Mulongi Wisi Zonza
Mulongi wisi sanda ndandu «ku tsya tangwa», amana tukidila ha fulu dyadina dya tsi, wisi mona Nzambi hanga wa nda yi wuna kalenda bakuluka ku—bisi mutela kaka ni Nzambi, phasi-phasi ni Tata. Kaasi bidimbu byandi byenina muma mwosu: kosu kabu dya mboti dya luzingu lwa kosu tangwa disi tuka ku koku dyandi.
1 1Ndinga za Mulongi, mwana wa Tavidi, kyamvu mu Yelusalemi. a a v1 Mukanda wa Ekelesiyasiti wenina kimbangi kya Koyeleti — «Musamuni» holo «Mutu wuna wisi kutakanisa lukutakanu.» Muna mukanda wumosu, Koyeleti wisi zonza mu Nzambi hanga nzambi wa thama, kasalaku kubaka khumbu ya kifwani «Tata.» Mukanda wawu wisi songila kulembwa kwa kyedika kwa luzingu luna luzingwa «ku tsya tangwa» — konda kufikama kwa Tata wetu kuna kwámonika. Yesu wisa mu kufikisa Tata kwena betu (Yowani 14:9). 2«Bya tangwa dimosi kwandi,» wisi zimbula Mulongi, «bya tangwa dimosi kwandi! Byosu byenina bya tangwa dimosi.»
3Khi ndandu mutu kamona muna lombu dyandi dyosu dina kalembwa yawu ku tsya tangwa? 4Mbandu yimosi yisi kwenda, amana mbandu yikwawu yisi kwisa, kaasi tsi yisi nangina mu kimakulu. 5Tangwa wisi lubuka amana tangwa wisi tuluka, amana wisi vutuka thinu kuna wisi lubukila. 6Muphephi wisi fula ku banda amana wisi baluka ku londi; wisi zunga-zunga, kosu tangwa wisi vutuka muna binzunga byandi. 7Banzadi boosu bisi kwenda ku yanga dya mbuta, kaasi yanga dya mbuta dyisi zalaku kosu tangwa; banzadi bisi vutuka ku kisina kya bawu amana bisi tika mbala yikwawu. 8Bima byosu bisi lembisa, kuluta bwosu mutu kalenda zonza; disu dyisi yukutaku mu kutala, amana kutu dyisi zalaku mu kuyuka. 9Kina kyákala, kyawu kina kyakála kwisa, amana kina kyásalama, kyawu kina kyakála salama; hakalaku kima kya pha ku tsya tangwa. 10Kyenina ku kima mutu kalenda songila amana kazimbula: «Tala, dyadi dya pha»? Dyákala kwakuna kwandi, muna makula mana mákala ku thwala ya betu. 11Hakalaku kuyubuka kwa batu bana bákala ku theti, amana keti batu bana bakála kwisa, bisi yubukama ku kwa bana bakála balanda.
Lusandu lwa Solumoni
12Meni, Mulongi, yákala kyamvu wa Kiseledi mu Yelusalemi. 13Yáhana mbundu yama mu kusanda yi kuzaya mu mudimu mana moosu masalama ku tsya zilu — kisalu kya phasi kina Nzambi káhana kwena bana ba batu mu kunyokuka mwawu. 14Yámona mihangu myosu mina misalama ku tsya tangwa, amana tala — byosu bya tangwa dimosi, kulanda muphephi kwandi. 15Kina kyenina kya khonda kyisiku lenda kusungikama, amana kina kyakonda kyisiku lenda kutangama. 16Yázimbula mu mbundu yama: «Tala, yákituka mbuta amana yábakila mudimu wuluti wa boosu bana báyala Yelusalemi ku thwala yama; mbundu yama yámona mudimu wa lawu yi nzayilu.» 17Yáhana mbundu yama mu kuzaya mudimu, yi kilawu yi buzoba; yílonguka ni dyadi phi dyenina kulanda muphephi. 18Mukuma muna mudimu wa lawu mwisi kwisa kyadi kya lawu, amana wuna wisi vwa nzayilu za lawu, wisi vwa kiwayi kya lawu.
