩበት ማማ በደረሱ ጊዜ ወደ ታላቁ ሰራዊት ተመለከቱ፤ እነሆም፥ በምድር ላይ የወደቁ በድኖች ብቻ ነበሩ፤ ያመለጠም አንድ ስንኳ አልነበረም። ²⁵ኢዮሣፍጥና ሕዝቡም የወደቁትን ሊበዘብዙ መጡ፤ ብዙ ንብረት፥ ልብስና ውድ ዕቃ አገኙ፤ ሊሸከሙት ከሚችሉትም በላይ ነበር፤ መሰብሰቡም ሦስት ቀን ፈጀባቸው።

²⁶በአራተኛውም ቀን በበራካ ሸለቆ ተሰበሰቡ፤ በዚያም አባታችንን አመሰገኑ፤ ስለዚህ ያ ስፍራ እስከ ዛሬ ድረስ የበራካ ሸለቆ ተብሎ ይጠራል። ^a a v26 በራካ የሚለው ስም “በረከት” ማለት ነው፤ ሸለቆው ይህን ስም ያገኘው ይሁዳ በዚያ ለአባታችን ባቀረበው ምስጋና ምክንያት ነው። ²⁷የይሁዳና የኢየሩሳሌም ሰዎች ሁሉ፥ ኢዮሣፍጥ እየመራቸው፥ በደስታ ወደ ኢየሩሳሌም ተመለሱ፤ አባታችን በጠላቶቻቸው ላይ ደስ አሰኝቷቸው ነበርና። ²⁸በበገና፥ በመሰንቆና በመለከት ወደ ኢየሩሳሌም ገቡ፤ ወደ አባታችንም ቤት ሄዱ። ²⁹እነዚያ በዙሪያ ያሉ መንግሥታት ሁሉ አባታችን የእስራኤልን ጠላቶች እንደተዋጋ በሰሙ ጊዜ የአባታችን ፍርሃት በእነርሱ ላይ ወደቀ። ³⁰ስለዚህ የኢዮሣፍጥ መንግሥት ሰላም ሆነ፤ አባቱ በየአቅጣጫው ዕረፍት ሰጥቶት ነበርና።

የአባታችንን መንገድ የተከተለ ንጉሥ

³¹ኢዮሣፍጥም በነገሠ ጊዜ ዕድሜው ሠላሳ አምስት ዓመት ነበር፤ በኢየሩሳሌምም ሃያ አምስት ዓመት ነገሠ፤ የእናቱም ስም የሺልሂ ልጅ ዓዙባ ነበር። ³²በአባቱ በአሳ መንገድም ተመላለሰ፤ ከእርሱም ፈቀቅ አላለም፤ በአባታችን ዐይን ቅኑን አደረገ። ³³ነገር ግን የኮረብታ መስገጃዎች አልጠፉም ነበር፤ ሕዝቡም ገና ልባቸውን ወደ አባቶቻቸው አምላክ አላዘነበሉም።

³⁴የኢዮሣፍጥም ሌሎች ሥራዎች ከመጀመሪያ እስከ መጨረሻ፥ እነሆ፥ በእስራኤል ነገሥታት መጽሐፍ በተካተተው በሃናኒ ልጅ በኢዩ ዜና መዋዕል ተጽፈዋል።

³⁵ከዚህ በኋላ የይሁዳ ንጉሥ ኢዮሣፍጥ ክፉ ከሚያደርገው ከእስራኤል ንጉሥ ከአካዝያስ ጋር ተባበረ። ³⁶ወደ ተርሴስ የሚሄዱ የንግድ መርከቦችን ለመሥራት ከእርሱ ጋር ተስማማ፤ መርከቦቹንም በዔጽዮንጋብር ሠሩ። ³⁷የመሬሳ ሰው የዶዳዋ ልጅ አልዓዛር በኢዮሣፍጥ ላይ ትንቢት ተናግሮ፣ “ከአካዝያስ ጋር ስለተባበርህ አባታችን ሥራህን አፈረሰው” አለ፤ መርከቦቹም ተሰበሩ፤ ወደ ተርሴስ መሄድም አልቻሉም።