Mi eng' bukuit

Tyenwogigap Kalasunet 147 FHB Father's Heart Bible™

Kiistoi 15% eng' kiy ne iale korook →
Bukuit

Ano ne Myee Ketyenji Kalasunet

Kwaei Kwandanyo kecheik ak koguure age tugul eng' kainennyi, ak isaabei che kagobetak mugulelwekwak; iyookei teluji ak chepkoset, yeityo ng'olyoondennyi ne yaei kochootei. Kiy ne baibaitune ineendet ko ma kimnateetap paraisiit anan keelyegap chiito, ago piik che amang'u rireenennyi.

Sura 147.

Haleluya! Ano ne myee ketyenji kalasunet Kwandanyo; ano ne karaaran ak ne nyolu kelasun ineendet.

Teechei Kwandanyo Jerusalem; koyumi piigap Israel che kaiyesta. Saabei che kagobetak mugulelwekwak ak koraat pirutikwak. Kwaei kecheik; koguure age tugul eng' kainennyi. Oo Kwandanyo ne Kiptaiyat, ak oo kimnateennyi; ma kimuuchi kekwaa naennyi. Eetei Kwandanyo che iming'inegei; kochoorei kiptengeginik ng'wony.

Otyenji Kwandanyo eng' kongoi; obut ineendet ketubet. Tuchei kipsengwet eng' poolik; iyookyin ropta ng'wony; koimin susweek eng' tuloonook. Goochini tiong'ik amitwogikwak, ak lagogap chepkuginik ye kaweech. Ma baibaitune eng' kimnateetap paraisiit, ak ma baibaitune eng' keelyegap chiito. Baibaitune Kwandanyo eng' che ywei ineendet, eng' che amang'u rireenennyi.

Lasun Kwandanyo, Jerusalem! Lasun Kwandang'ung', Zion! Amu kigimit kweonigap kurgotiguk; koberuuri lagoguk eng' irimoiguk. Koonu kaalyeet eng' kiwotosyeguk; koibiyin eng' nganuuk che myachen. Yookei ng'atuutyennyi ng'wony; labatei ng'olyoondennyi chito. Koonu teluji ko uu koroorigap keechiirek; koiyesta chepkoset ko uu oreek. Wiirei koigap roptanyi ko uu kitigin; ng'oo ne imuuchi kotonon eng' taitap kaitityennyi? Yookei ng'olyoondennyi ak kowale peek che kaimeen; kowasei usoonennyi, ak korootune peek. Imwachi Jakobo ng'olyoondennyi, ak imwachi Israel ng'atuutikyik ak kirwoogutikyik. Ma kiyai niito eng' pororyet age tugul; ma ngen icheek kirwoogutikyik. Haleluya!